ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵙⵃⴰⵙⵙⴻⴼ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⵖⴻⴼ ⵏⵏⴻⵢⵢⴰ ⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⴳⴻⵏ ⴰⵙⵓⵏⴷⴻⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴰⴱⵔⵉⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵜⴻⵙⵃⴰⵙⵙⴻⴼ ⵉⵎⵉ ⴰⵢ ⵍⴰ ⵜⵜⴻⴳⴳⵣⴻⵏ (ⵢⵓⵀⴰⴷⴷⵉⴷⵓⵏ) ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ ⴰⴽⴽⴻⵏ ⴰⴷ ⴳⴻⵏ ⴰⵙⵓⵏⴷⴻⴷ (ⵉⴹⵔⴰⴱ) ⴷⴻⴳ ⵜⴰⵍⵍⵉⵜ ⴰⵢⴷⴻⴳ ⵢⴻⴱⴷⴰ-ⴷ ⵓⵙⵙⴻⴼⵄⴻⵍ ⵏ ⵜⵖⴰⵡⵙⵉⵡⵉⵏ-ⵏⵏⵉ ⵜⵉⵎⴰⵢⵏⵓⵜⵉⵏ ⴰⵢ ⴷ-ⵢⴻⵍⵍⴰⵏ ⵉ ⵍⴼⴰⵢⴷⴰ-ⵏⵙⴻⵏ.
ⵎⵉ ⴷ-ⵜⴻⵔⵔⴰ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵏ ⵜⵓⴳⴳⵣⴰ (ⵜⴰⵀⴷⵉⴷ) ⵏ ⵓⵙⵙⵓⵏⴷⴻⴷ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵙⴻⵇⵇⴰⵎⵓ ⵏ ⵜⴻⵙⵏⴰⵡⵉⵢⵉⵏ ⵏ ⵍⴻⵣⵣⴰⵢⴻⵔ, ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⴷ ⴰⴽⴽⴻⵏ ⴰⵙⵓⵏⴷⴻⴷ ⵢⴻⵜⵜⵖⵉⵓⵎⵉ-ⴷ ⴷ ⴰⵣⵔⴻⴼ ⴰⵢ ⵜⴻⴹⵎⴻⵏ ⵜⵎⴻⵏⴹⴰⵡⵜ (ⴷⵓⵙⵜⵓⵔ), ⵎⴰⵛⴰ ⵜⴻⵙⵃⴰⵙⵙⴻⴼ ⵖⴻⴼ ⵡⴰⵢⴰ ⴰⵛⴽⵓ ⵜⴰⴷⵢⴰⵏⵜ-ⴰ ⵜⴻⵍⵍⴰ-ⴷ ⴷⴻⴳ ⵜⴻⵙⵡⵉⵄⵜ ⴰⵢⴷⴻⴳ ⵍⴰ ⵢⴻⵙⵙⴻⴼⵄⴰⵍ ⵓⵖⵍⵉⴼ – ⴳⴰⵔ ⵜⵓⴱⴻⵕ ⴷ ⴷⵓⵊⴻⵎⴱⴻⵕ - ⵜⵉⵖⴰⵡⵙⵉⵡⵉⵏ-ⵏⵏⵉ ⴰⵢ ⴷ-ⵢⴻⵍⵍⴰⵏ ⵉ ⵍⴼⴰⵢⴷⴰ ⵏ ⵢⵉⵅⴻⴷⴷⴰⵎⴻⵏ. « ⵓⵍⴰ ⵎⴰ ⵡⴻⵔⵄⴰⴷ ⵓⵔ ⵏⴼⵓⴽ ⴰⵔⴰ ⵛⵛⵖⴻⵍ-ⴰ, ⵍⵍⴰⵏ-ⴷ ⵢⴰⴳⵉ ⵢⵉⴷⵉⵙⴰⵏ ⴰⵢ ⵢⴻⴱⴷⴰⵏ ⵍⴰ ⵜⵜⴻⴳⴳⵣⴻⵏ ⴰⴷ ⴳⴻⵏ ⴰⵙⵓⵏⴷⴻⴷ ».
ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼⵜ ⴰⵢ ⵉⴳⴰⵏ ⴰⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴼⴼⵉⵔ ⵡⴰⵙⵙ ⵏ ⵜⴻⵣⵔⴰⵡⵜ ⵉ ⵓⵃⴱⴰⵙ ⵏ ⵜⴻⴽⵔⵉⴹⵜ (ⵄⵓⵏⴼ) ⴷⴻⴳ ⵓⵖⴻⵔⴱⴰⵣ, ⴰⵢⴰ ⵓⵔ ⵢⴻⵜⵜⵡⴰⴼⵀⴰⵎ ⴰⵔⴰ.
ⵜⴻⵔⵏⴰ-ⴷ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⴰⵖⵍⵉⴼ ⵢⴻⵙⵄⴰ « ⴰⵒⵔⵓⵟⵓⴽⵓⵍ » ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵍⵇⴰⵏⵓⵏ ⵏ ⵓⵅⴻⴷⴷⵉⵎ ⵢⴻⵔⵏⴰ ⴷ ⵡⵉⵏ ⴰⵢ ⴰⵙ-ⵢⴻⴼⴽⴰⵏ ⴰⵣⵔⴻⴼ ⴰⴷ ⵢⴻⴷⴷⴻⵏ ⵉⵃⴻⵣⵣⵉⴱⴻⵏ ⵎⵉ ⴰⴷ ⵜ-ⵉⴷ-ⵢⴰⵡⴻⴹ ⵓⵄⴻⵢⵢⴻⵏ ⵖⴻⴼ ⵓⵙⵓⵏⴷⴻⴷ, ⴰⴽⴽⴻⵏ ⴰⴷ ⵢⴻⵎⵛⵉⵡⴻⵕ ⴷ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, « ⵢⴻⵔⵏⴰ ⵎⴰ ⵓⵔ ⵙⵙⴰⵡⴹⴻⵏⵜ ⴰⵔⴰ ⵍⴻⵎⵛⴰⵡⵕⴰⵜ ⵖⴻⵔ ⴽⵔⴰ, ⵏⴻⵙⵄⴰ ⵉⵃⴻⵣⵣⵉⴱⴻⵏ ⵉⵜⴻⴽⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵡⴰⵔ ⵎⴰ ⵜⴻⵔⵏⴰ-ⴷ ⵓⴳⴰⵔ ⵏ ⵜⵜⴼⴰⵚⵉⵍ.
« ⴷⴻⴳ ⵡⴰⵢⴻⵏ ⴰⵢ ⴰⵖ-ⵢⴻⵔⵣⴰⵏ, ⵏⵅⴻⴷⴷⴻⵎ ⵙ ⵍⴻⵇⵡⴰⵏⵉⵏ ⵏ ⵜⴻⴳⴷⵓⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⴽⴽ ⵍⴻⵕⵢⵓⵢ ⴰⵢ ⵢⴻⵜⵜⵡⴰⴷⴷⵎⴻⵏ ⵉ ⵍⴼⴰⵢⴷⴰ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ ⴰⴷ ⵜⵜⵡⴰⵙⴼⴻⵄⵍⴻⵏ ⵙⴻⴳ-ⴰ ⵖⴻⵔ ⴷⵓⵊⴻⵎⴱⴻⵕ, ⵢⴻⵔⵏⴰ ⴰⵢⴰ ⴷ ⵛⵛⵖⴻⵍ ⴰⵎⴻⵇⵔⴰⵏ ⴰⵟⴰⵙ, ⵍⵀⴰⵏ-ⴷ ⵢⴻⵙ-ⵙ ⵓⵙⵙⴰⵏ-ⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴽⵛⴻⵎ ⵏ ⵍⴻⵄⵇⵓⴷⴰⵜ ⵏ ⵓⵙⵙⴻⴷⴷⵓ ⵖⴻⵔ ⵓⵙⴻⵍⴽⵉⵎ, ⴷ ⵛⵛⵖⴻⵍ ⴰⴷ ⵢⴻⴹⴹⴼⴻⵏ ⴰⴽⵓⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ.
