Asebter amenzawi

Japan yebɣa amcarek amaynut akk d Lezzayer yerzan talwit d werkad di temnaḍt

LEZZAYER - Japon ibeggen-d lebɣi-s i wesnerni n wassaɣen-is akk d Lezzayer s usnulfu n wemcarek amaynut i telwit d werkad di temnaḍt.

" yewweḍ-d lawan akken timura-nneɣ i snat ad snernint assaɣen i wesnulfu n wemcarek amaynut yerzan talwit d werkad n temnaḍt", id-yura deg yiwet n tebratt unmahal n Japon di Lezzayer, Massaya Fujiwara, d-yewwḍen ɣer tnegga isallen n Lezzayer APS.

Adiblumai ajapuni ikemmel yenna belli tamurt-is tewjed akken "ad texdem ɣer yidis n Lezzayer akken ad d-tefk afud i werkad n temnaḍt".

"sin iseggasen-aya tura, Lezzayer d Japon bdant adiwenni yerzan laman akk d umennuɣ mgal rrebrab", id-yesmekta, u yessarem d akken timlilit d-iteddun ger Lezzayer d Japon ad d-tili uqbel taggara useggas".

Timlilit-agi ad tili d tagnitt, id-yenna, i wesqerden n yakk iberdan umennuɣ mgal rrebrab, ladɣa taɛessast n tilas, akk d yakk iḥricen n wemcarek yemmezdin yerzan arkad n tmura tiǧiratin".