ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴳⵔⴰⵡⵉⵏ ⵜⵉⵙⴻⵔⵜⵉⵢⵉⵏ ⵜⵉⵙⵒⴻⵏⵢⵓⵍⵉⵢⵉⵏ ⵄⴰⵡⴷⴻⵏⵜ ⵡⴻⴽⴽⴷⴻⵏⵜ-ⴷ ⴰⴱⴷⴰⴷ ⵖⴻⵔ ⵢⵉⵚⴻⵃⵔⴰⵡⵉⵢⴻⵏ
ⵎⴰⴷⵔⵉⴷ – ⵄⴰⵡⴷⴻⵏⵜ ⵡⴻⴽⴽⴷⴻⵏⵜ-ⴷ ⴽⵔⴰ ⵏ ⵜⵓⴷⴷⵙⵉⵡⵉⵏ ⵜⵉⵙⴻⵔⵜⵉⵢⵉⵏ ⵜⵉⵙⵒⴻⵏⵢⵓⵍⵉⵢⵉⵏ ⴰⴱⴷⴰⴷ-ⵏⵙⴻⵏⵜ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵉ ⵍⵎⴻⵏⴷ ⵏ ⵜⵍⴻⵍⵍⵉ ⴷ ⵓⵣⴰⵔⵓⴳ (ⵉⵙⵜⵉⵇⵍⴰⵍ), ⴰⵎ ⵡⴰⴽⴽⴻⵏ ⴰⴷ ⴱⴻⴷⴷⴻⵏⵜ ⴷⴰⵖ ⵖⴻⵔ ⵢⵉⴷⵉⵙ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⴰⵢ ⵉⵃⵓⵣⴰ ⵓⴳⴻⴼⴼⵓⵔ-ⵏⵏⵉ ⴰⵎⴻⵇⵔⴰⵏ ⴰⵢ ⴷ-ⵉⵡⵜⴻⵏ ⴷⴻⴳ ⵜⵉⵏⴷⵓⴼ, ⴷⴻⴳ ⵍⴻⵣⵣⴰⵢⴻⵔ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵉⵄⴰⵡⴻⴷ ⵓⴽⴰⴱⴰⵔ ⴰⵖⴻⵔⴼⴰⵏ ⴰⴽⵏⴰⵕⵉ ⵉⵡⴻⴽⴽⴻⴷ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵙ (ⵜⴰⴹⴰⵎⵓⵏ) ⴷ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵏⴹⴻⵔⵔⴻⵏ ⵎⵍⵉⵃ ⵙⴻⴳ ⵢⵉⴳⴻⴼⵔⴰⵏ-ⵏⵏⵉ ⵉⵎⴻⵇⵔⴰⵏⴻⵏ ⴰⵢ ⵢⴻⴼⴽⴰⵏ ⴰⵅⴻⵚⵚⴰⵔ ⵉ ⵡⴰⵟⴰⵙ ⵏ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⴷⴻⴳ ⵜⴻⵎⵏⴰⴹⵜ ⵏ ⵜⵉⵏⴷⵓⴼ.
ⵙ ⵡⴰⵢⴰ, ⵜⴰⵏⵎⴰⵣⵓⵍⵜ (ⵏⴰ’ⵉⴱⴰ) ⵏ ⵓⵙⴻⵍⵡⴰⵢ ⵏ ⵓⵎⵏⵉ ⴰⵎⵏⴰⴹⴰⵏ ⵏ ⵜⴻⴳⵣⵉⵔⵉⵏ ⵜⵉⴽⵏⴰⵕⵉⵢⵉⵏ, ⵎⴰⵙⵙⴰ ⵛⵀⵔⵉⵙⵜⵉⵏⴰ ⵜⴰⴱⵉⵧ ⵜⴻⵙⵙⴻⵏⴼⴰⵍⵉ-ⴷ « ⵜⴰⵎⵙⴻⵜⵍⴻⵍⵜ ⵏ ⵓⴽⴰⴱⴰⵔ ⴰⵖⴻⵔⴼⴰⵏ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴼⴼⵉⵔ ⵢⵉⵃⴻⵎⵎⴰⵍⴻⵏ-ⵏⵏⵉ ⴰⵢ ⵉⵃⵓⵣⴰⵏ ⵜⴰⴳⴰⵔⴰ-ⴰ ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵔⵏⴰ ⵙⵙⴻⴳⵔⴰⵏ-ⴷ ⵉⵅⴻⵚⵚⴰⵔⴻⵏ ⴷ ⵉⵎⴻⵇⵔⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵜⴰⵚⴻⵃⵔⴰⵡⵉⵜ ⵏ ⵙⵒⵙ.
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴰⵍⴻⵎⵎⴰⵙ ⵏ ⵜⵏⴻⴱⴹⵉⵜ ⵏ ⵠⴰⵍⴻⵏⵛⵉⴰ ⴷ ⴰⴽⴽⴻⵏ ⴰⴷ ⵢⴻⴼⴽ « 125.000 ⵏ ⵡⵓⵕⵓⵜⴻⵏ ⵉ ⵓⵄⴰⵡⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵃⵓⵣⴰⵏ ⵢⵉⵃⴻⵎⵎⴰⵍⴻⵏ ⵉⵏⴻⴳⴳⵓⵔⴰ ».
« ⵍⴻⵎⵄⴰⵡⵏⴰ-ⴰ ⴰⴷ ⵜⴻⵜⵜⵓⵏⴻⴼⴽ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵡⵓⴳⵓⵔⴻⵏ ⵏ ⵍⵍⵙⴰⵙ ⴰⵢ ⴷ-ⵢⴻⵍⵍⴰⵏ ⵙⴻⴳ ⵢⵉⵅⴻⵚⵚⴰⵔⴻⵏ-ⵏⵏⵉ ⴰⵢⵢⴻⵙ ⴰⵢ ⴷ-ⵢⴻⴳⵍⴰ ⵓⴳⴻⴼⴼⵓⵔ ⵖⴻⴼ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵓⵎⵄⴰⵡⴻⵏ ⴷ ⵜⴻⵎⵙⴻⵜⵍⴻⵍⵜ ⵏ ⵜⵏⴻⴱⴹⵉⵜ-ⴰ, ⵎⴰⵙⵙ ⴼⴻⴷⴻⵔⵉⵛⵧ ⴱⵓⵢⵧⵍⵧ ⴳⴰⵔⵛⵉⴰ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵓⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵠⴰⵍⴻⵏⵛⵉⴰ, ⵎⴰⵙⵙ ⵙⴰⴰⴷ ⴻⵍ ⵎⴰⵎⵉ.
ⵉⵡⴻⴽⴽⴻⴷ-ⴷ ⴷⴰⵖ ⵢⵉⵎⴹⴻⴱⴱⴻⵔ-ⴰ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵓⵣⵔⵉⴼ (ⵛⴰⵔⵄⵉ).
