ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ: ⵍⴻⵣⵣⴰⵢⴻⵔ ⵜⴻⵔⵏⴰ ⵎⴻⵕⵕⵓⴽ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵔⴱⴻⵃ ⵜⴻⵖⵍⴰⵎⵜ ⵏ ⵢⵉⵔⴳⴰⵣⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵢⵉⵎⴻⵄⴷⴰⵕ ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵎⵉ ⵜⴻⵔⵏⴰ ⵎⴻⵕⵕⵓⴽ ⵙ 74 ⵖⴻⵔ 63, ⴷⴻⴳ ⵜⵏⴻⴳⴳⴰⵔⵓⵜ ⴰⵢ ⵜⵓⵔⴰⵔ ⴰⵙⵙ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵙⵟⴰⵡⴰⵍⵉ (ⵍⴻⵣⵣⴰⵢⴻⵔ).

ⵉⴳⵎⴰⴹ ⵏ ⵢⵉⵃⵔⵉⵛⴻⵏ ⵏ ⵜⴻⵎⵍⵉⵍⵉⵜ ⵍⵍⴰⵏ-ⴷ ⴰⵎ ⵡⴰⴽⴽⴰ: 17-20, 22-16, 18-14, 17-13.

ⵙ ⵡⴰⵢⴰ, ⵍⴻⵣⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⵢⴻⵔⵏⴰ ⴷ ⴰⵢⴰ ⴰⴷ ⵢⴻⴵⴵⴻⵏ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016 ⴷⴻⴳ ⵔⵉⵧ ⴷⴻ ⵊⴰⵏⴻⵉⵔⵧ.

ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵜⵜⴻⴼ ⵉ ⵓⵎⴽⴰⵏ ⵡⵉⵙ 3, ⵜⴻⵔⵏⴰ ⵜⴻⴼⵔⵉⵇⵜ ⵏ ⵓⵏⵥⵓⵍ ⵜⴰⵖⵍⴰⵎⵜ ⵜⴰⵎⴰⵚⵔⵉⵜ ⵙ 77 ⵖⴻⵔ 65.

ⵎⴰ ⵙⴻⴳ ⵢⵉⴷⵉⵙ ⵏ ⵜⵍⴰⵡⵉⵜ, ⵜⴻⵔⵏⴰ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵍⴰⵡⵉⵏ ⵜⵉⵏ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵙ 60 ⵖⴻⵔ 47 ⴷⴻⴳ ⵜⵏⴻⴳⴳⴰⵔⵓⵜ, ⵢⴻⵔⵏⴰ ⵓⵍⴰ ⴷ ⵜⵉⴷⵣⴰⵢⵔⵉⵢⵉⵏ ⵄⴻⴷⴷⴰⵏⵜ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ ⴷⴻ ⵊⴰⵏⴻⵉⵔⵧ.