ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵓⵍⵍⵉ ⵡⵉⵙ 11 ⵏ ⵜⵎⴻⵜⵜⴰⵏⵜ ⵏ ⴰⵔⴰⴼⴰⵜ: ⵜⵓⵖⴰⵍ-ⴰⵙ ⵜⴻⵊⵎⵉⵍⵜ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⵎⴰⵀⴰⵍ (ⵙⴰⴼⵉⵔ) ⴰⴼⴰⵍⴻⵙⵟⵉⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵍⵧⵓⴰⵉ ⴰⵉⵙⵙⴰ, ⴰⵙⵙ ⵏ ⵜⵜⵍⴰⵜⴰ, ⴷⴻⴳ ⵢⵉⴹ ⵏ ⵓⵎⵓⵍⵍⵉ ⵡⵉⵙ 11 ⵏ ⵜⵎⴻⵜⵜⴰⵏⵜ ⵏ ⵢⴰⵙⵙⴻⵔ ⴰⵔⴰⴼⴰⵜ, ⴷ ⴰⴽⴽⴻⵏ ⴰⵎⴻⵕⵃⵓⵎ-ⴰ « ⵢⴻⵍⵍⴰ ⴷ ⴰⵔⴳⴰⵣ ⵏ ⵜⴰⵍⵡⵉⵜ ⵢⴻⵔⵏⴰ ⴷ ⴰⵎⴷⴰⵏ ⴰⵢ ⵢⴻⵙⵙⴻⵃⵙⴰⴱⴻⵏ ⵉ ⵓⵣⴻⴽⴽⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵕⴻⴱⴱⴰ ⴰⵛⵃⴰⵍ ⴷ ⵉⵎⴹⴻⴱⴱⴻⵔ ⴰⴼⴰⵍⴻⵙⵟⵉⵏⵉ, ⵉⴳⴰ ⵍⵉⵏⵜⵉⴼⴰⴹⴰ ⵢⴻⵔⵏⴰ ⵉⵡⴻⵜ-ⴷ ⴷⴻⴳ ⵜⵖⴻⵏⵏⴰⵏⵜ ⵜⵉⵙⵕⴰⵢⵉⵍⵉⵜ ⴰⵢ ⵢⵓⴳⵉⵏ ⵜⴰⵍⵡⵉⵜ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵏⵎⴰⴳⴻⵔ (ⵎⵓⵏⵜⴰⴷⴰ) ⵏ ⵓⵖⵎⵉⵙ ⴰⵢⴰⵍⵍⴰⵙ ⵏ ⴻⵍ ⵎⵧⵓⴷⵊⴰⵀⵉⴷ, ⵢⴻⵔⵏⴰ ⵜⴳⴰ-ⵜ ⵜⵉⴷⴷⵓⴽⵍⴰ ⵏ ⵎⴰⵛⵀⴰⴰⵍ ⴻⵍ ⵛⵀⴰⵀⵉⴷ ⴷ ⵓⵖⵎⵉⵙ-ⴰ ⵙ ⵓⵎⵄⴰⵡⴻⵏ ⴷ ⵜⵎⴰⵀⴻⵍⵜ (ⵙⴰⴼⴰⵔⴰ) ⵜⴰⴼⴰⵍⴻⵙⵟⵉⵏⵉⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⴷⴰⴽⴻⴽⵏ « ⴰⵢⵢⵓⵔ ⵏ ⵏⵡⴻⵎⴱⴻⵕ ⵢⴻⵙⵎⴻⴽⵜⴰⵢ-ⴷ ⵙ ⵜⴻⵎⵖⴻⵔ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⴰⵢ ⴰⵙ-ⵉⴱⴻⴷⴷⵍⴻⵏ ⵉ ⵓⵎⴻⵣⵔⵓⵢ ⵜⵉⴷⴷⵉⵜ, ⵎⴰⵛⴰ ⴰⵢⵢⵓⵔ-ⴰ ⵢⴻⵙⵎⴻⴽⵜⴰⵢ-ⴰⵖ-ⴷ ⴷⴰⵖ ⵙ ⵛⵛⴼⴰⵡⴰⵜ-ⵏⵏⵉ ⵜⵓⵇⵔⵉⵃⵜ ⵏ ⵍⵓⴼⴻⵇ ⵏ ⴱⴰⵍⴼⵧⵓⵔ ».

