ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵃⴻⵣⵣⵉⴱⴻⵏ « ⵓⵄⵊⵉⵍⴻⵏ » ⵉ ⵓⵃⴱⴰⵙ ⵏ ⵜⴻⴽⵔⵉⴹⵜ ⴷⴻⴳ ⵓⵖⴻⵔⴱⴰⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴰⴱⵔⵉⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ « ⵓⵄⵊⵉⵍⴻⵏ » ⵉ ⵓⵃⴱⴰⵙ ⵏ ⵜⴻⴽⵔⵉⴹⵜ (ⵄⵓⵏⴼ) ⴷⴻⴳ ⵓⵖⴻⵔⴱⴰⵣ.
« ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵀⴻⵢⵢⵉ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵉ ⵜⵓⴷⴷⵎⴰ ⵏ ⴽⵔⴰ ⵏ ⵢⵉⵃⴻⵣⵣⵉⴱⴻⵏ ⵉ ⵓⵃⴱⴰⵙ ⵏ ⵜⴻⴽⵔⵉⴹⵜ ⴷⴻⴳ ⵓⵖⴻⵔⴱⴰⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⵎⵉ ⵉⴼⵓⴽ ⵡⴰⵙⵙ-ⵏⵏⵉ ⴰⵎⴻⵣⵡⴰⵔⵓ ⵏ « ⵓⵎⵏⵉ (ⴱⴰⵔⵍⴰⵎⴰⵏ) ⵏ ⵓⴳⵔⵓⴷ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.
ⴷⵖⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵖⴰⵡⴰⵙ-ⴰ ⴰⴷ ⴷ-ⴷⴷⵓⵏ ⴷⴻⴳ-ⵙ « ⵢⵉⵃⴻⵣⵣⵉⴱⴻⵏ ⵓⵄⵊⵉⵍⴻⵏ » ⵉ ⵓⵃⴱⴰⵙ ⵏ ⵜⴻⴽⵔⵉⴹⵜ ⴷⴻⴳ ⵓⵖⴻⵔⴱⴰⵣ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵎⴻⴽⵜⵉ ⴷ ⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵜⵙⴻⵇⵇⴰⵎⵓⵜ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵙⴻⴳ ⵓⵖⵍⵉⴼ, ⵉⵏⵎⵓⵍⴰ ⵏ ⵓⵙⵙⴻⴳⵎⵉ ⴷ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ ⴰⴽⴽⴻⵏ ⴰⴷ ⴷ-ⴼⴽⴻⵏ ⵍⴻⵕⵢⵓⵢ ⴰⵢ ⵡⴰⵍⴰⵏ ⵡⴰⵜⴰⵏ ⵉ ⵓⵃⴱⴰⵙ ⵏ ⵜⴻⴽⵔⵉⴹⵜ ⴷⴻⴳ ⵓⵖⴻⵔⴱⴰⵣ.
ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼⵜ, ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⵜⵙⴻⵇⵇⴰⵎⵓⵜ-ⴰ ⴰⴷ ⴷ-ⵜⴻⴼⴽ ⵉⵙⵙⵓⵎⵔⴻⵏ (ⵉⵇⵜⵉⵔⴰⵃⴰⵜ) ⵉ ⵓⵖⵍⵉⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷ ⴰⴽⴽⴻⵏ ⴰⵢⴰ ⴰⴷ ⴷ-ⵢⵉⵍⵉ ⵓⵇⴱⴻⵍ ⵎⴰ ⵢⴻⵜⵜⵡⴰⵙⵜⴻⵏⵢⴰ ⴰⵔⴽⴰⵡⴰⵍ (ⵍⵎⵉⵜⴰⵇ) ⵏ ⵜⴻⵣⴷⴻⴳ ⵏ ⵓⵅⴻⴷⴷⵉⵎ ⴷ ⵓⵔⴽⴰⴷ ⵏ ⵓⵙⵙⴻⴳⵎⵉ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵜⵙⴻⵇⵇⴰⵎⵓⵜ ⵏⵉⴹⴻⵏ ⴰⵢ ⵢⴻⵜⵜⵡⴰⴽⴻⵍⵍⴼⴻⵏ ⵙ ⵓⵀⴻⵢⵢⵉ ⵏ ⵢⵉⵙⵙⵓⵎⵔⴻⵏ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵓⵏⵔⴰⵔ ⵏ ⵜⴻⵎⵙⵉⵔⵉⵏ ⵜⵓⵙⵍⵉⴳⵉⵏ (ⴷⵓⵔⵓⵙ ⵅⴰⵚⵚⴰ).
ⵉ ⵓⵙⵎⴻⴽⵜⵉ, ⵜⴻⵙⵜⴻⵏⵢⴰ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵢⵉⴳⴻⵏⵙⴰⵙⴻⵏ ⵏ 9 ⵏ ⵢⵉⵏⵎⵓⵍⴰ (ⵏⴰⵇⴰⴱⴰⵜ) ⵏ ⵓⵙⵙⴻⴳⵎⵉ, ⴰⵙⵙ ⵏ 19 ⵜⵓⴱⴻⵕ ⵢⴻⵣⵔⵉⵏ, ⵢⵉⵡⴻⵏ ⵏ ⵍⴽⴰⵖⴻⴹ ⵖⴻⴼ ⵏⵏⴻⵢⵢⴰ-ⵏⵙⴻⵏ ⴰⴽⴽⴻⵏ ⴰⴷ ⴷ-ⵀⴻⵢⵢⵉⵏ ⴰⵔⴽⴰⵡⴰⵍ ⵏ ⵜⴻⵣⴷⴻⴳ ⵏ ⵓⵅⴻⴷⴷⵉⵎ ⴷ ⵓⵔⴳⴰⴽ ⴷ ⵓⵙⵙⴻⴳⵎⵉ. ⴰⵔⴽⴰⵡⴰⵍ-ⴰ ⴰⴷ ⵢⴻⵜⵜⵡⴰⵡⴻⵎⵎⴻⵕ ⴷⴻⴳ ⵜⵍⴻⵎⵎⴰⵙⵜ ⵏ ⵡⴰⵢⵢⵓⵔ-ⴰ ⵏ ⵏⵡⴻⵎⴱⴻⵕ.
ⵉⵙⵡⵉ ⵏ ⵓⵔⴽⴰⵡⴰⵍ-ⴰ ⴷ « ⴰⴹⵎⴰⵏ ⵏ ⵓⵔⴽⴰⴷ ⵏ ⵓⵃⵔⵉⵛ ⵏ ⵓⵙⵙⴻⴳⵎⵉ ⴷ ⵓⵃⵔⴰⵣ ⵏ ⵓⵖⴻⵔⴱⴰⵣ ⴰⴷⵣⴰⵢⵔⵉ ⵙⴻⴳ ⵛⵛⵡⴰⵍ ».
