Asebter amenzawi

Aselway Bouteflika yeṭṭafaṛ yal ass aṭebbaq n wahil-ines

BLIDA – Aselway n Tegduda, Abdelaziz Bouteflika, yeṭṭfaṛ "yal ass" aṛeṣṣi d uṭebbaq n wahil-ines, win yextaṛ weɣṛef", id-yenna ass n letniyen di Leblida, aneɣlaf amezwaru, Abdelmalek Sellal.

"D wagi i d abrid iɣ-d-yettunefken win nettqadaṛ u nxeddem s tezdeg s tmuɣli n yal ass n uselway n Tegduda, imkellef awḥid n tudert n ddewla am wakken yella di tmendawt",id-yenna Mas Sellal lawan n temlilit akk d yimseftayen n twilayt.

Yesefhem-d belli ahil n uselway Bouteflika yettawi, "s tezdeg, ɣer uṛeṣsi n tdamsa igemmun, asemɣer n tjumma n wakal yettwaxdamen ɣer umelyun n yeqḍaṛen d usnerni unegmu n weḥric n tmerrit".

"Deg wakken ttwaliɣ ur yelli win ibedden ibeggsen, di tmurt-nneɣ, ɣef tlelli n tmurt am uselway n Tegduda. Maɛi d netta d-iberḥen acḥal n tikkwal d akken ddewla ad teṭṭef ixef n wemrar deg weḥric ntdamsa",id-yessuter.

"Ulac win id-ibedren neɣ iseqsa acuɣer ur neslelluy ara tadamsa lawan deg nefka afud i usefti, acuɣeṛ i mazal nettɛawan deg wazal n leswam lawan deg nettɛawad tamuɣli n kra isufar?",id-yenna Mas Sellal.