Asebter amenzawi

Renault n Wehṛan ad tebdu ad d-txeddem takeṛṛust tamaynut deg 2016

ƐIN DDEFLA – Yenna-d uneɣlaf n temguri (ṣinaɛa) d lminat, Abdessalem Bouchouareb, ass n laṛebɛa deg Ɛin Ddefla, d akken lluzin n Renault n Wad Tlilat (Wehṛan) ad tebdu ad txeddem yiwen n ṣṣenf d amaynu n tkeṛṛusin seg 2016 d asawen.

Lluzin n Renault « ay irebḥen deg useggas-nnes amezwaru n uxeddim, la tessefray ad d-tebdu amecwaṛ niḍen s uxdam n tmudemt (ṭiraz) tamaynut n tkeṛṛusin seg 2016 d asawen », ɣef wakken ay d-yenna uneɣlaf deg yijifeṛ n yiwet n terzi n ussefqed deg twilayt-a, war ma yefka-d ugar n ttfaṣil.

Lluzin-a la d-txeddem, ass-a ala tamudemt n Renault Symbol.

Deg usurif-nnes ay d-yetteddun, yessefk Renault ad tesseǧhed awekkel n uxeddim i tkebbaniyin niḍen, ɣef wakken ay d-yenna uneɣlaf.

Deg wayen yerzan asenfar n lebni n lluzin n tkeṛṛusin n Peugeot, yenna-d Mass Bouchouareb d akken asenfar-a « atan qrib ad d-yewjed », yerna ur yettɛeḍḍil ara ad yebdu.

Lluzin-a ad d-txeddem 4 n tmudmin n tkeṛṛusin, gar-asent yiwet n tkeṛṛust n sselɛa d yiwet n tkamyunt, ɣef wakken ay d-yenna.