ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⵓⵎⵄⴰⵡⴻⵏ ⵉ ⵍⵎⴻⵏⴷ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ⴰⴷ ⵢⴻⴼⴼⵖⴻⵏ ⵖⴻⴼ ⵡⴰⴽⴽ ⵜⵉⵎⵓⵔⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵎⵄⴰⵡⴻⵏ ⵉ ⵍⵎⴻⵏⴷ ⵏ ⵡⴰⵡⵡⴰⴹ ⵖⴻⵔ ⵙⵙⵓⵎⴰⵜ ⵏ ⵓⵒⵉⵜⵕⵓⵍ ⴰⴷ ⵢⴻⵙⴵⴻⵀⴷⴻⵏ ⴰⵎⴰ ⴷ ⴰⵏⵏⴻⵔⵏⵉ ⴰⴷⴰⵎⵙⴰⵏ ⵏ ⵜⵎⵓⵔⴰ ⴰⵢ ⵢⴻⵙⵏⵓⵣⵓⵢⴻⵏ ⴰⵒⵉⵜⵕⵓⵍ, ⴰⵎⴰ ⴷ ⵡⵉⵏ ⵏ ⵜⵎⵓⵔⴰ ⴰⵢ ⵜ-ⵉⴷ-ⵢⴻⵜⵜⴰⵖⴻⵏ.
ⵍⴻⵣⵣⴰⵢⴻⵔ ⴷ ⴽⵓⵍⵓⵎⴱⵢⴰ « ⵎⵙⴻⴼⵀⴰⵎⴻⵏⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⵓⵅⴻⴷⴷⵉⵎ ⵓⵛⵔⵉⴽ ⵉ ⵍⵎⴻⵏⴷ ⵏ ⵓⵄⴰⵡⴻⴷ ⵏ ⵓⵙⵙⴰⵍⵉ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⵓⵛⵔⵉⴽ ⴰⵢ ⵉⴳⴰ ⴷ ⵜⴻⵎⵜⵉⵍⵜ-ⵏⵏⴻⵙ ⵜⴰⴽⵓⵍⵓⵎⴱⵉⵜ, ⵎⴰⵔⵉⴰ ⴰⵏⴳⴻⵍⴰ ⵀⵧⵍⴳⵓⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⴰⴽⴽ ⵜⵉⵎⵓⵔⴰ ⴰⵢ ⴷ-ⵢⴻⵙⵙⵓⴼⴼⵓⵖⴻⵏ ⴰⵒⵉⵜⵕⵓⵍ, ⴰⵎⴰ ⴷ ⵜⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵧⵒⴻⵒ ⵏⴻⵖ ⵓⵀⵓ, ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏⵜ ⴷⴻⴳ ⵡⵓⵙⵙⵉⵙ-ⴰ (ⵍⵎⴻⴵⵀⵓⴷ) ».
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⵓⵍⴰ ⴷ ⵜⵉⵎⵓⵔⴰ ⴰⵢ ⵢⴻⵜⵜⴰⵖⴻⵏ ⴰⵒⵉⵜⵕⵓⵍ ⵢⴻⵙⵙⴻⴼⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵡⵓⵙⵙⵉⵙ-ⴰ ⵓⵛⵔⵉⴽ ⵉ ⵍⵎⴻⵏⴷ ⵏ ⵓⵙⵙⴻⵔⴽⴻⴷ ⵏ ⵙⵙⵓⵇ ⵏ ⵓⵒⵉⵜⵕⵓⵍ ⴷ ⵙⵙⵓⵎⴰⵜ ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵓⵏⵏⴻⵔⵏⵉ ⴰⴷⴰⵎⵙⴰⵏ ⴷ ⵓⵅⴻⴷⴷⵉⵎ ⴷⴻⴳ ⵓⵎⴰⴹⴰⵍ ⴰⴽⴽⴻⵏ ⵎⴰ ⵢⴻⵍⵍⴰ ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ ⵍⴰⵎⴰⵎⵔⴰ ⵙ ⵓⵣⵡⵓⵔ (ⵎⵓⴱⴰⴷⴰⵔⴰ) ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉ ⴱⵧⵓⵜⴻⴼⵍⵉⴽⴰ, ⵉ ⵓⵄⴰⵡⴻⴷ ⵏ ⵓⵙⵙⴰⵍⵉ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ⵉ ⵍⴼⴰⵢⴷⴰ ⵏ ⵡⴰⴽⴽ ⵜⵉⵎⵓⵔⴰ.
