Asebter amenzawi

Amdeḥḥas n Minen (Mekka): 46 n yimḥuǧen idzayriyen ay yemmuten

LEZZAYER TAMANEɣT – Yewweḍ umḍan (leɛdad) n yimḥuǧǧen idzayriyen ay yemmuten deg umdeḥḥas n Mimen (sdat Mekka) ɣer 46, ɣef wakken ay d-yebder leḥsab amaynu n uɣlif n tɣawsiwin n uzɣar.

Aɣlif yenna-d daɣ d akken « 4 n yimḥuǧen imejraḥ ay mazal deg usbiṭar yerna 3 niḍen werɛad ur d-banen ar ass-a ».

Yenna-d uɣlif d akken umuɣ (qa’ima) n yimḥuǧen ay yemmuten, yellan deg usbiṭar neɣ ɛerqen zemren ad t-afen medden deg tseqqamut n taluft yellan deg uɣlif n tɣawsiwin n uzɣar.

Taseqqamut n taluft n uɣlif n tɣawsiwin n uzɣar, s umɛawen d tseqqamut n uɣlif n tɣawsiwin n ddin, « mazal-itt tettḍafar igmaḍ ay d-yefrurin seg uxeṣṣar-nni ay d-yellan deg Minen d wayen ay yeḍran i yimḥuǧen-nneɣ, yerna tezga tesɛa anermis (ittiṣal) d uqenṣul amatu d wid ay ibedden i lmend n yimḥuǧen », ɣef wakken ay d-yenna uɣlif n tɣawsiwin n uzɣar.

« Taseqqamut n taluft tettɛezzi tiwaculin n yimeṛḥumen yerna tessaram tujjya i yimejraḥ, am wakken ay d-tesmektay d akken mazal-itt tewjed akken ad d-terr ɣef tuttriwin d yiɣeblan n twaculin ay tḥuza tedyant-a yesseḥzanen », ɣef wakken ay tt-id-yexdem ulɣu (bayan) n uɣlif n tɣawsiwin n uzɣar.