Asebter amenzawi

Lebni n Tmesgida Tameqrant n Lezzayer yettqadar mliḥ laman

LEZZAYER TAMANEɣT – Yenna-d uneɣlaf n tnezduɣt d temdint, Abdelmadjid Tebboune, ass n ssebt d akken asenfar n lebni n Tmesgida Tameqrant n Lezzayer yettqadar ilugan d uḥṛisen mliḥ deg wayen yerzan taɣellist (laman).

Dɣa yenna-d uneɣlaf, deg terzi-nnes n ussefqed n usenfar-a d Lmuḥemmadeyya, d akken ddiɛayat-nni n lqella n uqader n yilugan n tɣellist « ur sɛint llsas », yerna wid ay la yesseddayen ddiɛayat-a d imdanen ay yebɣan lexṣara yerna kkaten-d deg wakk lbenyanat imeqranen ay la tetteg Lezzayer.

Yerna-d uneɣlaf d akken asenfar-a yettwabna ɣef llsas n yiwet n tezrawt (dirasa) yelhan yettqadaren ilugan yellan yagi yerna ulac asenfar umi yettunefk ttawil anect n wa.

Ula ma akal ayɣef yettwabna yeqqur, tazrawt-a tenna-d d akken yessefk ad ɣzen llsas n 72 n yimitren i tmesgida-a, dɣa d aya ad yeḥwiǧen aṭas n wuzzal d ubiṭun (azal n 200 n yikilugṛamen i umitr agasas [m3]).

Tazeqqa n tẓallit ad tesɛu iseḍra ay izemren ad sneqsen s tis 4 lǧehd n tzenzelt. Tiftilin n tmesgida-a ad sɛunt ttawil ad tent-yeǧǧen uɣent ula mi ad d-twet tzenzelt akken ur ttilin ara yixeṣṣaren imeqranen deg kra n temnaḍin n lbenyan-a.

ɣef leḥsab n teɣlamin (firaq) titekniyin ay d-yelhan s usenfar-a, tizenzlin tilemmasin ur seɛɛunt ara kra n lateṛ ɣef tmesgida-a, ma d tizenzlin iǧehden (7,5 n tfesniwin deg yisili n Richter) ur d-gellunt ara s yixeṣṣaren imeqranen.