ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴳⵓⵔ ⵏ ⵓⵅⴻⴷⴷⵉⵎ ⵢⴻⵇⵇⴻⵏ ⵖⴻⵔ ⵜⴷⴰⵎⵙⴰ
ⵇⵙⴻⵏⵟⵉⵏⴰ – ⵜⵉⴼⵔⴰⵜ ⵉ ⵡⵓⴳⵓⵔ ⵏ ⵓⵎⴰⵀⵉⵍ (ⵄⴰⵎⴰⵍ) ⵓⵔ ⵜⴻⵍⵍⵉ ⴰⵔⴰ ⴳⴰⵔ ⵢⵉⴼⴰⵙⵙⴻⵏ ⵏ ⵜⴻⴷⴱⴻⵍⵜ, ⵡⴰⵏⴰⴳ ⴰⵜⵜⴰⵏ ⴷⴻⴳ ⵓⵃⵔⵉⵛ ⵏ ⵜⴷⴰⵎⵙⴰ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⴻⵏⵏⴻⵔⵏⵉ ⴰⴽⴽⴻⵏ ⴰⴷ ⴷ-ⵜⴻⵙⵏⵓⵍⴼⵓ ⵉⵎⵓⴽⴰⵏ ⵏ ⵓⵎⴰⵀⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵇⵙⴻⵏⵟⵉⵏⴰ.
ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ ⵏ ⵓⵏⴻⵖⵍⴰⴼ ⵖⴻⴼ ⵇⵙⴻⵏⵟⵉⵏⴰ, ⵉⴳⴻⵔ-ⴷ ⵓⵏⴻⴳⴳⴰⵔⵓ-ⴰ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ « ⴰⴷ ⴷ-ⵔⵔⴻⵏ ⵍⵡⴻⵍⵀⴰ-ⵏⵙⴻⵏ ⵖⴻⵔ ⵜⴷⴰⵎⵙⴰ ⴰⴽⴽⴻⵏ ⴰⴷ ⴷ-ⴰⴼⴻⵏ ⴰⵎⴰⵀⵉⵍ, ⵍⴰⴷⵖⴰ ⴷⴻⴳ ⵢⵉⵏⵓⵔⴰⵔ ⵏ ⵜⴼⴻⵍⵍⴰⵃⵜ, ⵜⴰⵎⴳⵓⵔⵉ (ⵚⵉⵏⴰⵄⴰ) ⴷ ⵜⵎⴻⵔⵔⵉⵜ », ⵢⴻⵔⵏⴰ ⵜⴰⴷⴱⴻⵍⵜ ⴰⵜⵜⴰⵏ « ⵜⴻⵞⵞⵓⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴷ ⵉⴳⵉⵎⴰⵏ (ⴰⵍⴰⴼ) ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⴰⵢ ⵢⴻⵍⵍⴰⵏ ⴷⴻⴳ ⵓⵃⵔⵉⵛ ⵏ ⵍⴻⴱⵏⵉ, ⵎⴰⵛⴰ ⵓⵍⴰⵛ ⴰⵏⵡⴰ ⴰⴷ ⵉⵅⴻⴷⵎⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵉⵅⴻⴷⴷⴰⵎⴻⵏ ⴰⵢ ⵍⴰ ⵢⴻⵜⵜⴰⵡⵉⵏ ⵍⴰⵏⵜⵔⵉⵜ, ⵓⵔ ⵍⴰ ⴷ-ⵜⵜⴰⵡⵉⵏ ⴰⵔⴰ ⵡⵉⵢⴰⴹ ⴷⴻⴳ ⵓⵎⴽⴰⵏ-ⵏⵙⴻⵏ ⴰⵛⴽⵓ ⵜⴰⴷⴱⴻⵍⵜ ⵜⴻⵙⵄⴰ ⵉⵅⴻⴷⴷⴰⵎⴻⵏ ⵙ ⵡⴰⵟⴰⵙ ».
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵙ ⵢⵉⴳⵎⴰⴹ ⵢⴻⵍⵀⴰⵏ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⴰⵢ ⴷ-ⵢⴻⵍⵍⴰⵏ ⴰⵢⵢⵓⵔ ⵢⴻⵣⵔⵉⵏ, ⴷ ⵜⵉⵏ ⴰⵢⴷⴻⴳ ⴷ-ⵢⴻⵍⵍⴰ « ⵓⵎⵛⵉⵡⴻⵕ ⴰⵢ ⴷ-ⵢⴻⵡⵡⵉⵏ ⵍⴼⴰⵢⴷⴰ, ⴷ ⴰⵎⵛⵉⵡⴻⵕ ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ ⴳⴰⵔ ⵢⵉⵛⵔⵉⴽⴻⵏ ⵢⴻⵎⴳⴻⵔⵔⴰⴷⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⵢⵉⵡⴻⵏ ⵙⴻⴳ ⵢⵉⵡⴻⵀⵀⵉⵢⴻⵏ ⵉⵎⴻⵇⵔⴰⵏⴻⵏ ⵏ ⵓⵎⵛⵉⵡⴻⵕ-ⴰ ⵏⴻⵜⵜⴰ ⴷ ⴰⵙⵙⴻⴼⵜⵉ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⵢⴻⵔⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⵏⴰⴱⴰⴹ (ⵃⵓⴽⵓⵎⴰ) ⵓⵔ ⵍⴰ ⵢⴻⵜⵜⵛⵓⵃⵃⵓ ⴰⵔⴰ ⵖⴻⴼ ⵢⵉⴷⵔⵉⵎⴻⵏ, ⵡⴰⵏⴰⴳ ⴰⵜⴰⵏ ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⴷ-ⵢⴰⵡⵉ ⵜⵉⴽⵍⵉ ⵜⵓⵕⵛⵉⴷⵜ ⴷⴻⴳ ⵓⵚⴻⵔⵔⴻⴼ ». ⵏⵏⵉⴳ ⵡⴰⵢⴰ, ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ « ⵓⵍⴰⵛ ⴰⵃⵕⴰⵙ ⴷⴻⴳ ⵓⵚⴻⵔⵔⴻⴼ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵛⵖⴰⵍ ⴰⵢ ⵍⴰ ⵢⴻⵜⵜⴻⴳ ⵓⵖⵍⵉⴼ ⵏ ⵓⵎⴰⵀⵉⵍ, ⴰⵎ ⵡⴰⴽⴽⴻⵏ ⴰⵢ ⵓⵍⴰⵛ ⵛⵛⴻⵃⵃⴰ ⴷⴻⴳ ⵍⴻⵛⵖⴰⵍ ⵢⴻⵔⵣⴰⵏ ⵙⵔⵉⴷ ⵎⴻⴷⴷⴻⵏ ⴰⵎ ⵓⴷⴰⵡⵉ, ⵉⵙⴰⴼⴰⵔⴻⵏ ⴷ ⵓⵙⵙⴻⴳⵎⵉ ».
