ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵅⴰⵣⴰⴱⵉⵢⵉⵏ ⵏ ⵒⴰⵔⵉⵙ : ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵕ ⵙ ⵍⴻⵇⵙⴻⵃ ⵜⵉⵏⵟⴰⴳⵉⵏ ⵜⵉⵔⴻⴱⵔⴰⴱⵉⵏ ⵏ ⴼⵕⴰⵏⵙⴰ (ⵎⴰⴻ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵜⴻⵙⵙⴰⵥⴻⵔ ⵍⴻⵣⵣⴰⵢⴻⵔ ⴰⵙⵙ-ⴰ ⵏ ⵙⵙⴻⴱⵜ « ⵙ ⵍⴻⵇⵙⴻⵃ » ⵜⵉⵏⵟⴰⴳⵉⵏ ⵜⵉⵔⴻⴱⵔⴰⴱⵉⵏ ⵉ ⴷ-ⵢⴻⵍⵍⴰⵏ ⴷⴻⴳ ⵢⵉⴹ ⵏ ⵍⴵⴻⵎⵄⴰ ⴷⵉ ⵒⴰⵔⵉⵙ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⵓⵍⵖⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ.
« ⵍⴻⵣⵣⴰⵢⴻⵔ ⵜⴻⵙⵙⴰⵥⴰⵕ ⵙ ⵍⴻⵇⵙⴻⵃ ⴰⵎⵓⵇⵕⴰⵏ, ⵜⵉⵅⴰⵣⴰⴱⵉⵢⵉⵏ ⵜⵉⵎⴻⵍⵖⵓⵏⵉⵏ ⵉ ⵢⵢⴻⵡⵜⴻⵏ ⵜⴰⵎⴻⴷⴷⵉⵜ ⵏ ⵡⴰⵙⵙ ⵏ ⵍⴵⴻⵎⵄⴰ ⵖⴻⵔ ⵙⵙⴻⴱⵜ, ⵜⴰⵎⴷⵉⵏⵜ ⵏ ⵒⴰⵔⵉⵙ » , ⴰⴽⴽⴻⵏ ⵉ ⴷ-ⵢⵓⵙⵙⴰ ⴷⵉ ⵜⴻⵖⴱⴰⵍⵓⵜ-ⴰ.
« ⴷⴻⴳ ⵡⴻⵙⵡⵉⵔ ⴰⵎⴰⵢⵏⵓⵜ ⵏ ⵓⵎⴻⵛⵡⴰⵕ-ⵉⵙ, ⵔⵔⴻⴱⵔⴰⴱ ⵢⴻⵜⵜⴰⵄⵕⴰⴹ ⴰⵎⴻⴽ ⴰⵔⴰ ⵢⴻⵥⵥⵓ ⵜⵓⴳⴷⵉ ⴷ ⵡⴻⵏⴳⴰⵔ ⴷⴻⴳ ⵡⵓⵍⴰⵡⴻⵏ ⵏ ⵢⴻⵎⴷⴰⵏⴻⵏ ⵉⵍⴻⵎⵔⵉⵢⴻⵏ, ⴷ ⴰⵢⴰ ⵉ ⵡⵓⵎⵉ ⵢⴻⵙⵙⴻⵅⴷⴰⵎ ⵜⴰⴽⵕⵉⴹⵜ ⵉ ⵡⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵍⴻⴱⵖⵉ-ⵙ, ⵉⵙⵡⵉ-ⵉⵏⴻⵙ ⵉ ⵢⴻⵍⵍⴰⵏ ⵙⴻⴳ ⵣⵉⴽ ⴷ ⴰⵙⵙⴻⵖⴹⴻⵍ ⵏ ⵜⴰⵍⵍⴰⵙⵜ (ⵟⵟⵍⴰⵎ) ⴷⴻⴳ ⵜⵎⵓⵔⴰ ⴰⴽⴽⴻⴷ ⵜⵎⴻⵜⵜⵉⵢⵉⵏ » ⵉ ⴷ-ⵢⵓⵙⵙⴰ ⴷⴻⴳ ⵡⵓⵍⵖⵓ-ⴰ.
