ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵣⴻⵏ ⵎⵓⵔⵉⵟⴰⵏⵢⴰ ⵍⴻⵎⵄⴰⵡⵏⴰ ⵉ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵉⵃⵓⵣⴰ ⵓⵃⴻⵎⵎⴰⵍ
ⵏⵡⴰⵇⵛⵓⵟ - ⵢⵓⵣⴻⵏ ⵓⵏⴰⴱⴰⴹ (ⵃⵓⴽⵓⵎⴰ) ⴰⵎⵓⵔⵉⵟⴰⵏⵉ ⵍⴻⵎⵄⴰⵡⵏⴰ ⵉ ⵢⵉⵎⴻⴹⵔⵓⵔⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵃⵓⵣⴰⵏ ⵢⵉⵃⴻⵎⵎⴰⵍⴻⵏ ⴰⵢ ⴷ-ⵉⵡⵜⴻⵏ ⵜⴰⴳⴰⵔⴰ-ⴰ ⴷⴻⴳ ⵜⴻⵎⵏⴰⴹⵉⵏ ⴰⵢⴷⴻⴳ ⴷⴷⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵎⵓⵔⵉⵟⴰⵏⵢⴰ.
ⴼⴽⴰⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⵉⵎⵓⵔⵉⵟⴰⵏⵉⵢⴻⵏ ⵉ ⵓⵏⴰⴱⴰⴹ ⴰⵚⴻⵃⵔⴰⵡⵉ 200 ⵏ ⵢⵉⵟⵓⵏⴻⵏ ⵏ ⵜⵓⵞⵞⵉⵜ ⴷ ⵜⴷⵓⵍⵉⵡⵉⵏ ⴷⴻⴳ ⵜⴻⵏⵇⵉⴹⵜ ⵏ ⵜⵍⵉⵙⴰ ⵏ ⴱⵉⵔ ⵎⵧⴳⵀⵔⴻⵉⵏ. ⵙⵙⴻⵍⵄⴰ-ⴰ ⵙⵙⴰⵡⴹⴻⵏ-ⵜⵜ 7 ⵏ ⵢⵉⴽⴰⵎⵢⵓⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵙⵖⵓⵔ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵜⵓⵞⵞⵉⵜ.
ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ ⵏ ⵜⵉⵏⴷⵓⴼ (ⴷⴻⴳ ⵍⴻⵣⵣⴰⵢⴻⵔ) ⵏⴹⴻⵔⵔⴻⵏ ⴰⵟⴰⵙ ⵙⴻⴳ ⵢⵉⴳⴻⴼⵔⴰⵏ-ⵏⵏⵉ ⵉⵎⴻⵇⵔⴰⵏⴻⵏ ⴰⵢ ⴷ-ⵉⵡⵜⴻⵏ ⴷⴻⴳ ⵜⴻⵎⵏⴰⴹⵜ-ⴰ.
ⴷ ⴰⵢⴰ ⴰⵢ ⵢⴻⴵⴵⴰⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⵚⴻⵃⵔⴰⵡⵉⵜ ⴰⴷ ⴷ-ⵜⴳⴻⵔ ⵜⵉⵖⵔⵉ ⵉ ⵜⵎⵓⵔⴰ ⴰⵢ ⵉⵣⴻⵎⵔⴻⵏ ⴰⴷ ⴷ-ⵚⴻⴷⴷⵇⴻⵏⵜ, ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵜⵉⴳⵔⴰⵖⵍⴰⵏⵉⵏ, ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴰⴽⴽⴻⵏ ⴰⴷ ⴰⵣⵏⴻⵏ ⵍⴻⵎⵄⴰⵡⵏⴰ ⵉ ⵢⵉⵎⴻⴹⵔⵓⵔⴻⵏ ⵏ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⴰⵢ ⵉⵃⵓⵣⴰ ⵓⵅⴻⵚⵚⴰⵔ-ⴰ.
