Asebter amenzawi
Tixazzabiyin n Paris: mmuten sin n Yidzayriyen
PARIS - Sin n Yidzayriyen ay yemmuten deg txazzabiyin ay d-yellan ass n ljemɛa tameddit deg Paris ay yeglan s 128 n tmeddurin d wazal n 300 n yimejraḥ, ɣef wakken ay aɣ-d-tenna tebniqt n tezɣint (xaliyyat azma) n tmahelt n Lezzayer deg Fṛansa.
« Nesḥassef ɣef tmettant n sin n Yidzayriyen, yiwen n urgaz n 29 n yiseggasen d tmeṭṭut n 40 n yiseggasen », ɣef wakken ay d-tenna tebniqt n tezɣint ay d-yettwasbedden i uḍfar n tedyanin-a tuqriḥin.
Akken kan ay d-tettwassebded tebniqt-a, tebda txeddem s umɛawen d yimḍebbren n tqenṣulit tadzayrit deg Fṛansa, tabniqt n tezɣint n uɣlif n tɣawsiwin n uzɣar d yiduba (suluṭat) tifṛensisin, ladɣa aɣlif afṛensis n tɣawsiwin n uzɣar.
Taqenṣulit tamatut n Lezzayer deg Paris twekkel yiwet n teɣlamt (fariq) ay yeddan ɣer yisbiṭaren n Paris akken ad sfeqden ma llan Yidzayriyen gar yimejraḥ d yimdanen yemmuten, ɣef wakken ay aɣ-d-nnan, yerna rnan-aɣ-d d akken tiqenṣuliyin n Lezzayer deg Fṛansa ssadrent-d takbabt n Lezzayer d azgen i usskan n leḥzen d ubdad ɣer yidis n Fṛansa deg 3-a n wussan n leḥzen aɣelnaw ayɣef d-iḍebber uselway afṛensis deg wakk timnaḍin n Fṛansa.
Nnan-d ttawilat n yisalan d akken tinṭagin-nni (haǧamat) tirebrabin nɣant 128 n medden yerna jerḥent 237 niḍen, gar-asen aṭas n medden yellan deg tegnit taweɛṛant yerna atni deg udawi uɛjil.
Imi ay ggten yimejraḥ yewɛeṛ ad d-yili leḥsab aneggaru n wid yenḍerren seg txazzabit-a, ɣef wakken ay d-nnan.
Seg yidis niḍen, 8 n yirebraben ad ilin mmuten, gar-asent 7 seg wid ay yesṭerḍqen iman-nsen.
