Asebter amenzawi

Almud n ṣṣenɛa: rnan yinelmaden s 14% aseggas-a

LEZZAYER TAMANEɣT – Yenna-d uneɣlaf n ussileɣ (takwin) d ulmud asaduran, Mohamed Mebarki, ass n ttlata deg Lezzayer Tamaneɣt d akken inelmaden ay d-yemmeṛkan akken ad lemden ṣṣenɛa deg 2015-2016 rnan s 14% ɣef leḥsab n useggas yezrin.

Deg usarag aɣelnaw n yinemhalen (mudara’) n ussileɣ asaduran, yenna-d uneɣlmaf d akken rnan-d aseggas-a ugar n 51.000 n yinelmaden ɣef leḥsab n yilindi (14%) yili deg yiseggasen yezrin, talemmast n tmerniwt tella s 5% kan.

Mass Mebarki yerna-d d akken aseggas-a, ugar n 377.000 n yinelmaden ay yellan, gar-asen 139.380 n yinelmaden seg wid ay yeqqaren yerna ssexdamen ayen ɣran deg unrar, ma d 103.941 n yinelmaden seg wid ay ilemmden kan.

Wid ay d-yemmeṛkan d imaynuten aseggas-a rnan ɣer 266.255 n yimanunen (mutarabbiṣin) d yinelmaden ay yellan yagi, yerna llan daɣ deg Lezzayer 1143 n yimanunen ibeṛṛaniyen ay d-yusan seg tmura yemgerraden. S waya, Lezzayer tesɛa, s ujemmal 643.700 n yimanunen.

Deg wayen yerzan almud asaduran (mihani), yenna-d uneɣlaf d akken inelmaden ay d-yemmeṛkan ɣer-s wwḍen ɣer 1200, gar-asen 522 n yinelmaden imaynuten. Inelmaden-a ad ɣren deg 5 n yisuda (maɛahid) n ulmud asaduran deg twilayin n Tbatent, Tibeskert, Lebnida, Qsenṭina d Sḍif.

«Aṭas n yilemẓiyen ay yebɣan ad mmeṛkin ɣer ussileɣ neɣ almud asaduran », ɣef wakken ay d-iwekked Mass Mebarki.