ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴰⴱⴰⴹ ⵢⴻⵜⵜⴽⴻⵍ ⵖⴻⴼ ⵜⴻⵔⵎⵉⵙⵜ ⵜⴰⵣⵣⴰⵢⵔⵉⵜ ⵉ ⵡⴻⵙⵏⴻⴳⵎⵓ ⴰⴷⴰⵎⵙⴰⵏ
ⴱⵍⵉⴷⴰ – ⴰⵏⴰⴱⴰⴹ ⵢⴻⵜⵜⴽⴻⵍ ⵖⴻⴼ ⵜⴻⵔⵎⵉⵙⵜ ⵜⴰⵣⵣⴰⵢⵔⵉⵜ ⵉ ⵡⴻⵙⵏⴻⴳⵎⵓ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵙⴻⴵⵀⴻⴷ ⵏ ⵜⵣⴻⵎⵎⴰⵔ ⵜⵉⵎⴳⵓⵔⴰⵏⵉⵏ, ⵉⴷ-ⵉⵡⴻⴽⴽⴻⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⵉ ⵍⴻⴱⵍⵉⴷⴰ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.
ⵢⴻⵎⵎⵙⵍⴰⵢ-ⴷ ⵍⴰⵡⴰⵏ ⵏ ⵜⴻⵎⵍⵉⵍⵉⵜ-ⵉⵙ ⴰⴽⴽ ⴷ ⵢⴻⵎⵙⴻⴼⵜⵉⵢⴻⵏ ⴷⵉ ⵜⵉⵔⵣⴰ ⵢⴻⵅⴷⴻⵎ ⵖⴻⵔ ⵜⵡⵉⵍⴰⵢⵜ ⵏ ⵍⴻⴱⵍⵉⴷⴰ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵙⵙⴰⵃⵔⴻⵙ ⵖⴻⴼ "ⵡⴻⵙⵖⵉⵎⵉ ⵏ ⵜⵖⴻⵔⵖⴰⵔⵜ ⵜⴰⵎⴳⵓⵔⴰⵏⵜ ⵜⴰⵖⴻⵍⵏⴰⵡⵜ ⵜⴰⵜⵔⴰⵔⵜ ⴰⵔⴰ ⵉⴽⴻⵛⵎⴻⵏ ⵜⵉⵔⵏⵉ ⵏ ⵓⵎⵄⴻⴱⴱⴻⵕ ⴰⴽⴽⴻⵏ ⴰⴷ ⵜⵉⵣⵎⵉⵔ ⴰⴷ ⵜⴻⵙⵙⴰⵍⵉ ⴰⵏⴻⴳⵎⵓ ⴰⵖⴻⵍⵏⴰⵡ ⴷ ⵓⵃⴰⵔⴻⴱⵏ ⵖⴻⴼ ⵢⵉⴳⴻⵔⵔⵉⵊⴻⵏ ⵉⵏⵎⴻⵜⵜⴰⵏⴻⵏ".
ⴰⵛⴽⵓ, ⴰⵎ ⵡⴰⴽⴻⵏ ⴷ-ⵢⴻⵙⵙⴻⴼⵀⴻⵎ, ⵖⴰⵙ ⴰⴽⴽⴻⵏ ⵍⴻⵙⵡⴰⵎ, ⵍⴰⴷⵖⴰ ⵡⵉⴷ ⵏ ⵓⵒⵉⵜⵔⵓⵍ, ⴰⴷ ⴰⵍⵉⵏ, "ⵓⵔ ⵏⴻⵙⵙⴰⵡⴰⴹ ⴰⵔⴰ ⴰⴷ ⴷ-ⵏⴻⵔⵔ ⵉ ⵢⵉⵃⴻⵜⵜⵉⵎⴻⵏ ⵏ ⵓⵏⴻⴳⵎⵓ ⴷ ⵓⵙⴻⵡⵊⴻⴷ ⵍⴻⵅⵚⴰⵚ ⵏ ⵢⴻⵎⴷⴰⵏⴻⵏ".
ⴷⴻⴳ ⵜⴻⴽⵜⵉ-ⵢⴰⴳⵉ ⵉ ⵢⴻⵍⵍⴰ ⵓⵏⴰⴱⴰⴹ " ⵢⴻⵜⵜⴻⴽⵍⴻⵏ ⴷⵉ ⵜⴻⵔⵎⵉⵙⵜ ⵜⴰⵣⵣⴰⵢⵔⵉⵜ, ⴰⵎⴰ ⴷ ⵜⵉⵏ ⵏ ⴷⴷⴻⵡⵍⴰ ⵏⴻⵖ ⵏ ⴷ ⵜⵉⵏ ⵢⴻⵅⴹⴰⵏ, ⴰⴽⴽⴻⵏ ⴰⴷ ⵜⵉⵍⵉ ⴷ ⴰⵍⵍⴰⵍ ⴰⵔⴰ ⵢⴻⵙⵙⵉⵡⴹⴻⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⴰⴷ ⴷ-ⵜⴻⵙⵏⵓⵍⴼⵓ ⴰⴱⴰⵖⵓⵕ", ⵉⴷ-ⵢⴻⵏⵏⴰ ⵎⴰⵙ ⵙⴻⵍⵍⴰⵍ.
ⴰⵢⴰⴳⵉ ⵙ ⵓⵙⵎⴻⴽⵜⵉ ⵏ ⵡⴰⵢⴻⵏ ⴰⴽⴽ ⵢⴻⵜⵜⵓⵅⴻⴷⵎⴻⵏ ⴷⴻⴳ ⵓⵙⵓⵔⵔⵉⴼ ⵓⵙⵍⴻⵍⵍⵓⵢ ⵏ ⵡⴰⴽⴰⵍ ⴰⵎⴳⵓⵔⴰⵏ, ⴷ ⵓⵡⴻⵏⵏⴰⵄ ⵏ ⵜⵡⴻⵏⵏⴰⴹⵜ ⵏ ⵜⴻⵔⵎⵉⵙⵜ ⴷ ⵓⵙⴻⵙⵀⴻⵍ ⵏ ⵡⴻⴱⵔⵉⴷ ⵖⴻⵔ ⵜⴻⵖⴱⴰⵍⵓⵜ ⵏ ⵜⴻⴷⵔⵉⵎⵜ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵡⴻⴽⴽⴻⴷ-ⴷ ⴱⴻⵍⵍⵉ ⴷⴷⴻⵡⵍⴰ ⵜⴻⵜⵜⴽⴻⵍ ⴰⵟⴰⵚ ⵖⴻⴼ ⵡⵉⴷ ⵢⴻⵍⵍⴰⵏ ⴷ ⵉⵄⴻⴳⴳⴰⵍⴻⵏ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
