ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⵎⴰⵎⵔⴰ ⵢⴻⵡⵡⴻⵜ-ⴷ ⵙ ⵍⴵⴻⵀⴷ ⴷⴻⴳ ⵜⴻⵏⵟⴰⴳⵉⵏ ⵜⵉⵎⴻⵍⵖⵓⵏⵉⵏ ⵉ ⴷ-ⵢⴻⴹⵕⴰⵏ ⴷⵉ ⵒⴰⵔⵉⵙ
ⵍⴻⵣⵣⴰⵢⴻⵔ- ⴰⵏⴻⵖⵍⴰⴼ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴰⴽⴽ ⴷ ⵡⴻⵎⵄⵉⵡⴻⵏ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵡⵡⴻⵜ-ⴷ ⴰⵙⵙ ⵏ ⵙⵙⴻⴱⵜ ⴷⵉ ⵜⴻⵏⵟⴰⴳⵉⵏ ⵜⵉⵎⴻⵍⵖⵓⵏⵉⵏ ⵉ ⴷ-ⵢⴻⵍⵍⴰⵏ ⵜⴰⵎⴻⴷⴷⵉⵜ ⵏ ⵍⴵⴻⵎⵄⴰ ⴷⴻⴳ ⵒⴰⵔⵉⵙ, ⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵖⴻⴼ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵎⴻⵏⵖⵉ ⵎⴳⴰⵍ ⵓⵅⴻⵚⵚⴰⵕ-ⴰ ⴰⵎⴰⴹⵍⴰⵏ ⵓⵔ ⵏⴻⵙⵙⵉⵏ ⵜⵉⵍⵉⵙⴰ”.
“ ⵙ ⵓⵙⵃⵉⵙⵙⴻⴼ ⴰⵎⴻⵇⵕⴰⵏ ⵉⵢⴻⵙ-ⵉ ⵇⵓⴱⵍⴻⵖ ⵍⴻⵅⴱⴻⵕ ⵏ ⵜⴻⵏⵟⴰⴳⵉⵏ ⵜⵉⵔⴻⴱⵔⴰⴱⵉⵏ ⵉ ⵢⵢⵓⵜⴻⵏ ⵜⴰⵎⴰⵏⴻⵖⵜ ⵜⴰⴼⵔⴰⵏⵙⴰⵡⵉⵜ ⴷⴻⴳ ⵢⵉⴹ ⵏ 13 ⵏⵡⴻⵎⴱⴻⵔ. ⵜⵉⵏⵟⴰⴳⵉⵏ ⵉ ⴷ-ⵢⴻⴳⵍⴰⵏ ⵙ ⵡⵓⴳⴰⵔ ⵏ ⵜⵎⵉⴹⵉ (100) ⵏ ⵍⵍⵎⴻⴳⵜⵉⵏ ⵉⵍⴻⵎⵔⵉⵢⴻⵏ , ⴷ ⵡⵓⴳⴰⵔ ⵏ 200 ⵏ ⵢⵉⵎⴻⵊⵔⴰⵃ” , ⵉ ⵢⵢⵓⵔⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵉ ⵢⵓⵣⴻⵏ ⵉ ⵡⴻⵎⵜⵉⵍ-ⵉⵙ ⴰⴼⵔⴰⵏⵙⴰⵡⵉ.
“ ⴷⴻⴳ ⵡⴰⴽⵓⴷ-ⴰⴽⵉ ⵉⵡⴻⵄⵕⴻⵏ, ⴰⴷ ⴰⵡⴻⵏ-ⴷ-ⵙⵙⴻⵏⴼⴰⵍⵉⵖ, ⴰⵎⴰ ⵉ ⴽⴻⵞⵞ ⵏⴻⵖ ⵉ ⵜⵡⴰⵛⵓⵍⵉⵏ ⴷ ⵉⵎⴰⵡⵍⴰⵏ ⵏ ⵜⴻⵖⵜⴰⵙ ⵢⴻⵖⵍⵉⵏ ⴷⵉ ⵜⵡⴰⵖⵉⵜ-ⴰ, ⴰⵙⵃⵉⵙⵙⴻⴼ ⴷ ⵍⴻⵃⵣⴻⵏ-ⵉⵏⵓ ⴰⵎⵓⵇⵔⴰⵏ, ⴰⴽⴽⴻⴷ ⴷ ⵓⵙⵙⵉⵔⴻⵎ-ⵉⵏⵓ ⵙ ⵜⵎⵉⵊⵊⵉⵜ ⵜⵓⵄⵊⵉⵍⵜ ⵉ ⵢⵉⵎⴻⵊⵔⴰⵃ”, ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⴷⴷⵓⵍⴰ.
“ⵖⴻⵔ ⵜⴰⵎⴰ ⵏ ⵡⴰ-ⴰ, ⴱⵖⵉⵖ ⴰⴷ ⴷ-ⵙⵎⴻⴽⵜⵉⵖ ⴷⴰⴽⴽⴻⵏ ⴰⵇⵍⴰ-ⵖ ⵏⴻⵜⵜⴽⴻⵎⵎⵉⵍ ⴷⴻⴳ ⵎⴻⵛⵡⴰⵕ-ⵏⵏⴻⵖ ⴷⴻⴳ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴰⴽⴽⴻⵏ ⵉ ⵏⵅⴻⴷⴷⴻⵎ ⵙ ⵍⴻⴵⴻⵀⴷ-ⵏⵏⴻⵖ , ⵢⵉⴷ-ⵡⴻⵏ, ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵡⵍⵉⵡⴻⵍ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵎⴳⴰⵍ ⵓⵅⴻⵚⵚⴰⵕ ⴰⵎⴰⴹⵍⴰⵏ-ⴰ ⵉ ⵓⵔ ⵏⴻⵙⵙⵉⵏ ⵜⵉⵍⵉⵙⴰ; ⵙⴻⴳ-ⴰ ⵖⴻⵔ ⵙⴷⴰⵜ” ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵔⴰⵎⵜⴰⵏⴻ ⵍⴰⵎⴰⵎⵔⴰ.
