ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⵎⵉ ⵜⵓⵙⵙⵏⴰⵏⵜ : ⴰⵙⵜⴻⵏⵢⵉ ⵏ ⵢⵉⵡⴻⵏ ⵏ ⵓⵎⵜⴰⵡⴰ ⴰⵔⴰ ⵉⴽⴰⵜⵔⴻⵏ ⵡⵉⵢⴰⴹ ⴳⴰⵔ ⵓⵖⵍⵉⴼ ⵏ ⴷⴰⵅⴻⵍ ⴰⴽⴽⴻⴷ ⵡⵉⵏ ⵓⵙⴻⵍⵎⴻⴷ ⵓⵏⵏⵉⴳ
ⵍⴻⵣⵣⴰⵢⴻⵔ – ⵙⵜⴻⵏⵢⴰⵏ ⵢⵉⵡⴻⵏ ⵏ ⵓⵎⵜⴰⵡⴰ ⴰⵔⴰ ⵉⴽⴰⵜⵔⴻⵏ ⵡⵉⵢⴰⴹ (ⴰⵎⵜⴰⵡⴰ-ⴰⴽⴰⵜⴰⵔ) ⴷⴻⴳ ⵜⴰⵖⵓⵍⵜ ⵏ ⵜⴻⴳⵎⵉ ⵜⵓⵙⵙⵏⴰⵏⵜ ⴰⴽⴽⴻⴷ ⵓⵙⵏⴻⴼⵍⵉ ⴰⵙⵏⴰⵜⵡⵉⵍⴰⵏ (ⵜⴰⵜⵉⴽⵏⵓⵍⵓⵊⵉⵜ), ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴳⴰⵔ ⵓⵖⵍⵉⴼ ⴰⴳⴻⵏⵙⴰⵏ (ⴷⴰⵅⴻⵍ) ⴰⴽⴽⴻⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⴰⴽⴽⴻⴷ ⵡⵉⵏ ⵏ ⵓⵙⴻⵍⵎⴻⴷ ⵓⵏⵏⵉⴳ ⴰⴽⴽⴻⴷ ⵜⴻⴳⵎⵉ ⵜⵓⵙⵙⵏⴰⵏⵜ.
ⵙⵜⴻⵏⵢⴰⵏ ⴰⵎⵜⴰⵡⴰ-ⴰ ⵢⵉⵏⴻⵖⵍⴰⴼⴻⵏ ⵏ ⵙⵉⵏ ⵢⴻⵃⵔⵉⵛⴻⵏ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ ⴰⴽⴽⴻⴷ ⵜⴰⵀⴰⵔ ⵀⴰⴷⵊⴰⵔ, ⵉ ⵍⵎⴻⵏⴷ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵍⵖⵓⵜ ⵖⴻⴼ ⵓⵙⴻⵏⵜⴻⵍ ‘’ⵜⴰⴳⵎⵉ ⵜⵓⵙⵙⵏⴰⵏⵜ ⵉ ⵍⴼⴰⵢⴷⴰ ⵏ ⵜⴻⵜⵔⴰⵔⴰ ⴰⴽⴽⴻⴷ ⵓⵙⵏⴻⴼⵍⵉ ⴰⴷⵉⴳⴰⵏ’’.
ⴰⵎⵜⴰⵡⴰ ‘’ⵉⵡⴻⵀⵀⴰ ⵖⴻⵔ ⵓⵙⴻⵜⵔⴻⵔ ⵏ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⴰⴽⴽⴻⴷ ⵓⵎⴻⵥⵍⵓ ⴰⵏⴰⴳⴷⵓⴷⴰⵏ ⴷⴻⴳ ⴰⴽⴽ ⵉⵃⵔⵉⵛⴻⵏ, ⵙ ⵓⵙⴻⵎⵔⴻⵙ ⵏ ⵜⴻⵙⵏⴰⵜⵡⵉⵍⵜ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ’’, ⵉ ⴰⵖ-ⴷ-ⵙⵙⴻⴳⵣⵉⵏ.
ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵎⴰⵙⵙ ⵀⴰⴷⵊⴰⵔ, ⴰⵎⵜⴰⵡⴰ-ⴰ ‘’ⵢⴻⴽⵛⴻⵎ ⴷⴻⴳ ⵓⴽⴰⵜⴰⵔ ⴰⵙⴻⵔⵜⴰⵏ ⵏ ⵓⵖⵍⵉⴼ ⵏ ⵓⵙⴻⵍⵎⴻⴷ ⵓⵏⵏⵉⴳ, ⵢⴻⵔⵙⴻⵏ ⵖⴻⴼ ⵓⵎⴻⴷⵀⴻⵍ ⴰⴽⴽⴻⴷ ⵜⵉⵛⵛⵓⵔⴽⴰ ⴰⴽⴽⴻⴷ ⴰⴽⴽ ⵉⵃⵔⵉⵛⴻⵏ ⵏ ⵜⵎⴻⵜⵜⵉ ⴰⴽⴽⴻⴷ ⵡⵉⴷ ⵏ ⵜⴷⴰⵎⵙⴰ’’, ⵢⴻⵙⵎⴻⴽⵜⴰ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⴰⵖⵍⵉⴼ-ⵉⵙ ⵢⴻⵙⵜⴻⵏⵢⴰ ⵢⴰⴽⴰⵏ ⵉⵎⵜⴰⵡⴰⵢⴻⵏ ⴰⵎ ⵡⴰ ⴰⴽⴽⴻⴷ ⵢⴻⵖⵍⵉⴼⴻⵏ ⵏⵏⵉⴹⴻⵏ ⴰⴽⴽⴻⴷ ⵜⴻⵕⵎⵉⵙⵉⵏ ⵜⵉⵖⴻⵍⵏⴰⵡⵉⵏ.
