ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ: ⵍⴻⵣⵣⴰⵢⴻⵔ ⵜⴻⵔⵏⴰ ⵍⵉⴱⵢⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵔⵏⴰ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵢⵉⵔⴳⴰⵣⴻⵏ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ ⵜⴰⵖⵍⴰⵎⵜ ⵏ ⵍⵉⴱⵢⴰ ⵙ 118 ⵖⴻⵔ 13 (31-4), (28-4), (30-1) ⴷ (28-4) ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵜⵣⴻⵇⵇⴰ ⵏ ⵙⵟⴰⵡⴰⵍⵉ ⵉ ⵍⵎⴻⵏⴷ ⵏ ⵡⴰⵙⵙ ⵡⵉⵙ 5 ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⴳⴰⵔ 31 ⵜⵓⴱⴻⵕ ⴷ 7 ⵏⵡⴻⵎⴱⴻⵕ.

ⵙ ⵡⴰⵢⴰ, ⵔⴻⴱⵃⴻⵏ ⵢⵉⴷⵣⴰⵢⵔⵉⵢⴻⵏ ⴰⴽⴽ ⵜⵉⵎⵍⵉⵍⵉⵢⵉⵏ ⵏ ⵓⵃⵔⵉⵛ ⵏ ⵜⴽⴻⵎⵎⵓⵛⵉⵏ, ⴷⴻⴼⴼⵉⵔ ⵎⴰ ⵔⵏⴰⵏ ⵎⴰⵚⴻⵔ ⵙ 67-58, ⵜⴰⴼⵔⵉⵇⵜ ⵏ ⵓⵏⵥⵓⵍ ⵙ 64 ⵖⴻⵔ 57, ⵎⴻⵕⵕⵓⴽ ⵙ 63 ⵖⴻⵔ 56 ⴷ ⵏⵉⵊⵉⵔⵢⴰ ⵙ 75 ⵖⴻⵔ 40.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴼⵓⴽ ⵜⵓⵣⵣⵢⴰ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⵙ 10 ⵏ ⵜⴻⵏⵇⵉⴹⵉⵏ ⵢⴻⵔⵏⴰ ⴰⴷ ⵜⵇⴰⴱⴻⵍ ⵢⴰ ⵎⴰⵚⴻⵔ ⵏⴻⵖ ⵏⵉⵊⵉⵔⵢⴰ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴰⴷ ⴷ-ⵢⵉⵍⵉⵏ ⴰⵙⵙ ⵏ ⵍⵊⴻⵎⵄⴰ. ⴷⴻⴳ ⵜⴻⵎⵍⵉⵍⵉⵢⵉⵏ ⵏⵉⴹⴻⵏ ⵏ ⵡⴰⵙⵙ ⵡⵉⵙ 5, ⵜⴰⴼⵔⵉⵇⵜ ⵏ ⵓⵏⵥⵓⵍ ⵜⴻⵔⵏⴰ ⵏⵉⵊⵉⵔⵢⴰ ⵙ 67 ⵖⴻⵔ 39, ⵎⴰ ⴷ ⵎⴻⵕⵕⵓⴽ ⵜⴻⵔⵏⴰ ⵎⴰⵚⴻⵔ ⵙ 68 ⵖⴻⵔ 62.

6 ⵏ ⵜⴻⵖⵍⴰⵎⵉⵏ ⵏ ⵢⵉⵔⴳⴰⵣⴻⵏ ⴷ 4 ⵏ ⵜⴻⵖⵍⴰⵎⵉⵏ ⵏ ⵜⵍⴰⵡⵉⵏ ⵙⴻⴳ 6 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ, ⵢⴻⵔⵏⴰ ⴰⵍⴰ ⵙⵏⴰⵜ ⵏ ⵜⴻⵖⵍⴰⵎⵉⵏ ⴰⴷ ⴷ-ⵢⴻⴼⵔⵓⵔⵉⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016 ⴷⴻⴳ ⵔⵉⵧ. ⵜⵉⵎⵍⵉⵍⵉⵢⵉⵏ ⵏ ⵜⵏⴻⴳⴳⴰⵔⵓⵜ ⵏ ⵢⵉⵔⴳⴰⵣⴻⵏ ⴷ ⵜⵍⴰⵡⵉⵏ ⴰⴷ ⵜⴻⵏⵜ-ⵓⵔⴰⵔⴻⵏ ⴰⵙⵙ ⵏ ⵙⵙⴻⴱⵜ.