Asebter amenzawi

Tuzzya n Faso: Adzayri Abderrahmane Mansouri d wis 5

UAGADUGU – Yeḍḍef Udzayri Abderrahmane Mansouri amkan wis 5 deg temsizzelt n usnasɣel tagraɣlant tis 28 n Burkina Faso ay ifuken ass n lḥedd deg Ouagadougou.

D Ameṛṛuki Mouhssine Lahsaini ay irebḥen deg temsizzelt-a, deffir ma yezwar Iritiri Yemane Bereket deg uḥric wis sin deg temdint n Ziniare.

Dɣa d tikkelt tis 4 aydeg ad rebḥen yimesnasɣalen (darraǧin) imeṛṛukiyen amsizwer-a deffir win n 2002, 2007 d 2009.

D Aburkinabi Rasmane Ouedraogo ay irebḥen aḥric wis 10 (yerna d aneggaru) aydeg d-tella temsizzelt gar temdinin n Korsimoro d Ouagadougou. Timsizzelt-a ɣezzifet 123,9 n yikilumitren, seg-sen 51 n yikilumitren deg yibriden n tmaneɣt Ouagadougou s timmad-nnes. Ouedragou iga-d akud n 2s52dq d 57 n tsinin s tazzla talemmast n 42 n yikilumitren i tsaɛet.

D ta ay d tikkelt tis snat aydeg ad terbeḥ Burkina Faso deg tuzzya-a deffir tin n Salifou Yarbanga deg uḥric ay ifuken deg Koudougou.

Asettef deffir uḥric wis 10 (aneggaru):

1. Rasmane Ouedraogo (Burkina Faso) s 2s52:57

2. Abdoul Aziz Nikiema (Burkina Faso) yiwen n wakud

3. Abdelati Saadoune (Meṛṛuk) yiwen n wakud

4. Hailu Yonatan (Iritirya) yiwen n wakud

5. Lahcen Saber (Meṛṛuk) yiwen n wakud

Asettef amatu aneggaru:

1. Mouhssine Lahsaini (Meṛṛuk) s 31s44:27

2. Mohamed Amine Rafai (Meṛṛuk) à 1:23

3. Mathias W. Sorgo (Burkina Faso) s 1:34

4. Harouna Ilboudo (Burkina) s 2:11

5. Abderrahmane Mansouri (Lezzayer) s 2:18.