« ⵜⴰⵎⵓⵔⵜ ⵏ ⵍⴻⵣⵣⴰⵢⴻⵔ ⴷ ⵡⴻⵖⵔⴻⴼ ⴰⵣⵣⴰⵢⵔⵉ, ⵉ ⵢⴻⵙⵄⴻⴷⴷⴰⵏ ⵎⴰⵞⵉ ⴷ ⵔⵓⵙⵙ ⴷⴻⴳ ⴰⵢⴻⵏ ⵢⴻⵄⵏⴰⵏ ⵔⵔⴻⴱⵔⴰⴱ, ⵎⵙⴻⵜⵍⴰⵍⴻⵏ ⴰⴽⴽⴻⴷ ⵡⴻⵖⵔⴻⴼ ⴷ ⵓⵏⴰⴱⴰⴹ ⴰⴼⵕⴰⵏⵙⴰⵡⵉ, ⵍⴰⴷⵖⴰ ⵉⵎⴰⵡⵍⴰⵏ ⴷ ⵜⵡⴰⵛⵓⵍⵉⵏ ⵏ ⵜⴻⵖⵜⴰⵙ ⵢⴻⵖⵍⵉⵏ ⴷⵉ ⵜⴻⵏⵟⴰⴳⵉⵏ-ⴰ, ⴰⴽⴽⴻⵏ ⵉ ⴱⴻⴷⴷⴻⵏ ⵖⴻⵔ ⵜⴰⵎⴰ-ⵏⵙⴻⵏ ⵙ ⵜⴻⴷⵀⴻⵍⵜ ⴷⴻⴳ ⵜⵡⴰⵖⵉⵜ ⵜⴰⵇⴻⵕⵃⴰⵏⵜ-ⴰⴽⵉ » ⵉ ⴷ-ⵢⴻⵏⵏⴰ ⵡ ⵓⵍⵖⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ (ⵎⴰⴻ).
« ⴷⴻⴳ ⵡⴰⴽⵓⴷ-ⴰ ⵉⵡⴻⵄⵕⴻⵏ, ⵢⴻⵙⵙⴻⴼⴽ ⴰⴷ ⵏⴻⵙⵎⴻⴽⵜⵉ ⴷⴰⴽⴽⴻⵏ ⵉⵍⴰⵇ ⵜⵉⵎⵓⵔⴰ ⵙ ⵓⵎⴰⵜⴰ ⴰⴷ ⴳⴳⵓⵛⵍⴻⵏⵜ (ⴰⴷ ⵄⴻⵡⵍⴻⵏⵜ) ⵉ ⵡⴰⴽⴽⴻⵏ ⴰⴷ ⵙⴷⵓⴽⴽⴻⵍⴻⵏⵜ ⵉⵖⴰⵍⵍⴻⵏ, ⵉⵍⵎⴻⵏⴷ ⵏ ⵉⵎⴻⵏⵖⵉ ⵉⵊⴻⵀⴷⴻⵏ ⵎⴳⴰⵍ ⵔⵔⴻⴱⵔⴰⴱ ⴷⴻⴳ ⵓⵎⴰⴹⴰⵍ, ⵉⵎⵉ ⴰⵅⴻⵚⵚⴰⵕ-ⴰ, ⴷⴰⵢⴻⵏ ⵉⴱⴰⵏⴻⵏ ⴷⴰⴽⴽⴻⵏ ⵢⵓⵖⴰⵍ ⴷ ⵜⵓⴳⴳⵣⴰ (ⵜⵜⴰⵀⴷⵉⴷ) ⵏ ⵜⵉⴷⴻⵜⵜ ⵎⴳⴰⵍ ⵜⴰⵍⵙⴰ (ⵍ-ⵉⵏⵙⴰⵏⵉⵢⵢⴰ) ⴰⴽⴽⴻⵏ ⵎⴰ ⵜⴻⵍⵍⴰ » , ⴰⴽⴽⴻⵏ ⵉ ⴷ-ⵢⵓⵙⵙⴰ ⴷⴻⴳ ⵡⵓⵍⵖⵓ-ⴰ.
