Asebter amenzawi

Assedrem n yimukan n tuffra n leslaḥ deg ccerq n tmurt (tamḥaddit)

LEZZAYER TAMANEɣT – Sderment tsensar n Yigen Aɣelnaw Aɣerfan yeqqnen ɣer yiḥricen imehlanen n Qsenṭina, Tabatent d Ǧiǧel, kra n yimukan n tuffra n leslaḥ aydeg ufant 22 n lminat yettwaxedmen s ufus. Yella-d waya ass n ttlata, ɣef wakken ay d-yenna yiwen n ulɣu (bayan) n uɣlif n temḥaddit taɣelnawt ass n laṛebɛa.

« Deg ukatar n yimenɣi mgal rrebrab, ufant yerna sderment tsensar n Yigen Aɣelnaw Aɣerfan yeqqnen ɣer yiḥricen imehlanen n Qsenṭina, Tabatent d Ǧiǧel (Tamnaḍt Taserdasant tis 5) ass n 10 Nwembeṛ 2015, deg temhal yemgerraden, imukan n tuffra aydeg llant 22 n lminat yettwaxedmen s ufus d tɣawsiwin niḍen », ɣef wakken ay d-yenna ulɣu-nni.

Seg yidis niḍen, deg ukatar n uḥraz n tlisa d yimenɣi mgal tejrimt yettwassuddsen, ḍḍfen yiɣallen n temsetla (darak) taɣelnawt n uḥric amehlan n Tihert (Tamnaḍt Taserdasant tis 2), yiwen n yiniɣi (muǧrim) wuɣur llan 45 n yikilugṛamen n lbaṛud, 38 n yiqerḍasen d tɣawsiwin niḍen », ɣef wakken ay d-yenna ulɣu-nni.

Seg yidis niḍen, ḍḍfen yiɣallen n tɛessast n tlisa n Tlemsan « snat n tkeṛṛusin d 3950 n llitrat n userɣu ay yettwawehhan i usserwel ».

Deg Ɛin Timucent, ḥebsen yiɣallen n tɛessast n lebḥeṛ 15 n yiḥerraqen mi nekren ad zegren lebḥeṛ beṛṛa i lqanun.

Seg tama niḍen, yerna deg Tmenaḍt Taserdasant tis 6, teḍḍef yiwet n tsensert n Yigen Aɣelnaw Aɣerfan yeqqnen ɣer uḥric amehlan n Buṛǧ Badji Mokhtar, « 6 n yimsettiyen (muharribin), 2 n tkeṛṛusin tikanrarin, 920 n llitrat n userɣu d yisawalen n ufus », ɣef wakken ay d-yerna ulɣu-a.