Asebter amenzawi

D Alain Geiger ay d asleɣmay amaynu n ES Ṣṭif

ṢṬIF – D Alain Geiger ay d asleɣmay (mudarrib) amaynu n ES Ṣṭif (Tamɣunt 1ut n Mobilis) deffir ma yella-d umsefhem ass n laṛebɛa gar-as d teɣlamt-a n Ṣṭif.

S waya, d asleɣmay aswisi Alain Geiger ay d-fernen yimḍebbren n ES Ṣṭif seg yiwen n wumuɣ (qa’ima) aydeg yella daɣ Udzayri Djamel Menad d Uspenyuli Juan Carlos Garrido, ɣef wakken ay d-yenna unemhal adeblan n ES Ṣṭif, Rachid Djaroudi.

Agatu (ɛaqd) ad yeqqnen Alain Geiger ɣer teɣlamt-a ad d-yettwaheyyi yerna ad t-yestenyi Geiger akken kan ad d-yaweḍ ɣer Ldzayer, seg-a ɣef kra n wussan, ɣef wakken ay d-yenna Djaroudi.

Asleɣmay-a aswisi yesleɣma yagi ES Ṣṭif deg 2011-2012, anda ay terbeḥ teɣlamt-a 22 n tikkal, texṣer 9 n tikkal yerna turar 5 n temliliyin n tgadda. Geiger yesleɣma daɣ Ilemẓiyen Inaddalen n Leqbayel (2009), MC Ldzayer (2013-2014) d MO Bgayet seg melmi kan.

Deffir ma turar ES Ṣṭif 11 n wussan seg telɣuɣa n Ldzayer, teḍḍef, imir-a, amkan wis 7 deg usettef n Temɣunt 1ut, yerna tesɛa 13 n tenqiḍin.