ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ: ⴷ ⴰⵙⵡⵉⵔ ⵢⵉⴼⴻⵏ ⵡⵉⵏ ⵏ 2013
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⵡⵉⵔ ⵏ ⵜⴻⵖⵍⴰⵎⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2015 ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ (ⵉⵔⴳⴰⵣⴻⵏ ⴷ ⵜⵍⴰⵡⵉⵏ) ⵢⴻⵍⵀⴰ ⵅⵉⵔ ⵏ ⵡⵉⵏ ⵏ ⵜⴻⵍⵖⵓⵖⴰ ⵏ 2013, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⴰⵜⴻⴽⵏⵉ ⴰⵖⴻⵍⵏⴰⵡ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ, ⴼⵔⴰⵏⵛⴽ ⴱⴻⵍⴻⵏ.
ⴷ ⵜⵉⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ ⵏ ⵢⵉⵔⴳⴰⵣⴻⵏ ⴷ ⵜⵍⴰⵡⵉⵏ ⴰⵢ ⵉⵔⴻⴱⵃⴻⵏ ⵜⴰⵍⵖⵓⵖⴰ-ⴰ ⵢⴻⵔⵏⴰ ⵙⵙⴰⵡⴹⴻⵏⵜ, ⵙ ⵡⴰⵢⴰ, ⴰⴷ ⵄⴻⴷⴷⵉⵏⵜ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016 ⴰⴷ ⴷ-ⵢⵉⵍⵉⵏ ⴷⴻⴳ ⵓⵏⴻⴱⴷⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵔⵉⵧ ⴷⴻ ⵊⴰⵏⴻⵉⵔⵧ (ⴱⵔⵉⵣⵉⵍ).
« ⵢⴻⵍⵀⴰ ⵓⵙⵡⵉⵔ ⵎⴰ ⵏⵇⵓⵔⴻⵏ-ⵉⵜ ⵖⴻⵔ ⵜⴻⵥⵔⵉⴳⵜ-ⵏⵏⵉ (ⵟⴰⴱⵄⴰ) ⵜⴰⵏⴻⴳⴳⴰⵔⵓⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⴰⵏⴳⵓⵍⴰ. (ⴷⴻⴳ ⵜⴻⵍⵖⵓⵖⴰ-ⴰ) ⵍⵍⴰⵏⵜ 4 ⵏ ⵜⴻⵖⵍⴰⵎⵉⵏ –ⵎⴰⵚⴻⵔ, ⵎⴻⵕⵕⵓⴽ, ⵜⴰⴼⵔⵉⵇⵜ ⵏ ⵓⵏⵥⵓⵍ ⴷ ⵍⴻⵣⵣⴰⵢⴻⵔ- ⴰⵢ ⵢⴻⵍⵍⴰⵏ ⵣⴻⵎⵔⴻⵏⵜ ⴰⴷ ⴳⴻⵏⵜ ⴽⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴼⵕⴻⵏⵙⵉⵙ ⴼⵔⴰⵏⵛⴽ ⴱⴻⵍⴻⵏ ⵉ ⵜⵏⴻⴳⴳⴰ ⵏ ⵜⵖⴻⵎⵙⴰ ⵏ ⵍⴻⵣⵣⴰⵢⴻⵔ.