« ⴰⵡⴰⵏⴰⴽ (ⴷⴰⵡⵍⴰ) ⴰⴼⴰⵍⴻⵙⵟⵉⵏⵉ ⵉⵎⵣⵉⵔⴻⴳ (ⵎⵓⵙⵜⴰⵇⵉⵍ) ⵢⴻⵜⵜⵡⴰⵙⵙⴻⵖⵔⴻⵜ-ⴷ ⴷⴻⴳ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⵓⵍⴰⵛ ⵜⴰⵎⵓⵔⵜ ⴰⵢⴷⴻⴳ ⴹⴻⵎⵄⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵄⴰⵡⴻⵏ ⴰⵎⴻⵇⵔⴰⵏ ⴰⵎ ⵡⴰ ⵎⴻⵏⵖⵉⵔ ⵍⴻⵣⵣⴰⵢⴻⵔ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⵉⵡⴻⵜ-ⴷ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⴷⴻⴳ ⵜⵙⴻⵔⵜⵉⵜ ⵏ ⵜⴰⵚⴻⵀⵢⵓⵏⵉⵜ ⵏ ⵓⵜⵄⴻⴷⴷⵉ ⵎⴳⴰⵍ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⵉ ⵍⵎⴻⵏⴷ ⵏ « ⵓⴹⵎⴰⵏ » ⵏ ⵓⵃⵓⴷⴷⵓ ⵏ ⵢⵉⵙⵕⴰⵢⵉⵍⵉⵢⴻⵏ, ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵏⵢⴰⵎⵉⵏ ⵏⴻⵜⴰⵏⵢⴰⵀⵓ.

ⵢⴰⵙⵙⴻⵔ ⴰⵔⴰⴼⴰⵜ ⵢⴻⵍⵍⴰⵏ ⴷ ⴰⵣⴰⵎⵓⵍ ⴷⴻⴳ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ, ⴷ ⵏⴻⵜⵜⴰ ⴰⵢ ⴷ-ⵢⴻⵙⵃⴻⵙⴱⴻⵏ ⵉ ⵜⴻⴳⵔⴰⵡⵍⴰ ⵢⴻⵔⵏⴰ ⴷ ⵏⴻⵜⵜⴰ ⴰⵢ ⴷ-ⵢⴻⴱⵏⴰⵏ ⵜⴰⵎⴰⴳⵉⵜ (ⵀⵓⵡⵉⵢⵢⴰ) ⵜⴰⵖⴻⵍⵏⴰⵡⵜ ⵜⴰⴼⴰⵍⴻⵙⵟⵉⵏⵉⵜ ⴰⵢ ⵜⴻⴷⴷⴻⵎ ⵜⵓⴷⴷⵙⴰ ⵏ ⵓⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ ⴷ ⵜⴻⴳⵔⴰⵡⵉⵏ-ⵏⵏⴻⵙ ⴰⵢ ⵢⴻⵙⵙⴻⴷⴷⴰⵢ ⵓⵎⵓⵙⵙⵓ ⵏ ⴼⴰⵜⴰⵀ.

ⵢⴻⵏⵏⵓⵖ ⴰⵔⴰⴼⴰⵜ ⵉ ⵍⵎⴻⵏⴷ ⵏ ⴼⴰⵍⴻⵙⵟⵉⵏ ⴷⴻⴳ ⵓⵏⵔⴰⵔ ⴰⴳⵔⴰⵖⵍⴰⵏ, ⵢⴻⵔⵏⴰ ⵢⴻⴱⴷⴰ-ⴷ ⵡⴰⵢⴰ ⵙ ⵢⵉⵏⴰⵡ-ⵏⵏⴻⵙ (ⵅⵉⵟⴰⴱ) ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ 1974, ⴰⵏⴷⴰ ⴰⵢ ⴷ-ⵢⴻⵏⵏⴰ ⵉ ⵡⵉⴷ ⵉⵃⴻⴷⵕⴻⵏ: « ⵓⵙⵉⵖ-ⴷ ⵙ ⵓⴱⴻⵛⴽⵉⴹ ⴷⴻⴳ ⵢⵉⵡⴻⵏ ⵏ ⵓⴼⵓⵙ ⴷ ⵜⵙⴻⴹⴹⴰ ⵏ ⵓⵣⴻⵎⵎⵓⵔ ⴷⴻⴳ ⵡⴰⵢⴻⴹ, ⵉⵀⵉ ⵓⵔ ⵜⵜⴰⴵⴵⴰⵜ ⴰⵔⴰ ⵜⴰⵙⴻⴹⴹⴰ-ⵏⵏⵉ ⴰⴷ ⵜⴻⵖⵍⵉ ⵙⴻⴳ ⵓⴼⵓⵙ-ⵉⵏⵓ ».

