Asebter amenzawi

Yettwenɣ yiwen n urebrab deg Lemdeyya

LEZZAYER TAMANEɣT – Tenɣa yiwet n tsensert n Yigen Aɣelnaw Aɣerfan yiwen n urebrab ass n lḥedd tameddit deg twilayt n Lemdeyya, ɣef wakken ay d-yenna yiwen n ulɣu (bayan) n uɣlif n temḥaddit taɣelnawt.

« Deg ukatar n yimenɣi mgal rrebrab, tenɣa yiwet n tsensert n Yigen Aɣelnaw Aɣerfan yeqqnen ɣer uḥric amehlan n Lemdeyya (Tamnaḍt Taserdasant 1ut) yiwen n urebrab, ass-a n 8 Nwembeṛ 2015 ɣef 4s00 n tmeddit deg yiwen n ukmun ay as-yettwandin sdat tɣiwant n Wlad Hellal deg unẓul-utrim n temdint n Lemdeyya », ɣef wakken ay d-yenna ulɣu-a.

« Tamhelt-a (ɛamaliyya) d tin aydeg d-yettwalqeḍ yiwen n ubeckiḍ-amiṭrayut n ṣṣenf n Kalachnikov, 1 n tṛemmant, 1 n tyuga n tsatin d 3 n yiseččaṛen yeččuṛen d rrṣaṣ ».

« Tamhelt-a ay gan yiɣallen n Yigen Aɣelnaw Aɣerfan tesskanay-d, tikkelt niḍen, aɛewwel d ukemmel n yiɣallen-nneɣ imsellḥen akken ad ttḍafaren tigrawin tirebrabin i lmend n uḥbas-nsent seg ussexṣer », ɣef wakken ay d-yenna ulɣu-a.