ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴷⴻⵔⵎⴻⵏ ⵢⵉⵖⴰⵍⵍⴻⵏ ⵏ ⵍⴰⵎⴰⵏ ⵙⵉⵏ ⵏ ⵢⵉⵎⵓⴽⴰⵏ ⴰⵢⴷⴻⴳ ⵜⵜⵡⴰⴼⴼⵔⴻⵏⵜ ⵍⴱⵓⵎⴱⴰⵜ ⴷⴻⴳ ⵜⵓⴱⵉⵔⴻⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⴷⴻⵔⵎⴻⵏ ⵢⵉⵙⴻⵔⴷⴰⵙⴻⵏ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ 1ⵓⵜ ⵙⵉⵏ ⵏ ⵢⵉⵎⵓⴽⴰⵏ ⴰⵢⴷⴻⴳ ⵜⵜⵡⴰⴼⴼⵔⴻⵏ ⵢⵉⴼⴻⵅⵙⴰⵢⴻⵏ (ⵎⵓⵜⴰⴼⴰⴵⴵⵉⵔⴰⵜ) ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⴻⵎⵏⴰⴹⵜ ⵏ ⴷⵊⴻⴱⴰⵀⵉⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⴷⴻⴳ ⵢⵉⵡⴻⵏ ⵏ ⵍⴱⴰⵢⴰⵏ.

« ⴷⴻⴳ ⵓⴽⴰⵜⴰⵔ (ⵉⵟⴰⵔ) ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵔⵏⴰ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵀⴻⵍⵜ ⵏ ⵓⵏⴰⴷⵉ ⴷ ⵓⴼⵔⴰⴹ ⴰⵢ ⴷ-ⴳⴰⵏ ⵢⵉⵖⴰⵍⵍⴻⵏ ⵢⵓⴷⴷⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⵜⵓⴱⵉⵔⴻⵜ/ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ 1ⵓⵜ, ⵜⵓⴼⴰ-ⴷ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵢⴻⵔⵏⴰ ⵜⴻⵙⵙⴻⴷⵔⴻⵎ, ⴰⵙⵙ ⵏ 4 ⵏⵡⴻⵎⴱⴻⵕ 2015, 2 ⵏ ⵢⵉⵎⵓⴽⴰⵏ ⵙⴷⴰⵜ ⴷⵊⴻⴱⴰⵀⵉⴰ ⴰⵢⴷⴻⴳ ⵜⵜⵡⴰⴼⴼⵔⴻⵏ ⵢⵉⴼⴻⵅⵙⴰⵢⴻⵏ, ⵜⵓⵞⵞⵉⵜ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⴱⴰⵢⴰⵏ-ⵏⵏⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉ ⵍⵎⴻⵏⴷ ⵏ ⵓⵃⵔⴰⵣ ⵏ ⵜⵍⵉⵙⴰ ⴷ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⵜⴻⴹⴹⴼⴻⴼ ⵢⵉⵡⴻⵜⵏ ⵏ ⵜⵙⴻⵏⵙⴻⵔⵜ ⵏ ⵓⵃⵔⵉⵛ ⴰⵎⴻⵀⵍⴰⵏ ⵏ ⵉⵏ ⴳⴻⵣⵣⴰⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6) ⵙ ⵓⵎⵄⴰⵡⴻⵏ ⴷ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ, 11 ⵏ ⵢⵉⵎⵙⴻⵜⵜⵉⵢⴻⵏ (ⵎⵓⵀⴰⵔⵔⵉⴱⵉⵏ), ⵜⴽⴻⵕⵕⵓⵙⵜ ⵜⴰⴽⴰⵏⵔⴰⵔⵜ ⴷ 1520 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵜⵓⵞⵞⵉⵜ.

ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2, ⴹⴹⴼⴻⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⵏ ⵜⵍⴻⵎⵙⴰⵏ ⴷ ⵢⵉⵔⴳⴰⵣⴻⵏ ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⵏ ⵎⴻⵖⵏⴻⵢⵢⴰ 3 ⵏ ⵜⴽⴻⵕⵕⵓⵙⵉⵏ, 6590 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵜⵓⵔⵙⴰⴹ ⵏ ⵏⵏⵃⴰⵙ, 4850 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ ⴷ 1500 ⵏ ⵢⵉⴱⴰⴽⵉⵢⴻⵏ ⵏ ⴷⴷⴻⵅⵅⴰⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴹⴹⴼⴻⵏ ⵢⵉⵄⴻⵙⵙⴰⵙⴻⵏ ⵏ ⵍⴻⴱⵃⴻⵕ ⴷⴻⴳ ⵎⴻⵙⵜⵖⴰⵏⴻⵎ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ 28 ⵏ ⵢⵉⵎⴷⴰⵏⴻⵏ ⴰⵢ ⵉⵄⴻⵔⴹⴻⵏ ⴰⴷ ⵉⵏⵉⴳⴻⵏ ⵙ ⵜⵓⴼⴼⵔⴰ ⴷⴻⴳ 3 ⵏ ⵢⵉⵖⴻⵔⵔⵓⴱⴰ. ⵎⴰ ⴷ ⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⵏ ⵄⵉⵏ ⵚⵚⴻⴼⵔⴰ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⵏⵏⵄⴰⵎⴰ, ⴹⴹⴼⴻⵏ 298,4 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ ⵙ ⵓⵎⵄⴰⵡⴻⵏ ⴷ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.