ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵟⵎⴰⵏⴰ ⵏ ⵜⴽⴻⵕⵕⵓⵙⵉⵏ: ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵓⵖⵔⴰⵎ ⵏ ⵢⵉⴷⵔⵉⵎⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⴷⵎⴻⵏⵜ ⵜⴽⴻⴱⴱⴰⵏⵉⵢⵉⵏ ⵏ ⵓⵙⴻⵏⴽⵉⴷ (ⵜⴰ’ⵎⵉⵏ) ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵍⵎⴻⵏⴷ ⵏ ⵓⵙⵙⴻⵄⵊⴻⵍ ⵏ ⵓⵖⵔⴰⵎ ⵏ ⵢⵉⴷⵔⵉⵎⴻⵏ ⵉ ⵓⵚⴻⴳⴳⴻⵎ ⵏ ⵜⴽⴻⵕⵕⵓⵙⵉⵏ ⵢⴻⵜⵜⴻⵡⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⴷⵣⴰⵢⵔⵉⵜ ⵏ ⵜⴽⴻⴱⴱⴰⵏⵉⵢⵉⵏ ⵏ ⵓⵙⴻⵏⴽⵉⴷ ⴷ ⵡⴰⵍⵍⵓⵙ ⵏ ⵓⵙⴻⵏⴽⵉⴷ, ⴱⵔⴰⵀⴻⵎ ⴷⵊⴰⵎⴻⵍ ⴽⴻⵙⵙⴰⵍⵉ.
ⵉ ⵍⵎⴻⵏⴷ ⵏ ⵡⴰⵢⴰ, ⵙⵜⴻⵏⵢⴰⵏⵜ ⵜⴽⴻⴱⴱⴰⵏⵉⵢⵉⵏ ⵏ ⵓⵙⴻⵏⴽⵉⴷ ⵙⵉⵏ ⵏ ⵢⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⴳⴰⵔ-ⴰⵙⴻⵏⵜ ⵉ ⵍⵎⴻⵏⴷ ⵏ ⵓⵖⵔⴰⵎ ⵏ ⵡⴰⵢⴻⵏ ⴰⵢ ⵜⵜⵡⴰⵍⴰⵙⴻⵏⵜ ⴷ ⵍⵍⵙⵉⵙⴰⵏ ⵏ ⵓⵖⵔⴰⵎ ⵏ ⵢⵉⴷⵔⵉⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴻⵙⵙⴰⵍⵉ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵓⵙⵏⴻⵔⵏⵉ ⵏ ⵓⵙⴻⵏⴽⵉⴷ ⵏ ⵜⴽⴻⵕⵕⵓⵉⵏ ⴷⴻⴳ ⵍⴻⵣⵣⴰⵢⴻⵔ.
ⴰⵎⵜⴰⵡⴰ ⴰⵎⴻⵣⵡⴰⵔⵓ ⴱⴷⴰⵏⵜ ⵜⴽⴻⴱⴱⴰⵏⵉⵢⵉⵏ ⵜⵜⴹⴰⴼⴰⵔⴻⵏⵜ-ⵜ ⴷⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ ⵢⴻⵔⵏⴰ ⵙⴻⵎⵎⴰⵏ-ⴰⵙ « ⴰⵎⵜⴰⵡⴰ ⵏ ⵓⵖⵔⴰⵎ ⵏ ⵢⵉⴷⵔⵉⵎⴻⵏ ⵏ ⵙⵙⵓⵎⴰ ⵜⴰⵍⴻⵎⵎⴰⵙⵜ ⵉ ⵡⵉⴷ ⴰⵢ ⴷ-ⵢⴻⵛⵛⴻⵜⴽⴰⵏ ». ⴰⵎⵜⴰⵡⴰ-ⴰ ⵢⴻⵍⵍⴰ-ⴷ ⵉ ⵍⵎⴻⵏⴷ ⵏ ⵓⵖⵔⴰⵎ ⵏ ⵢⵉⴷⵉⵔⵉⵎⴻⵏ ⵉ ⵡⵉⴷ ⴰⵢ ⵎⴰⵣⴰⵍ ⵜⵜⵕⴰⵊⵓⵏ ⴰⵢⴰ.
ⵉ ⵍⵎⴻⵏⴷ ⵏ ⵡⴰⵢⴰ, ⴰⴽⴽ ⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⴰⵢ ⵢⴻⵜⵜⵡⴰⵊⴻⵎⵄⴻⵏ ⵢⴻⵔⵏⴰ ⵡⴻⵔⵄⴰⴷ ⴼⵔⵉⵏ ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⴰⴷ ⴰⵙⴻⵏ-ⵖⴻⵔⵎⴻⵏ ⴰⵢⴻⵏ ⴰⵢ ⵜⵜⴰⵍⴰⵙⴻⵏ ⵙⴻⴳ-ⴰ ⵖⴻⵔ ⵢⵓⵏⵢⵓ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ , ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵏⵡⴻⵎⴱⴻⵕ, ⴰⴷ ⵜⵜⵡⴰⵖⴻⵔⵎⴻⵏ ⵢⵉⴷⵔⵉⵎⴻⵏ ⵉ ⵡⴰⴽⴽ ⵉⵅⴻⵚⵚⴰⵔⴻⵏ ⴰⵢ ⵉⵃⵓⵣⴰⵏ ⵜⵉⴽⴻⵕⵕⵓⵙⵉⵏ ⴷⴻⴳ 2010.
ⵎⴰ ⴷ ⴰⵎⵜⴰⵡⴰ ⵡⵉⵙ ⵙⵉⵏ, ⵡⵉⵏ ⵓⵎⵉ ⵙⴻⵎⵎⴰⵏ « ⴰⵎⵜⴰⵡⴰ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵖⴻⴼ ⵓⵖⵔⴰⵎ ⵏ ⵢⵉⵅⴻⵚⵚⴰⵔⴻⵏ ⵉⵏⴳⴰⵡⵉⵢⴻⵏ ⵏ ⵜⴽⴻⵕⵕⵓⵙⵉⵏ » ⴷⴷⴰⵏ-ⴷ ⴷⴻⴳ-ⵙ ⵍⵍⵙⵉⵙⴰⵏ ⵉⵎⴰⵢⵏⵓⵜⴻⵏ ⵉ ⵓⵖⵔⴰⵎ ⵏ ⵢⵉⴷⵔⵉⵎⴻⵏ ⵉ ⵡⵉⴷ ⴰⴷ ⴷ-ⵢⴻⵛⵛⴻⵜⴽⵉⵏ, ⵢⴻⵔⵏⴰ ⴰⴷ ⴷ-ⵢⴻⴱⴷⵓ ⵓⵅⴻⴷⴷⵉⵎ ⵙ ⵓⵎⵜⴰⵡⴰ-ⴰ ⵙⴻⴳ ⵢⴻⵏⵏⴰⵢⴻⵔ ⵏ 2016 ⴷ ⴰⵙⴰⵡⴻⵏ.*
