ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵇⴻⴷⴷⴻⵎ-ⴷ ⵧⵓⴰⵍⵉ ⴰⵏⴻⵙⴽⵉⵏ ⵖⴻⴼ ⵢⵉⵅⴻⴷⴷⵉⵎⴻⵏ ⵏ ⵍⴻⴱⵏⵉ ⵉ ⵍⴱⴻⵕⵍⴰⵎⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵍⴰ ⵜⵙⴻⵇⵇⴰⵎⵓⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵙⵙ ⵏ ⵍⴰⵕⴻⴱⵄⴰ ⵉ ⵓⵏⴻⵙⴽⵉⵏ ⵏ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⵉ ⵍⵎⴻⵏⴷ ⵏ ⵓⴽⴻⵎⵎⴻⵍ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵎⴻⵙⵕⵓⴼ ⵢⴻⵔⵣⴰⵏ ⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵏ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵍⴱⴰⵢⴰⵏ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.
ⴷⴻⴳ ⵓⵏⴻⵙⴽⵉⵏ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵍⵍⴰⵏ-ⴷ ⵢⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⴱⵏⵉ ⵏ ⵢⵉⴱⵔⵉⴷⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵙⴻⵏⴼⴰⵔⴻⵏ ⵏ ⵓⵖⵍⵉⴼ ⵍⵍⴰⵏ-ⴷ ⴷ ⴰⵃⵔⵉⵛ ⵙⴻⴳ ⵍⴻⵡⵚⴰⵢⴰⵜ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵢⵉⴱⵔⵉⴷⴻⵏ ⵏ ⵎⴻⵏⵡⴰⵍⴰ, ⵉⴱⵔⵉⴷⴻⵏ ⵉⵔⵓⵔⴰⴷⴻⵏ (ⵙⴰⵔⵉⵄⴰ), ⵍⵎⴻⵔⵚⴰⵜ ⴷ ⵢⵉⴱⵔⵉⴷⴻⵏ ⵏ ⵡⵓⵣⵣⴰⵍ.
ⵉⵙⵡⵉ ⵏ ⵓⵖⵍⵉⴼ ⵏⴻⵜⵜⴰ ⴷ ⴰⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵓⵥⴻⴹⴹⴰ ⵏ ⵢⵉⴱⵔⵉⴷⴻⵏ ⴷ ⵓⴹⵎⴰⵏ ⵏ ⵓⵚⴻⴳⴳⴻⵎ-ⵏⵙⴻⵏ ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⴷ ⴰⴽⴽⴻⵏ ⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵏ ⵓⴳⵎⵓⴹ-ⴰⵜⴰⵔⴰⵎ ⴷ ⵓⴳⴰⴼⴰ-ⴰⵏⵥⵓⵍ ⴷ ⵓⴱⵔⵉⴷ ⴰⴷ ⵉⵣⴻⴳⵔⴻⵏ ⴰⵏⴻⵥⵔⵓⴼ (ⵚⵚⴻⵃⵔⴰ) ⴷ ⴽⵔⴰ ⵙⴻⴳ ⵢⵉⵙⴻⵏⴼⴰⵔⴻⵏ ⵉⴳⴻⵊⴷⴰⵏⴻⵏ ⴰⵢ ⵢⴻⵙⵙⴰⵔⴰⵎ ⴰⴷ ⵜⴻⵏ-ⵢⴻⴳ ⵓⵖⵍⵉⴼ.
ⴷⴻⴳ ⵜⴻⵎⵍⵉⵍⵉⵜ-ⵏⵏⵉ, ⵔⵔⴰⵏ ⵜⴰⵊⵎⵉⵍⵜ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) « ⵉ ⵜⵖⴰⵡⵙⵉⵡⵉⵏ ⵜⵉⵎⴻⵇⵔⴰⵏⵉⵏ ⴰⵢ ⴷ-ⵉⴳⴰ ⵓⵖⵍⵉⴼ », ⴷ ⴰⵛⵓ ⴽⴰⵏ, ⴱⴻⴷⵔⴻⵏ-ⴷ ⴷⴰⵖ ⴰⵖⴱⴻⵍ ⵏ ⵜⴻⴳⵏⵉⵜ ⵏ ⴷⵉⵔⵉ ⴰⵢⴷⴻⴳ ⵍⵍⴰⵏ ⵢⵉⴱⵔⵉⴷⴻⵏ, ⵍⴻⵅⵚⴰⵚ ⵏ ⵜⴻⵎⵚⵓⴽⵉⵡⵉⵏ (ⵀⴰⵢⴰⴽⵉⵍ) ⴷⴻⴳ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⴷ ⵜⵖⴰⵔⴰ ⵏ ⴷⵉⵔⵉ ⵏ ⴽⵔⴰ ⵏ ⵜⵍⴻⴳⴳⵉⵢⵉⵏ (ⴵⵓⵙⵓⵔ) ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ, ⵖⴻⴼ ⵍⴻⵃⵙⴰⴱ ⵏ ⵍⴱⴰⵢⴰⵏ-ⵏⵏⵉ.
