ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵔⴻⴱⵔⴰⴱ ⴷⴻⴳ ⵍⴻⵎⴷⴻⵢⵢⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵖⴰ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⵉⵡⴻⵏ ⵏ ⵓⵔⴻⴱⵔⴰⴱ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵜⵡⵉⵍⴰⵢⵜ ⵏ ⵍⴻⵎⴷⴻⵢⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.
« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵜⴻⵏⵖⴰ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⵍⴻⵎⴷⴻⵢⵢⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ 1ⵓⵜ) ⵢⵉⵡⴻⵏ ⵏ ⵓⵔⴻⴱⵔⴰⴱ, ⴰⵙⵙ-ⴰ ⵏ 8 ⵏⵡⴻⵎⴱⴻⵕ 2015 ⵖⴻⴼ 4ⵙ00 ⵏ ⵜⵎⴻⴷⴷⵉⵜ ⴷⴻⴳ ⵢⵉⵡⴻⵏ ⵏ ⵓⴽⵎⵓⵏ ⴰⵢ ⴰⵙ-ⵢⴻⵜⵜⵡⴰⵏⴷⵉⵏ ⵙⴷⴰⵜ ⵜⵖⵉⵡⴰⵏⵜ ⵏ ⵡⵍⴰⴷ ⵀⴻⵍⵍⴰⵍ ⴷⴻⴳ ⵓⵏⵥⵓⵍ-ⵓⵜⵔⵉⵎ ⵏ ⵜⴻⵎⴷⵉⵏⵜ ⵏ ⵍⴻⵎⴷⴻⵢⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
« ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⴷ ⵜⵉⵏ ⴰⵢⴷⴻⴳ ⴷ-ⵢⴻⵜⵜⵡⴰⵍⵇⴻⴹ ⵢⵉⵡⴻⵏ ⵏ ⵓⴱⴻⵛⴽⵉⴹ-ⴰⵎⵉⵟⵔⴰⵢⵓⵜ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ, 1 ⵏ ⵜⵕⴻⵎⵎⴰⵏⵜ, 1 ⵏ ⵜⵢⵓⴳⴰ ⵏ ⵜⵙⴰⵜⵉⵏ ⴷ 3 ⵏ ⵢⵉⵙⴻⵞⵞⴰⵕⴻⵏ ⵢⴻⵞⵞⵓⵕⴻⵏ ⴷ ⵔⵔⵚⴰⵚ ».
« ⵜⴰⵎⵀⴻⵍⵜ-ⴰ ⴰⵢ ⴳⴰⵏ ⵢⵉⵖⴰⵍⵍⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵜⴻⵙⵙⴽⴰⵏⴰⵢ-ⴷ, ⵜⵉⴽⴽⴻⵍⵜ ⵏⵉⴹⴻⵏ, ⴰⵄⴻⵡⵡⴻⵍ ⴷ ⵓⴽⴻⵎⵎⴻⵍ ⵏ ⵢⵉⵖⴰⵍⵍⴻⵏ-ⵏⵏⴻⵖ ⵉⵎⵙⴻⵍⵍⵃⴻⵏ ⴰⴽⴽⴻⵏ ⴰⴷ ⵜⵜⴹⴰⴼⴰⵔⴻⵏ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵉ ⵍⵎⴻⵏⴷ ⵏ ⵓⵃⴱⴰⵙ-ⵏⵙⴻⵏⵜ ⵙⴻⴳ ⵓⵙⵙⴻⵅⵚⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
