ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵏⵣⴰⵏⵢⴰ-ⵍⴻⵣⵣⴰⵢⴻⵔ: ⵓⵔ ⵜⵜⴻⴽⴽⴰⵢⴻⵏ ⴰⵔⴰ ⵎⴻⵙⴱⴰⵀ ⴷ ⴱⵧⵓⴷⴻⴱⵧⵓⵣ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵏⵏⴰⵏ-ⴷ ⵢⵉⵎⴰⵔⵉⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⴷⵊⴰⵎⴻⵍ ⵎⴻⵙⴱⴰⵀ ⴷ ⵔⵢⴰⴷ ⴱⵧⵓⴷⴻⴱⴱⵧⵓⵣ ⴷ ⴰⴽⴽⴻⵏ ⵓⵔ ⵜⵜⴻⴽⴽⴰⵢⴻⵏ ⴰⵔⴰ ⴷⴻⴳ ⵜⴻⵎⵍⵉⵍⵉⵜ ⴰⴷ ⵜⵓⵔⴰⵔ ⵍⴻⵣⵣⴰⵢⴻⵔ ⵎⴳⴰⵍ ⵜⴰⵏⵣⴰⵏⵢⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⴷⴰⵔ ⴻⵙ ⵙⴰⵍⴰⴰⵎ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018.

ⵎⴻⵙⴱⴰⵀ (ⴰⵢ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵖⵍⴰⵎⵜ ⵏ ⵙⴰⵎⵒⴷⵧⵔⵉⴰ ⵏ ⵊⴻⵏⵡⴰ, ⵟⵟⴰⵍⵢⴰⵏ) ⵙⵓⵄⴼⴻⵏ-ⵜ ⵢⴻⵔⵏⴰ ⵓⵔ ⵢⴻⵜⵜⴻⴽⴽⴰⵢ ⴰⵔⴰ ⴷⴻⴳ ⵜⴻⵎⵍⵉⵍⵉⵜ, ⵓⵍⴰ ⵎⴰ ⴰⴷ ⵢⴻⴷⴷⵓ ⴷ ⵢⵉⵎⴻⴷⴷⵓⴽⴰⵍ-ⵏⵏⴻⵙ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵖⴻⵔ ⵜⴰⵏⵣⴰⵏⵢⴰ. ⵎⴰ ⴷ ⴱⵧⵓⴷⴻⴱⵧⵓⵣ (ⴰⵢ ⵢⴻⵜⵜⵓⵔⴰⵔⴻⵏ ⴷⴻⴳ ⵎⵧⵏⵜⵒⴻⵍⵍⵉⴻⵔ, ⴼⵕⴰⵏⵙⴰ), ⵢⴻⵜⵜⵓⵏⴻⴼⴽ-ⴰⵙ ⵜⵜⴻⵙⵔⵉⵃ ⴰⴷ ⵢⴻⴷⴷⵓ ⵙⴻⴳ ⵍⴻⵣⵣⴰⵢⴻⵔ ⵖⴻⵔ ⴼⵕⴰⵏⵙⴰ ⴰⴽⴽⴻⵏ ⴰⴷ ⵉⴷⴰⵡⵉ. ⴰⴷ ⴷ-ⵢⵓⵖⴰⵍ ⴰⵙⵙ ⵏ ⵙⵙⴻⴱⵜ ⴰⴽⴽⴻⵏ ⴰⴷ ⵢⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ, ⵖⴻⵔ ⵢⵉⴷⵉⵙ ⵏ ⵢⵉⵎⴻⴷⴷⵓⴽⴰⵍ-ⵏⵏⴻⵙ, ⵉ ⵜⴻⵎⵍⵉⵍⵉⵜ ⵏ ⵡⵓⵖⴰⵍ ⴰⴷ ⴷ-ⵢⵉⵍⵉⵏ ⴰⵙⵙ ⵏ 17 ⵏⵡⴻⵎⴱⴻⵕ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ (7ⵙ15 ⵏ ⵜⵚⴻⴱⵃⵉⵜ).

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵏⴰⴱⵉⵍ ⴱⴻⵏⵜⴰⵍⴻⴱ ⵢⴻⵙⵍⴻⵖⵎⴰ (ⵜⴰⴷⴰⵔⵔⴰⴱⴰ) ⴰⵙⵙ ⵏ ⵜⵜⵍⴰⵜⴰ ⵉ ⵢⵉⵎⴰⵏ-ⵏⵏⴻⵙ ⴷⴻⴳ ⵡⴰⵎⵎⴰⵙ ⴰⵜⴻⴽⵏⵉ ⴰⵖⴻⵍⵏⴰⵡ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵙⵉⴷⵉ ⵎⵓⵙⴰ (ⵍⴻⵣⵣⴰⵢⴻⵔ).

