ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⴰⵍ ⵢⴻⴼⴼⵖⴻⵏ ⵉ ⵓⴱⵔⵉⴷ ⵏ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵙ ⵡⴰⵢⴻⵏ ⵏ ⴷⵉⵔⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵡⴰⵍ « ⵢⴻⴼⴼⵖⴻⵏ ⵉ ⵓⴱⵔⵉⴷ ⴰⵢ ⴷ-ⵢⴻⵏⵏⴰ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⵙⴻⴳ ⵎⴻⵍⵎⵉ ⴽⴰⵏ ⵖⴻⴼ ⵍⴻⵣⵣⴰⵢⴻⵔ ⵉⵎⵉ ⴰⵢ ⵜⴻⴱⴷⴻⴷ ⵡⴰⵔ ⵛⵛⴻⵔⴹ ⵖⴻⵔ ⵢⵉⴷⵉⵙ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵀⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ⵢⵓⵙⴰ-ⴷ ⴰⵎⵣⵓⵏ ⴷ ⴰⵇⴻⵎⵎⴻⵔ ⵖⴻⴼ ⵡⴰⵢⴻⵏ ⵏ ⴷⵉⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ.

« ⴰⵡⴰⵍ-ⵏⵏⵉ (ⵏ ⵓⴳⴻⵍⵍⵉⴷ ⵏ ⵎⴻⵕⵕⵓⴽ) ⴰⵢ ⴷ-ⵜⴱⴻⴷⵔⴻⵎ ⵢⴻⵍⵍⴰ-ⴷ ⴰⵎⵣⵓⵏ ⴷ ⴰⵇⴻⵎⵎⴻⵔ ⵖⴻⴼ ⵡⴰⵢⴻⵏ ⵏ ⴷⵉⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⵎⵉ ⴷ-ⵢⴻⵔⵔⴰ ⵖⴻⴼ ⵡⴰⴷⴷⵓⴷ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵡⴰⵍ ⵢⴻⴼⴼⵖⴻⵏ ⵉ ⵓⴱⵔⵉⴷ ⴰⵢ ⴷ-ⵢⴻⵏⵏⴰ ⵓⴳⴻⵍⵍⵉⴷ ⵏ ⵎⴻⵕⵕⵓⴽ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⴷ ⵜⴻⵎⵜⵉⵍⵜ-ⵏⵏⴻⵙ ⵜⴰⴽⵓⵍⵓⵎⴱⵉⵜ, ⵎⴰⵔⵉⴰ ⴰⵏⴳⴻⵍⴰ ⵀⵧⵍⴳⵓⵉⵏ.

« ⵏⴻⴼⵀⴻⵎ ⵎⵍⵉⵃ ⴰⵢⴰ, ⴰⴷ ⴷ-ⵢⵉⵍⵉ ⵡⵓⴳⴰⵔ ⵏ ⴱⴻⴹⴹⵓ, ⵏ ⵜⵖⴻⵔⵙⵉ ⴳⴰⵔ ⵡⴰⵢⵜⵎⴰⵜⴻⵏ ⴷ ⵢⵉⵎⴻⵏⵖⵉ ⵓⴼⴼⵉⵔ ⴰⴽⴽⴻⵏ ⴰⵢ ⵏⵡⴰⵍⴰ ⴷⴻⴳ 40 ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵢⵉⵍⵉ ⴰⵎⴰⴹⴰⵍ ⵍⴰ ⵢⴻⵜⵜⴻⴷⴷⵓ ⵖⴻⵔ ⵙⴷⴰⵜ ⵢⴻⵔⵏⴰ ⵙⵉⵎⴰⵍ ⵍⴰ ⴷ-ⵢⴻⵙⵙⴻⴹⵀⴰⵔ ⵜⵓⴹⴹⴼⴰ-ⵏⵏⴻⵙ ⴷⴻⴳ ⵡⴰⵣⴰⵍⴻⵏ ⴷ ⵢⵉⵎⴻⵏⵣⴰⵢⴻⵏ ⵉⵎⴻⵖⵔⴰⴷⴰⵏⴻⵏ (ⵄⴰⵍⴰⵎⵉⵢⵢⴰ) ⴰⵎ ⵓⵣⵔⴻⴼ ⵏ ⵢⵉⵖⴻⵔⴼⴰⵏ ⵉ ⴼⴻⵔⵔⵓ ⵏ ⵓⵣⴻⴽⴽⴰ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⴰⵙⵙⴻⵄⵔⴻⵇ ⵏ ⵜⵉⴷⴻⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ 6 ⵏⵡⴻⵎⴱⴻⵕ 1975 ⵢⴻⵙⵙⴰⵡⴻⴹ ⵖⴻⵔ ⵓⵔⴳⴰⵍ ⵏ ⵓⴱⵔⵉⴷ ⵉ ⵓⵏⵏⴻⵔⵏⵉ ⵏ ⵢⵉⵖⴻⵔⴼⴰⵏ ⵏ ⵍⵎⴻⵖⵔⴻⴱ ⵙ ⵜⵓⴹⴹⴼⴰ ⵏ ⵡⴰⴽⴰⵍ, ⵢⴻⵔⵏⴰ ⵢⴻⵇⵇⵉⵎ ⵡⴰⵢⴰ 40 ⵏ ⵢⵉⵙⴻⴳⴳⴰⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵍⴻⵣⵣⴰⵢⴻⵔ « ⵜⴻⴱⵖⴰ, ⵢⴻⵔⵏⴰ ⵜⵄⴻⵡⵡⴻⵍ, ⴰⴷ ⵜⴽⴻⵎⵎⴻⵍ ⴷⴻⴳ ⵓⴱⵔⵉⴷ ⵏ ⵓⵏⴰⴷⵉ ⵏ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ (ⴰⵎⵏ) ⴷ ⵓⵔⴽⴰⴷ ⴷⴻⴳ ⵜⴻⵎⵏⴰⴹⵜ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ (ⴰⵏⴻⵥⵔⵓⴼ ⵓⵜⵔⵉⵎ) ».

« ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴻⵥⵔⴰⵎ ⴷⴰⵖ ⴷ ⴰⴽⴽⴻⵏ ⵜⴰⵎⴻⵏⴹⴰⵡⵜ-ⵏⵏⴻⵖ (ⴷⵓⵙⵜⵓⵔ) ⵜⴻⵜⵜⵃⴻⵜⵜⵉⵎ ⴼⴻⵍⵍ-ⴰⵖ ⴰⴷ ⵏⴻⴼⵔⵓ ⵉⵎⴳⴻⵔⵔⴰⴷⴻⵏ ⵉⴳⵔⴰⵖⵍⴰⵏⴻⵏ ⵢⴻⵔⵏⴰ ⴰⴷ ⵏⴻⵜⵜⴻⴽⴽⵉ ⴷⴻⴳ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ ⴷ ⵓⵙⵙⴻⴼⵄⴻⵍ ⵏ ⵢⵉⵙⵡⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷⵖⴰ ⵙ ⵡⴰⵢⴰ ⴰⵢ ⵏⴻⵙⵃⴰⵕⵕⴻⵎ ⵖⴻⴼ ⵢⵉⵎⴰⵏ-ⵏⵏⴻⵖ ⴰⴷ ⵏⴻⵔⵏⵓ ⵣⵣⵉⵜ ⵉ ⵜⵎⴻⵙ. »