ⴰⵙⵍⴻⵖⵎⴰⵢ-ⴰ (ⵎⵓⴷⴰⵔⵔⵉⴱ) ⵜⵜⵡⴰⵍⵉⵏ-ⵜ ⴷ ⵢⵉⵡⴻⵏ ⵙⴻⴳ ⵢⵉⵙⵍⴻⵖⵎⴰⵢⴻⵏ ⵉⵎⵅⴻⵢⵢⵔⴻⵏ ⴰⴽⴽ ⴷⴻⴳ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⵢⵉⵎⴻⵄⴷⴰⵕ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⵙⴻⴳ ⵡⴰⵙⵎⵉ ⴰⵢ ⵄⴻⴷⴷⴰⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵍⵧⵏⴷⵧⵏ ⵏ 2012, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴷⴷⴰⵍ-ⴰ ⵉⴳⴰ ⴰⵙⵓⵔⵉⴼ ⴷ ⴰⵎⴻⵇⵔⴰⵏ ⵖⴻⵔ ⵙⴷⴰⵜ ⴷⴻⴳ ⵜⴻⴼⵔⵉⵇⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⵍⴰⵎⵉⵏ ⵜⵉⴼⵔⵉⵇⵉⵢⵉⵏ ⵏ ⵜⵍⴰⵡⵉⵏ ⴰⵢ ⵢⴻⵙⵙⴰⵡⴹⴻⵏ ⴰⴷ ⵜⵜⴻⴽⴽⵉⵏⵜ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⵍⵖⵓⵖⴰ ⵏ ⵢⵉⵎⴻⵄⴷⴰⵕ.
ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵍⴰⵡⵉⵏ ⵜⴻⵙⵙⴰⵡⴻⴹ ⴰⴷ ⵜⴻⵔⴱⴻⵃ ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵎⵉ ⵜⴻⵔⵏⴰ ⵜⴰⴼⵔⵉⵇⵜ ⵏ ⵓⵏⵥⵓⵍ ⵙ 60 ⵖⴻⵔ 47.
« ⴰⴽⴽⴻⵏ ⴰⴷ ⵢⴻⵔⵏⵓ ⴰⴷ ⵢⴻⵍⵀⵓ ⵓⵙⵡⵉⵔ, ⵢⴻⵙⵙⴻⵔⴼⴽ ⴰⴷ ⴷ-ⵜⵜⵉⵍⵉⵏⵜ ⵜⴻⵍⵖⵓⵖⵉⵡⵉⵏ ⴰⵢⴷⴻⴳ ⵢⴻⴵⵀⴻⴷ ⵓⵙⵡⵉⵔ ⵓⴳⴰⵔ ⵢⴻⵔⵏⴰ ⴷ ⵜⵉⴷ ⴰⴷ ⵢⵉⵖⵣⵉⴼⴻⵏ ⵓⴳⴰⵔ. ⴷⴰⵖ, ⴰⵙⵙⵓⴳⴳⴻⵜ ⵏ ⵡⵓⵔⴰⵔ ⵎⴳⴰⵍ ⵜⴻⵖⵍⴰⵎⵉⵏ ⵜⵓⵕⵓⴼⵉⵢⵉⵏ, ⵜⴰⵙⵢⴰⵡⵉⵢⵉⵏ ⴷ ⵜⵎⴰⵔⵉⴽⴰⵏⵉⵢⵉⵏ ⴷ ⴰⵢⴻⵏ ⴰⴷ ⵢⴻⴵⴵⴻⵏ ⵉⵎⴰⵔⵉⵔⴻⵏ ⴰⴷ ⴷ-ⵔⴻⴱⵃⴻⵏ ⵜⵜⴻⵊⵕⵉⴱⴰ ⴷ ⵓⵕⵛⴰⴷ ⴷⴻⴳ ⵜⵜⴰⴽⵜⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵢⴻⵙⵙⴻⴼⴽ ⴰⴷ ⵉⵍⵉⵏ ⴰⵟⴰⵙ ⵏ ⵢⵉⵎⴰⵔⵉⵔⴻⵏ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⴻⵖⵍⴰⵎⵉⵏ ⵜⵉⴼⵔⵉⵇⵉⵢⵉⵏ ⴰⴷ ⴷ-ⵜⵜⴰⵡⵉⵏⵜ ⴰⵎⴽⴰⵏ-ⵏⵙⴻⵏⵜ ⴳⴰⵔ ⵜⴻⵖⵍⴰⵎⵉⵏ ⵜⵉⵎⵅⴻⵢⵢⵔⵉⵏ ⵏ ⵓⵎⴰⴹⴰⵍ.
