Asebter amenzawi

Lemxaltat ger Lezzayer d Rrus: I useǧhed n lemɛiwna deg waṭaṣ n yeḥricen

LEZZAYER - Imtekkiyen deg yiwet n temlilit yerzan lemxaltat ger Lezzayer d Rrus yettwasuddsen ass n laṛebɛa tameddit di Lezzayer ssawlen i useǧhed n lemɛwna ger snat n tmura deg waṭaṣ n yeḥricen.

Mmeslayen-d lawan n temlilit-agi yettwaselwin sɣuṛ Mohamed Larbi Ould Khelifa, aselway Useqqamu aɣerfan aɣelnaw (APN), akk d Sergueï Narychkine, aselway n Douma n Tfidiṛalit Tarusit, imḍebbṛen aɛlayen d yiberlamaniyen izzayriyen akk d yirusiyen ssawlen i lemɛiwna yemmzdin ara d-yemmezgen d wazal n lemxaltat timazrayin n tegmatt yezdin sin iɣerfan akk d snat n tmura.

Anemhal amatu unadi ussnan d unegmu atiknuluji, Abdelhafid Aourag, yessarem ad iwali amɛawen atiknuluji akk d wussnan ger snat n tmura ad yuɣal ɣer weswir-nni n iseggasen n 1970 akk d 1980, tallit deg tisdawiyin n Lezzayer llan deg-sent aṭaṣ n yiselmaden irusiyen (iṣubiatikiyen).

‘‘Ad nessiwel i tesdawiyin tirusiyin akken ad grent iman-nsent deg unegmu unadi ussnan d utiknuluji di Lezzayer‘‘, id-yenna, d usefhem belli ddewla tettṣeṛṛif tadrimt tamuqṛant I wesnerni n weḥric-agi azwaran.