Asebter amenzawi

Anabaḍ yettkel ɣef termist tazzayrit i wesnegmu adamsan

BLIDA – Anabaḍ yettkel ɣef termist tazzayrit i wesnegmu n tdamsa taɣelnawt d useǧhed n tzemmar timguranin, id-iwekked ass n letniyen di Leblida uneɣlaf amenzu, Abdelmalek Sellal.

Yemmslay-d lawan n temlilit-is akk d yemseftiyen di tirza yexdem ɣer twilayt n Leblida, aneɣlaf amezwaru yessaḥres ɣef "wesɣimi n tɣerɣart tamgurant taɣelnawt tatrart ara ikecmen tirni n umɛebbeṛ akken ad tizmir ad tessali anegmu aɣelnaw d uḥarebn ɣef yigerrijen inmettanen".

Acku, am waken d-yessefhem, ɣas akken leswam, ladɣa wid n upitrul, ad alin, "ur nessawaḍ ara ad d-nerr i yiḥettimen n unegmu d usewjed lexṣaṣ n yemdanen".

Deg tekti-yagi I yella unabaḍ " yetteklen di termist tazzayrit, ama d tin n ddewla neɣ n d tin yexḍan, akken ad tili d allal ara yessiwḍen tadamsa taɣelnawt ad d-tesnulfu abaɣuṛ", id-yenna Mas Sellal.

Ayagi s usmekti n wayen akk yettuxedmen deg usurrif uslelluy n wakal amguran, d uwennaɛ n twennaḍt n termist d useshel n webrid ɣer teɣbalut n tedrimt, aneɣlaf amezwaru iwekked-d belli ddewla tettkel aṭaṣ ɣef wid yellan d iɛeggalen n tdamsa taɣelnawt.