ⴷ ⴰⵛⵓ ⴽⴰⵏ, ⴰⵎⴰⵔⵉⵔ-ⴰ ⴰⵢ ⵢⴻⵜⵜⵓⵔⴰⵔⴻⵏ ⴷⴻⴳ ⵜⵧⵜⵜⴻⵏⵀⴰⵎ (ⵍⴰⵏⴳⵍⵉⵣ) ⵓⵔ ⵢⴻⵜⵃⴻⵇⵇ ⴰⵔⴰ ⵎⴰ ⴰⴷ ⵢⵓⵔⴰⵔ ⴷⴻⴳ ⵜⴻⵎⵍⵉⵍⵉⵜ ⵏ ⵜⴰⵏⵣⴰⵏⵢⴰ.

ⴰⵖⴰⴱⵉ ⵏ ⵢⵉⵎⴰⵔⵉⵔⴻⵏ-ⴰ ⴰⴷ ⵜ-ⵏⴻⵔⵏⵓ ⵖⴻⵔ ⵡⵉⵏ ⵏ ⵓⵍⴻⵎⵎⴰⵙ ⵏ ⴼⵛ ⵒⵧⵔⵜⵧ, ⵢⴰⵛⵉⵏⴻ ⴱⴰⵀⵉⵎⵉ, ⴷ ⵀⵉⵍⴰⵍ ⵙⵧⵓⴷⴰⵏⵉ (ⴰⵢ ⵢⴻⵜⵜⵓⵔⴰⵔⴻⵏ ⵖⴻⵔ ⴷⵉⵏⴰⵎⵧ ⵣⴰⴳⵔⴻⴱ, ⴽⵕⵓⵡⴰⵜⵢⴰ), ⴷ ⵓⵍⴻⵎⵎⴰⵙ ⴰⵎⴻⵏⵟⴰⴳ ⵏ ⴼⵛ ⵠⴰⵍⴻⵏⵛⵉⴰ (ⵙⵒⴻⵏⵢⵓⵍ), ⵙⵧⴼⵉⴰⵏⴻ ⴼⴻⴳⵀⵧⵓⵍⵉ. 3-ⴰ ⵏ ⵢⵉⵎⴰⵔⵉⵔⴻⵏ ⵓⵖⴻⵏ-ⵜⴻⵏⵜ ⵢⴻⵔⵏⴰ ⵇⵇⵉⵎⴻⵏ ⴰⴷ ⵙⴳⵓⵏⴼⵓⵏ. ⴷ ⴰⵛⵓ ⴽⴰⵏ, ⴱⵔⴰⵀⵉⵎⵉ ⴰⴷ ⴷ-ⵢⴰⵙ ⵖⴻⵔ ⵍⴻⵣⵣⴰⵢⴻⵔ ⴰⵙⵙ ⵏ ⵙⵙⴻⴱⵜ ⴰⴽⴽⴻⵏ ⴰⴷ ⵢⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ ⵉ ⵜⴻⵎⵍⵉⵍⵉⵜ ⵏ ⵡⵓⵖⴰⵍ.

ⵜⴻⴱⴷⴰ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴰⵙⵙⴻⵡⵊⴻⴷ-ⵏⵏⴻⵙ ⴷⴻⴳ ⵡⴰⵎⵎⴰⵙ ⴰⵜⴻⴽⵏⵉ ⴰⵖⴻⵍⵏⴰⵡ ⵏ ⵙⵉⴷⵉ ⵎⵓⵙⴰ, ⵢⴻⵔⵏⴰ ⴰⵙⵍⴻⵖⵎⵓ-ⵏⵙⴻⵏ (ⵜⴰⴷⵔⵉⴱ) ⴰⵏⴻⴳⴳⴰⵔⵓ ⴰⴷ ⴷ-ⵢⵉⵍⵉ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ 4ⵙ30 ⵏ ⵜⵎⴻⴷⴷⵉⵜ, ⵓⵇⴱⴻⵍ ⵎⴰ ⴷⴷⴰⵏ ⴰⵙⵙ ⵏ ⵍⴻⵅⵎⵉⵙ ⵖⴻⴼ 11ⵙ30 ⵏ ⵜⵚⴻⴱⵃⵉⵜ ⵖⴻⵔ ⵜⴰⵏⵣⴰⵏⵢⴰ ⴰⴽⴽⴻⵏ ⴰⴷ ⵓⵔⴰⵔⴻⵏ ⵎⴳⴰⵍ « ⵜⴰⵉⴼⴰ ⵙⵜⴰⵔⵙ ».