ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴷⴻⵃⵃⴰⵙ ⵏ ⵎⵉⵏⴻⵏ (ⵎⴻⴽⴽⴰ): 46 ⵏ ⵢⵉⵎⵃⵓⴵⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵎⵎⵓⵜⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵡⵡⴻⴹ ⵓⵎⴹⴰⵏ (ⵍⴻⵄⴷⴰⴷ) ⵏ ⵢⵉⵎⵃⵓⴵⴵⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵓⵎⴷⴻⵃⵃⴰⵙ ⵏ ⵎⵉⵎⴻⵏ (ⵙⴷⴰⵜ ⵎⴻⴽⴽⴰ) ⵖⴻⵔ 46, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵍⴻⵃⵙⴰⴱ ⴰⵎⴰⵢⵏⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⴰⵖⵍⵉⴼ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « 4 ⵏ ⵢⵉⵎⵃⵓⴵⴻⵏ ⵉⵎⴻⵊⵔⴰⵃ ⴰⵢ ⵎⴰⵣⴰⵍ ⴷⴻⴳ ⵓⵙⴱⵉⵟⴰⵔ ⵢⴻⵔⵏⴰ 3 ⵏⵉⴹⴻⵏ ⵡⴻⵔⵄⴰⴷ ⵓⵔ ⴷ-ⴱⴰⵏⴻⵏ ⴰⵔ ⴰⵙⵙ-ⴰ ».

ⵢⴻⵏⵏⴰ-ⴷ ⵓⵖⵍⵉⴼ ⴷ ⴰⴽⴽⴻⵏ ⵓⵎⵓⵖ (ⵇⴰ’ⵉⵎⴰ) ⵏ ⵢⵉⵎⵃⵓⴵⴻⵏ ⴰⵢ ⵢⴻⵎⵎⵓⵜⴻⵏ, ⵢⴻⵍⵍⴰⵏ ⴷⴻⴳ ⵓⵙⴱⵉⵟⴰⵔ ⵏⴻⵖ ⵄⴻⵔⵇⴻⵏ ⵣⴻⵎⵔⴻⵏ ⴰⴷ ⵜ-ⴰⴼⴻⵏ ⵎⴻⴷⴷⴻⵏ ⴷⴻⴳ ⵜⵙⴻⵇⵇⴰⵎⵓⵜ ⵏ ⵜⴰⵍⵓⴼⵜ ⵢⴻⵍⵍⴰⵏ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⵜⴰⵙⴻⵇⵇⴰⵎⵓⵜ ⵏ ⵜⴰⵍⵓⴼⵜ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵙ ⵓⵎⵄⴰⵡⴻⵏ ⴷ ⵜⵙⴻⵇⵇⴰⵎⵓⵜ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, « ⵎⴰⵣⴰⵍ-ⵉⵜⵜ ⵜⴻⵜⵜⴹⴰⴼⴰⵔ ⵉⴳⵎⴰⴹ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⵅⴻⵚⵚⴰⵔ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⵉⵏⴻⵏ ⴷ ⵡⴰⵢⴻⵏ ⴰⵢ ⵢⴻⴹⵔⴰⵏ ⵉ ⵢⵉⵎⵃⵓⴵⴻⵏ-ⵏⵏⴻⵖ, ⵢⴻⵔⵏⴰ ⵜⴻⵣⴳⴰ ⵜⴻⵙⵄⴰ ⴰⵏⴻⵔⵎⵉⵙ (ⵉⵜⵜⵉⵚⴰⵍ) ⴷ ⵓⵇⴻⵏⵚⵓⵍ ⴰⵎⴰⵜⵓ ⴷ ⵡⵉⴷ ⴰⵢ ⵉⴱⴻⴷⴷⴻⵏ ⵉ ⵍⵎⴻⵏⴷ ⵏ ⵢⵉⵎⵃⵓⴵⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

« ⵜⴰⵙⴻⵇⵇⴰⵎⵓⵜ ⵏ ⵜⴰⵍⵓⴼⵜ ⵜⴻⵜⵜⵄⴻⵣⵣⵉ ⵜⵉⵡⴰⵛⵓⵍⵉⵏ ⵏ ⵢⵉⵎⴻⵕⵃⵓⵎⴻⵏ ⵢⴻⵔⵏⴰ ⵜⴻⵙⵙⴰⵔⴰⵎ ⵜⵓⵊⵊⵢⴰ ⵉ ⵢⵉⵎⴻⵊⵔⴰⵃ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵎⴻⴽⵜⴰⵢ ⴷ ⴰⴽⴽⴻⵏ ⵎⴰⵣⴰⵍ-ⵉⵜⵜ ⵜⴻⵡⵊⴻⴷ ⴰⴽⴽⴻⵏ ⴰⴷ ⴷ-ⵜⴻⵔⵔ ⵖⴻⴼ ⵜⵓⵜⵜⵔⵉⵡⵉⵏ ⴷ ⵢⵉⵖⴻⴱⵍⴰⵏ ⵏ ⵜⵡⴰⵛⵓⵍⵉⵏ ⴰⵢ ⵜⵃⵓⵣⴰ ⵜⴻⴷⵢⴰⵏⵜ-ⴰ ⵢⴻⵙⵙⴻⵃⵣⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⴷⴻⵎ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.