Asebter amenzawi

Lamamra yewwet-d s lǧehd deg tenṭagin timelɣunin i d-yeḍṛan di Paris

Lezzayer- Aneɣlaf n ddula, aneɣlaf n tɣawsiwin n wezɣaṛ akk d wemɛiwen agraɣlan, Ramtane Lamamra, yewwet-d ass n ssebt di tenṭagin timelɣunin I d-yellan tameddit n Lǧemɛa deg Paris, akken I d-iwekked ɣef lebɣi n Lezzayer iwakken ad yili umenɣi mgal uxeṣṣaṛ-a amaḍlan ur nessin tilisa”.

    “ S usḥissef ameqṛan iyes-i qubleɣ lexbeṛ n tenṭagin tirebrabin i yyuten tamaneɣt tafransawit deg yiḍ n 13 Nwember. Tinṭagin I d-yeglan s wugar n tmiḍi (100) n llmegtin ilemriyen , d wugar n 200 n yimejraḥ” , I yyura Mass Lamamra deg yiwen n yizen I yuzen I wemtil-is afransawi.

     “ Deg wakud-aki iweɛṛen, ad awen-d-ssenfaliɣ, ama i kečč neɣ i twaculin d imawlan n teɣtas yeɣlin di twaɣit-a, asḥissef d leḥzen-inu amuqran, akked d ussirem-inu s tmijjit tuɛjilt i yimejraḥ”, i d-yenna uneɣlaf n ddula.

    “ɣer tama n wa-a, bɣiɣ ad d-smektiɣ dakken aqla-ɣ nettkemmil deg mecwaṛ-nneɣ deg imenɣi mgal rrebrab, akken i nxeddem  s leǧehd-nneɣ , yid-wen, iwakken ad yili uwliwel n umɣiwan agraɣlan mgal uxeṣṣaṛ amaḍlan-a i ur nessin tilisa; seg-a ɣer sdat” i d-yenna uneɣlaf, Ramtane Lamamra.