Asebter amenzawi

Tacirt n uqecwal n yimeɛdaṛ: Lezzayer terna Meṛṛuk

LEZZAYER TAMANEɣT – Terbeḥ teɣlamt n yirgazen n tcirt n uḍar n yimeɛdaṛ talɣuɣa n Tefriqt n yiɣlanen mi terna Meṛṛuk s 74 ɣer 63, deg tneggarut ay turar ass ssebt tameddit deg Sṭawali (Lezzayer).

Igmaḍ n yiḥricen n temlilit llan-d am wakka: 17-20, 22-16, 18-14, 17-13.

S waya, Lezzayer d nettat ay d talɣuɣt n Tefriqt yerna d aya ad yeǧǧen taɣlamt taɣelnawt ad tettekki deg Wuraren Ulimpiyen n Yimeɛdaṛ n 2016 deg Rio de Janeiro.

Deg temlilit n usettef i umkan wis 3, terna Tefriqt n Unẓul taɣlamt tamaṣrit s 77 ɣer 65.

Ma seg yidis n tlawit, terna teɣlamt tadzayrit n tlawin tin n Tefriqt n Unẓul s 60 ɣer 47 deg tneggarut, yerna ula d tidzayriyin ɛeddant ɣer Wuraren Ulimpiyen n Yimeɛdaṛ n Rio de Janeiro.