ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵅⴰⵣⵣⴰⴱⵉⵢⵉⵏ ⵏ ⵒⴰⵔⵉⵙ: ⵎⵎⵓⵜⴻⵏ ⵙⵉⵏ ⵏ ⵢⵉⴷⵣⴰⵢⵔⵉⵢⴻⵏ
ⵒⴰⵔⵉⵙ - ⵙⵉⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⵅⴰⵣⵣⴰⴱⵉⵢⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴷⴻⴳ ⵒⴰⵔⵉⵙ ⴰⵢ ⵢⴻⴳⵍⴰⵏ ⵙ 128 ⵏ ⵜⵎⴻⴷⴷⵓⵔⵉⵏ ⴷ ⵡⴰⵣⴰⵍ ⵏ 300 ⵏ ⵢⵉⵎⴻⵊⵔⴰⵃ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⴱⵏⵉⵇⵜ ⵏ ⵜⴻⵣⵖⵉⵏⵜ (ⵅⴰⵍⵉⵢⵢⴰⵜ ⴰⵣⵎⴰ) ⵏ ⵜⵎⴰⵀⴻⵍⵜ ⵏ ⵍⴻⵣⵣⴰⵢⴻⵔ ⴷⴻⴳ ⴼⵕⴰⵏⵙⴰ.
« ⵏⴻⵙⵃⴰⵙⵙⴻⴼ ⵖⴻⴼ ⵜⵎⴻⵜⵜⴰⵏⵜ ⵏ ⵙⵉⵏ ⵏ ⵢⵉⴷⵣⴰⵢⵔⵉⵢⴻⵏ, ⵢⵉⵡⴻⵏ ⵏ ⵓⵔⴳⴰⵣ ⵏ 29 ⵏ ⵢⵉⵙⴻⴳⴳⴰⵙⴻⵏ ⴷ ⵜⵎⴻⵟⵟⵓⵜ ⵏ 40 ⵏ ⵢⵉⵙⴻⴳⴳⴰⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴱⵏⵉⵇⵜ ⵏ ⵜⴻⵣⵖⵉⵏⵜ ⴰⵢ ⴷ-ⵢⴻⵜⵜⵡⴰⵙⴱⴻⴷⴷⴻⵏ ⵉ ⵓⴹⴼⴰⵔ ⵏ ⵜⴻⴷⵢⴰⵏⵉⵏ-ⴰ ⵜⵓⵇⵔⵉⵃⵉⵏ.
ⴰⴽⴽⴻⵏ ⴽⴰⵏ ⴰⵢ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵜⴻⴱⵏⵉⵇⵜ-ⴰ, ⵜⴻⴱⴷⴰ ⵜⵅⴻⴷⴷⴻⵎ ⵙ ⵓⵎⵄⴰⵡⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⵇⴻⵏⵚⵓⵍⵉⵜ ⵜⴰⴷⵣⴰⵢⵔⵉⵜ ⴷⴻⴳ ⴼⵕⴰⵏⵙⴰ, ⵜⴰⴱⵏⵉⵇⵜ ⵏ ⵜⴻⵣⵖⵉⵏⵜ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵢⵉⴷⵓⴱⴰ (ⵙⵓⵍⵓⵟⴰⵜ) ⵜⵉⴼⵕⴻⵏⵙⵉⵙⵉⵏ, ⵍⴰⴷⵖⴰ ⴰⵖⵍⵉⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
