ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⵔⴰⴳ ⵓⵕⵓⴼⵉ ⵏ ⵓⴱⴷⴰⴷ ⵖⴻⵔ ⵢⵉⵚⴻⵃⵔⴰⵡⵉⵢⴻⵏ: ⴷ ⵜⴰⴳⵏⵉⵜ ⵉ ⵓⵡⴻⴽⴽⴻⴷ ⵏ ⵢⵉⵣⴻⵔⴼⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴰⵔⴰⴳ ⵓⵕⵓⴼⵉ ⵡⵉⵙ 40 ⵉ ⵓⴷⵀⴰⵍ (ⴷⴰⵄⵎ) ⴷ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ (ⴻⵓⵛⵧⵛⵧ) ⴰⴷ ⴷ-ⵢⵉⵍⵉ ⵙⴻⴳ ⵡⴰⵙⵙ ⵏ ⵍⵊⴻⵎⵄⴰ ⵖⴻⵔ ⵙⵙⴻⴱⵜ ⴷⴻⴳ ⵎⴰⴷⵔⵉⴷ, ⵢⴻⵔⵏⴰ ⴰⴷ ⴷ-ⵢⵉⵍⵉ ⴷ ⵜⴰⴳⵏⵉⵜ ⵉ ⵢⵉⵎⵜⵜⴻⴽⴽⵉⵢⴻⵏ ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⴷ-ⵡⴻⴽⴽⴷⴻⵏ ⴰⵣⵔⴻⴼ « ⵓⵔ ⵢⴻⵜⵜⵡⴰⵏⴽⴰⵕⴻⵏ » ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ⵢⴻⵔⵏⴰ ⴰⴷ ⵢⴰⵡⵉ ⴰⵣⴰⵔⵓⴳ (ⵉⵙⵜⵉⵇⵍⴰⵍ), ⴰⵎ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵢⴰ ⴷⴰⵖ ⴷ ⴰⵜⵜⴻⴽⴽⵉ ⴷⴻⴳ ⵓⴽⴰⵍⴰ ⵏ ⵜⴰⵍⵡⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⵜⴻⴹⴹⴻⴼ ⵎⴻⵕⵕⵓⴽ.
« ⵓⵍⴰⵛ ⵛⵛⴻⴽ ⴷ ⴰⴽⴽⴻⵏ ⵉⵙⴰⵔⴰⴳⴻⵏ ⵏ ⴻⵓⵛⵧⵛⵧ ⴷ ⵜⵜⵉⵄⴰⴷ ⴰⵙⴻⴳⵙⴰⵏ (ⵙⴰⵏⴰⵡⵉ) ⴰⵢ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵔⴰⵏ ⴰⴽⴽ ⴷⴻⴳ ⵓⵎⵓⵙⵙⵓ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⵓⵕⵓⴼⵉⵜ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⵍⴰⴷⵖⴰ ⵉⵎⵉ ⵓⴳⵓⵔ ⵏ ⵓⵖⵔⴻⴼ-ⴰ ⵙⵉⵎⴰⵍ ⵍⴰ ⵢⴻⵜⵜⵡⴰⵙⵙⴰⵏ ⴷⴻⴳ ⵓⵎⴰⴹⴰⵍ ⵢⴻⵔⵏⴰ ⵎⴰⵛⵉ ⴰⵍⴰ ⴷⴻⴳ ⵜⵓⵕⵓⴼⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⴰⵢ ⴷ-ⵢⴻⵙⵙⵓⴷⴷⵙⴻⵏ ⴰⵙⴰⵔⴰⴳ-ⴰ.
ⴷⴻⴳ ⵓⵙⴰⵔⴰⴳ-ⴰ, « ⴰⴷ ⵄⴻⵔⴹⴻⵏ ⴷⴰⵖ ⴰⴷ ⴰⵡⴹⴻⵏ ⵖⴻⵔ ⴽⵔⴰ ⵏ ⵢⵉⵙⵡⴰⵏ ⴰⵎ ⵓⵙⵙⵓⵎⵎⴻⵍ (ⵜⴰⵏⴷⵉⴷ) ⵏ ⵓⵔⴽⴰⴹ ⴰⵢ ⵜⴻⵣⴳⴰ ⵎⴻⵕⵕⵓⴽ ⵜⵔⴻⴽⴽⴻⴹ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵄⴰⵡⴻⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵉⵎⴻⵏⵖⵉ ⵡⴰⵔ ⴰⵃⴱⴰⵙ ⴷⴻⴳ ⵢⵉⴽⴰⵍⴻⵏ-ⴰ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴷ ⵏⴰⴷⵉⵏ ⵢⵉⵎⵜⵜⴻⴽⴽⵉⵢⴻⵏ ⵖⴻⴼ « ⵡⴰⵎⴻⴽ ⴰⴷ ⵢⴻⵃⴱⴻⵙ ⵓⵏⴽⴰⵕ ⵏ ⵢⵉⵣⴻⵔⴼⴰⵏ ⵏ ⵍⵍⵙⴰⵙ ⵏ ⵢⵉⵚⴻⵃⵔⴰⵡⵉⵢⴻⵏ ⴷ ⵡⴰⵎⴻⴽ ⴰⴷ ⴷ-ⵜⵜⵡⴰⵙⵍⴻⵍⵍⵉⵏ (ⵜⴰⵃⵔⵉⵔ) ⴰⴽⴽ ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ ⵡⵉⴷ ⴰⵢ ⴷ-ⵢⴻⵙⵙⵓⴷⴷⵙⴻⵏ ⴰⵙⴰⵔⴰⴳ-ⴰ.
ⴰⴷ ⴷ-ⵢⵉⵍⵉ ⴷⴰⵖ ⵡⴰⵡⴰⵍ ⵖⴻⴼ ⵓⵙⵙⴻⵡⵙⴻⵄ ⵏ ⵍⴻⵡⵚⴰⵢⴰ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⴰⴽⴽⴻⵏ ⴰⴷ ⵜⴻⵣⵎⴻⵔ ⴰⴷ ⵜⴻⵜⵜⵄⴰⵙⵙⴰ ⵢⴻⵔⵏⴰ ⴰⴷ ⵜⴻⵜⵜⵃⵓⴷⴷⵓ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ.
ⵜⴰⵥⵔⵉⴳⵜ ⵜⵉⵙ 40 ⵏ ⵓⵙⴰⵔⴰⴳ ⵏ ⴻⵓⵛⵧⵛⵧ ⴰⴷ ⵜⵉⵍⵉ ⴷⴰⵖ ⴷ ⵜⴰⴳⵏⵉⵜ ⵉ ⵓⵙⵃⵓⵍⴼⵓ ⵏ ⵓⴳⴷⵓⴷ ⴷⴻⴳ ⵙⵒⴻⵏⵢⵓⵍ ⴷ ⵜⵓⵕⵓⴼⵜ ⵖⴻⴼ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵏⴹⴻⵔⵔⵉ ⴰⵢ ⵢⴻⵏⴹⴻⵔⵔ ⵓⵖⵔⴻⴼ ⴰⵚⴻⵃⵔⴰⵡⵉ ⴰⵎⴰ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏⴻⵖ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ).
