Asebter amenzawi

Talɣuɣa Taɛṛabt n Tcirt n Uqecwal: GSP terna taɣlamt n Ɛiraq

DUBAI – Terna teɣlamt n GS Petroliers ass n laṛebɛa Taɣlamt n Temsulta (curṭa) n Ɛiraq s 97 ɣer 63 deg wass wis sin n tegrawt B n Telɣuɣa Taɛṛabt n Tcirt n Uqecwal ay la d-yettilin gar 3 d 14 Nwembeṛ deg Dubai.

Deg wass amezwaru ay uraren ass n ttlata, Taɣlamt n Temsulta n Ɛiraq terna taɣlamt n Al Tilel n Yaman s 95 ɣer 65.

Taɣlamt n GS Petroliers yellan d taɣlamt tadzayrit tawḥidt ay yettekkan deg telɣuɣa-a, la tetturar deg tegrawt B ɣer yidis n Teɣlamt n Temsulta (Ɛiraq), Al Charika (Limaṛat Taɛṛabin Yeddukklen) d Al Tilal (Yaman).

Ass wis 3 n tegrawt B ad d-yili ass n Ssebt, 7 Nwembeṛ, yerna ass-nni, GS Petroliers ad turar mgal Al Sharjah (Limaṛat Taɛṛabin Yeddukklen), sakkin, ass n letniyen, ad turar mgal Al Jaich (Qaṭar), ma yella ass n ttlata, 10 Nwembeṛ, ad temqabal d Al Tilel (Yaman). I usmekti, d GS Petroliers d nettat ay d talɣuɣt n Lezzayer n tcirt n uqecwal.

14 n teɣlamin ay yettekkan deg telɣuɣa-a (tis 28) aydeg tella daɣ teɣlamt n Al Rayen (Qaṭar), talɣuɣt taɛṛabt. Tiɣlamin-a bḍant ɣef 3 n tkemmucin (A, B, C).

3 n teɣlamin timezwura deg tegrawin A d B d snat timezwura n C ad ɛeddint ɣer tis 4 n tneggarut.

Igmaḍ n temliliyin n GS Petrolies:

GS Petroliers – Tamsulta (Ɛiraq) 97-63

Ahil n temliliyin ay d-yetteddun:

Ssebt, 7 Nwembeṛ (1s00 n tmeddit)

GS Pétroliers - Al Shrjah (Limaṛat Taɛṛabin Yeddukklen)

Letniyen 9 Nwembeṛ (1s00 n tmeddit):

GS Petroliers - Al Jaich (Qaṭar)

Ttlata 10 Nwembeṛ (3s00):

GS Petroliers - Al Tilel (Yaman).