Asebter amenzawi

Tagmi tussnant : astenyi n yiwen n umtawa ara ikatren wiyaḍ gar uɣlif n Daxel akked win Uselmed unnig

LEZZAYER – Stenyan yiwen n umtawa ara ikatren wiyaḍ (amtawa-akatar) deg taɣult n tegmi tussnant akked usnefli asnatwilan (tatiknulujit), ass n lexmis deg Lezzayer tamaneɣt, gar uɣlif Agensan (daxel) akked Tmazdayin tidiganin akked win n Uselmed unnig akked Tegmi tussnant.

Stenyan amtawa-a yineɣlafen n sin yeḥricen, Noureddine Bedoui akked Tahar Hadjar, i lmend n yiwen n wass n telɣut ɣef usentel ‘’Tagmi tussnant i lfayda n tetrara akked usnefli adigan’’.

Amtawa ‘’iwehha ɣer usetrer n tmazdayin tidiganin akked umeẓlu anagdudan deg akk iḥricen, s usemres n tesnatwilt n telɣut akked teɣwalt’’, i aɣ-d-ssegzin.

ɣef wakken i d-yenna Mass Hadjar, amtawa-a ‘’yekcem deg ukatar asertan n uɣlif n Uselmed unnig, yersen ɣef umedhel akked ticcurka akked akk iḥricen n tmetti akked wid n tdamsa’’, yesmekta-d, i lmend n waya, dakken aɣlif-is yestenya yakan imtawayen am wa akked yeɣlifen nniḍen akked teṛmisin tiɣelnawin.