ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴷⵔⴻⵎ ⵏ ⵢⵉⵎⵓⴽⴰⵏ ⵏ ⵜⵓⴼⴼⵔⴰ ⵏ ⵍⴻⵙⵍⴰⵃ ⴷⴻⴳ ⵛⵛⴻⵔⵇ ⵏ ⵜⵎⵓⵔⵜ (ⵜⴰⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⴷⴻⵔⵎⴻⵏⵜ ⵜⵙⴻⵏⵙⴰⵔ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵢⵉⵃⵔⵉⵛⴻⵏ ⵉⵎⴻⵀⵍⴰⵏⴻⵏ ⵏ ⵇⵙⴻⵏⵟⵉⵏⴰ, ⵜⴰⴱⴰⵜⴻⵏⵜ ⴷ ⴵⵉⴵⴻⵍ, ⴽⵔⴰ ⵏ ⵢⵉⵎⵓⴽⴰⵏ ⵏ ⵜⵓⴼⴼⵔⴰ ⵏ ⵍⴻⵙⵍⴰⵃ ⴰⵢⴷⴻⴳ ⵓⴼⴰⵏⵜ 22 ⵏ ⵍⵎⵉⵏⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ. ⵢⴻⵍⵍⴰ-ⴷ ⵡⴰⵢⴰ ⴰⵙⵙ ⵏ ⵜⵜⵍⴰⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴰⵙⵙ ⵏ ⵍⴰⵕⴻⴱⵄⴰ.

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵓⴼⴰⵏⵜ ⵢⴻⵔⵏⴰ ⵙⴷⴻⵔⵎⴻⵏⵜ ⵜⵙⴻⵏⵙⴰⵔ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵢⵉⵃⵔⵉⵛⴻⵏ ⵉⵎⴻⵀⵍⴰⵏⴻⵏ ⵏ ⵇⵙⴻⵏⵟⵉⵏⴰ, ⵜⴰⴱⴰⵜⴻⵏⵜ ⴷ ⴵⵉⴵⴻⵍ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5) ⴰⵙⵙ ⵏ 10 ⵏⵡⴻⵎⴱⴻⵕ 2015, ⴷⴻⴳ ⵜⴻⵎⵀⴰⵍ ⵢⴻⵎⴳⴻⵔⵔⴰⴷⴻⵏ, ⵉⵎⵓⴽⴰⵏ ⵏ ⵜⵓⴼⴼⵔⴰ ⴰⵢⴷⴻⴳ ⵍⵍⴰⵏⵜ 22 ⵏ ⵍⵎⵉⵏⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵃⵔⴰⵣ ⵏ ⵜⵍⵉⵙⴰ ⴷ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⵏ ⵓⵃⵔⵉⵛ ⴰⵎⴻⵀⵍⴰⵏ ⵏ ⵜⵉⵀⴻⵔⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2), ⵢⵉⵡⴻⵏ ⵏ ⵢⵉⵏⵉⵖⵉ (ⵎⵓⴵⵔⵉⵎ) ⵡⵓⵖⵓⵔ ⵍⵍⴰⵏ 45 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴱⴰⵕⵓⴷ, 38 ⵏ ⵢⵉⵇⴻⵔⴹⴰⵙⴻⵏ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵜⵄⴻⵙⵙⴰⵙⵜ ⵏ ⵜⵍⵉⵙⴰ ⵏ ⵜⵍⴻⵎⵙⴰⵏ « ⵙⵏⴰⵜ ⵏ ⵜⴽⴻⵕⵕⵓⵙⵉⵏ ⴷ 3950 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵓⵙⵙⴻⵔⵡⴻⵍ ».

ⴷⴻⴳ ⵄⵉⵏ ⵜⵉⵎⵓⵛⴻⵏⵜ, ⵃⴻⴱⵙⴻⵏ ⵢⵉⵖⴰⵍⵍⴻⵏ ⵏ ⵜⵄⴻⵙⵙⴰⵙⵜ ⵏ ⵍⴻⴱⵃⴻⵕ 15 ⵏ ⵢⵉⵃⴻⵔⵔⴰⵇⴻⵏ ⵎⵉ ⵏⴻⴽⵔⴻⵏ ⴰⴷ ⵣⴻⴳⵔⴻⵏ ⵍⴻⴱⵃⴻⵕ ⴱⴻⵕⵕⴰ ⵉ ⵍⵇⴰⵏⵓⵏ.

ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵔⵏⴰ ⴷⴻⴳ ⵜⵎⴻⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6, ⵜⴻⴹⴹⴻⴼ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⴱⵓⵕⴵ ⴱⴰⴷⵊⵉ ⵎⵧⴽⵀⵜⴰⵔ, « 6 ⵏ ⵢⵉⵎⵙⴻⵜⵜⵉⵢⴻⵏ (ⵎⵓⵀⴰⵔⵔⵉⴱⵉⵏ), 2 ⵏ ⵜⴽⴻⵕⵕⵓⵙⵉⵏ ⵜⵉⴽⴰⵏⵔⴰⵔⵉⵏ, 920 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ ⴷ ⵢⵉⵙⴰⵡⴰⵍⴻⵏ ⵏ ⵓⴼⵓⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵍⵖⵓ-ⴰ.