ⵜⴰⵇⴻⵏⵚⵓⵍⵉⵜ ⵜⴰⵎⴰⵜⵓⵜ ⵏ ⵍⴻⵣⵣⴰⵢⴻⵔ ⴷⴻⴳ ⵒⴰⵔⵉⵙ ⵜⵡⴻⴽⴽⴻⵍ ⵢⵉⵡⴻⵜ ⵏ ⵜⴻⵖⵍⴰⵎⵜ (ⴼⴰⵔⵉⵇ) ⴰⵢ ⵢⴻⴷⴷⴰⵏ ⵖⴻⵔ ⵢⵉⵙⴱⵉⵟⴰⵔⴻⵏ ⵏ ⵒⴰⵔⵉⵙ ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⵎⴰ ⵍⵍⴰⵏ ⵢⵉⴷⵣⴰⵢⵔⵉⵢⴻⵏ ⴳⴰⵔ ⵢⵉⵎⴻⵊⵔⴰⵃ ⴷ ⵢⵉⵎⴷⴰⵏⴻⵏ ⵢⴻⵎⵎⵓⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ, ⵢⴻⵔⵏⴰ ⵔⵏⴰⵏ-ⴰⵖ-ⴷ ⴷ ⴰⴽⴽⴻⵏ ⵜⵉⵇⴻⵏⵚⵓⵍⵉⵢⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⴼⵕⴰⵏⵙⴰ ⵙⵙⴰⴷⵔⴻⵏⵜ-ⴷ ⵜⴰⴽⴱⴰⴱⵜ ⵏ ⵍⴻⵣⵣⴰⵢⴻⵔ ⴷ ⴰⵣⴳⴻⵏ ⵉ ⵓⵙⵙⴽⴰⵏ ⵏ ⵍⴻⵃⵣⴻⵏ ⴷ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⴼⵕⴰⵏⵙⴰ ⴷⴻⴳ 3-ⴰ ⵏ ⵡⵓⵙⵙⴰⵏ ⵏ ⵍⴻⵃⵣⴻⵏ ⴰⵖⴻⵍⵏⴰⵡ ⴰⵢⵖⴻⴼ ⴷ-ⵉⴹⴻⴱⴱⴻⵔ ⵓⵙⴻⵍⵡⴰⵢ ⴰⴼⵕⴻⵏⵙⵉⵙ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⴼⵕⴰⵏⵙⴰ.
ⵏⵏⴰⵏ-ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷ ⴰⴽⴽⴻⵏ ⵜⵉⵏⵟⴰⴳⵉⵏ-ⵏⵏⵉ (ⵀⴰⴵⴰⵎⴰⵜ) ⵜⵉⵔⴻⴱⵔⴰⴱⵉⵏ ⵏⵖⴰⵏⵜ 128 ⵏ ⵎⴻⴷⴷⴻⵏ ⵢⴻⵔⵏⴰ ⵊⴻⵔⵃⴻⵏⵜ 237 ⵏⵉⴹⴻⵏ, ⴳⴰⵔ-ⴰⵙⴻⵏ ⴰⵟⴰⵙ ⵏ ⵎⴻⴷⴷⴻⵏ ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ ⵢⴻⵔⵏⴰ ⴰⵜⵏⵉ ⴷⴻⴳ ⵓⴷⴰⵡⵉ ⵓⵄⵊⵉⵍ.
ⵉⵎⵉ ⴰⵢ ⴳⴳⵜⴻⵏ ⵢⵉⵎⴻⵊⵔⴰⵃ ⵢⴻⵡⵄⴻⵕ ⴰⴷ ⴷ-ⵢⵉⵍⵉ ⵍⴻⵃⵙⴰⴱ ⴰⵏⴻⴳⴳⴰⵔⵓ ⵏ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ ⵜⵅⴰⵣⵣⴰⴱⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, 8 ⵏ ⵢⵉⵔⴻⴱⵔⴰⴱⴻⵏ ⴰⴷ ⵉⵍⵉⵏ ⵎⵎⵓⵜⴻⵏ, ⴳⴰⵔ-ⴰⵙⴻⵏⵜ 7 ⵙⴻⴳ ⵡⵉⴷ ⴰⵢ ⵢⴻⵙⵟⴻⵔⴹⵇⴻⵏ ⵉⵎⴰⵏ-ⵏⵙⴻⵏ.
