Asebter amenzawi

Tesḥassef Massa Benghabrit ɣef nneyya n yixeddamen akken ad gen asunded

LEZZAYER TAMANEɣT – Tenna-d tneɣlaft n ussegmi aɣelnaw, Nouria Benghabrit, ass n ssebt deg Lezzayer Tamaneɣt d akken tesḥassef imi ay la tteggzen (yuhaddidun) yixeddamen n ussegmi akken ad gen asunded (iḍrab) deg tallit aydeg yebda-d ussefɛel n tɣawsiwin-nni timaynutin ay d-yellan i lfayda-nsen.

Mi d-terra ɣef yiwet n tuttra n tuggza (tahdid) n ussunded ay d-yessuffeɣ Useqqamu n Tesnawiyin n Lezzayer, tenna-d Massa Benghabrit d akken asunded yettɣiumi-d d azref ay teḍmen tmenḍawt (dustur), maca tesḥassef ɣef waya acku tadyant-a tella-d deg teswiɛt aydeg la yessefɛal uɣlif – gar Tubeṛ d Dujembeṛ - tiɣawsiwin-nni ay d-yellan i lfayda n yixeddamen. « Ula ma werɛad ur nfuk ara ccɣel-a, llan-d yagi yidisan ay yebdan la tteggzen ad gen asunded ».

ɣef leḥsab n tneɣlaft ay igan asarag n tɣemsa deffir wass n tezrawt i uḥbas n tekriḍt (ɛunf) deg uɣerbaz, aya ur yettwafham ara.

Terna-d tneɣlaft d akken aɣlif yesɛa « apruṭukul » ay d-yettwabedren deg lqanun n uxeddim yerna d win ay as-yefkan azref ad yedden iḥezziben mi ad t-id-yaweḍ uɛeyyen ɣef usunded, akken ad yemciweṛ d wid ay terza temsalt, « yerna ma ur ssawḍent ara lemcawṛat ɣer kra, nesɛa iḥezziben itekniyen », ɣef wakken ay d-tenna war ma terna-d ugar n ttfaṣil.

« Deg wayen ay aɣ-yerzan, nxeddem s leqwanin n tegduda », ɣef wakken ay d-twekked.

Seg yidis niḍen, tesmekti-d d akken akk leṛyuy ay yettwaddmen i lfayda n yixeddamen n ussegmi ad ttwasfeɛlen seg-a ɣer Dujembeṛ, yerna aya d ccɣel ameqran aṭas, lhan-d yes-s ussan-a, ladɣa deg wayen yerzan assekcem n leɛqudat n usseddu ɣer uselkim, d ccɣel ad yeḍḍfen akud, ɣef wakken ay d-tenna tneɣlaft.