ⴰⵎⵓⵍⵍⵉ ⵏ ⵓⵙⵙⴻⵖⵔⴻⵜ (ⵉⵄⵍⴰⵏ) ⵏ ⵓⵡⴰⵏⴰⴽ ⵏ ⴼⴰⵍⴻⵙⵟⵉⵏ ⴰⴷ ⴷ-ⵢⵉⵍⵉ ⴰⵙⵙ ⵏ 15 ⵏⵡⴻⵎⴱⴻⵕ.

« ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ ⵢⴻⵙⵙⴻⵖⵔⴻⵜ-ⴷ ⴰⵙⵙⴻⴱⴷⴻⴷ ⵏ ⵓⵡⴰⵏⴰⴽ ⵏ ⴼⴰⵍⴻⵙⵟⵉⵏ ⵖⴻⴼ ⵡⴰⴽⴰⵍ-ⵏⵏⴻⵖ ⴰⴼⴰⵍⴻⵙⵟⵉⵏⵉ, ⵢⴻⵔⵏⴰ ⵍⵇⵓⴷⵙ ⴷ ⵜⴰⵎⴰⵏⴻⵖⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ 1988 ⴷⴻⴳ ⵍⴻⵣⵣⴰⵢⴻⵔ.

105 ⵏ ⵜⵎⵓⵔⴰ ⴰⵢ ⵢⴻⵙⵜⴻⵄⵕⴼⴻⵏ ⵙ ⴼⴰⵍⴻⵙⵟⵉⵏ ⵢⴻⵔⵏⴰ ⴼⴰⵍⴻⵙⵟⵉⵏ ⵜⵙⴻⵎⵎⴰ-ⴷ 70 ⵏ ⵢⵉⵏⵎⴰⵀⴰⵍⴻⵏ (ⵙⵓⴼⴰⵔⴰ’) ⴷⴻⴳ ⵜⵎⵓⵔⴰ ⵏ ⵓⵎⴰⴹⴰⵍ.

ⴰⵔⴰⴼⴰⵜ ⵢⵓⴷⴻⴼ ⵖⴻⵔ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⴰⵙⵎⵉ ⴰⵢ ⵢⴻⵙⵄⴰ 17 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵢⴻⵜⵜⴻⴽⴽⴰ ⴷⴻⴳ ⵢⵉⵎⴻⵏⵖⵉⵢⴻⵏ ⵏ ⵟⵟⵔⴰⴷ ⵏ 1948, ⴰⴽⴽⴻⵏ ⴽⴰⵏ ⴰⵢ ⴷ-ⵢⴻⵏⵏⵓⵍⴼⴰ ⵓⵡⴰⵏⴰⴽ ⴰⵚⴻⵀⵢⵓⵏⵉ.

ⴷⴻⴳ 1965, ⵢⴻⵙⵙⴻⴱⴷⴻⴷ-ⴷ ⴰⵔⴰⴼⴰⵜ ⴰⵎⵓⵙⵙⵓ ⴰⴼⴰⵍⴻⵙⵟⵉⵏⵉ ⵏ ⴼⴰⵜⴰⵀ ⴰⵢ ⴷ-ⵢⴻⵙⵏⴻⴽⵔⴻⵏ ⵉⵎⴻⵏⵖⵉ ⵉⵎⵙⴻⵍⵍⴻⵃ ⵎⴳⴰⵍ ⵉⵚⵔⴰⵢⵉⵍ. ⵙⴰⴽⴽⵉⵏ, ⵢⵓⵖⴰⵍ ⴷ ⵉⵎⴹⴻⴱⴱⴻⵔ ⵏ ⵉⵎⴹⴻⴱⴱⴻⵔ ⵏ ⵜⵓⴷⴷⵙⴰ ⵏ ⵓⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ ⵢⴻⵍⵍⴰⵏ ⴷ ⵜⴰⴳⴻⵏⵙⴰⵙⵜ (ⵎⵓⵎⴰⵜⵜⵉⵍⴰ) ⵜⵓⵙⴹⵉⴼⵜ (ⵇⴰⵏⵓⵏⵉⵢⵢⴰ) ⵜⴰⵡⵃⵉⴷⵜ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ.

ⴰⵏⵎⴰⴳⴻⵔ-ⴰ ⵜⵜⴻⴽⴽⴰⵏ ⴷⴻⴳ-ⵙ ⴷⴰⵖ ⴰⵟⴰⵙ ⵏ ⵢⵉⵏⵎⴰⵀⴰⵍⴻⵏ ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ, ⴽⵔⴰ ⵏ ⵢⵉⵎⵊⴰⵀⴷⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵜⴻⴳⵔⴰⵡⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ.