Asebter amenzawi

Ugar n 300 n tkebbaniyin timeẓyanin deg tesnatwilin n teɣwalt

LEɣWAṬ - Ugar n 300 n tkebbaniyin timeẓyanin d tlemmasin ay ixeddmen deg uḥric n tesnatwilin n teɣwalt (tiknuluǧiyyat al-ittiṣal), ɣef wakken ay aɣ-d-tenna teɣlamt (qafila) taɣelnawt n tkebbanit tameẓyant d tlemmast mi teḥbes deg Leɣwaṭ.

Azal n 500 n yijenyuṛen d yimesnatwilen (tiqniyyin) ay yeɣran ɣer tyunin-a, dɣa d aya ay yeǧǧan tikebbaniyin-a timeẓyanin d tlemmasin « ad rebḥent » deg lecɣal-nsent, ɣef wakken ay d-yenna yimḍebber n teɣlamt, Abderraouf Hammouche.

Deg wussan aydeg d-tezzi teɣlamt-a ɣef waṭas n twilayin n tmurt, azal n 1200 n yilemẓiyen (ay yessutren lemɛawna i ussebded n tkebbaniyin sɣur ttawilat n ussexdem n yilemẓiyen) ay d-yusan ad ḥedṛen deg lecɣal n teɣlamt-a, yerna issutren n yilemẓiyen-a « ad d-lhun yid-sen ɣef zik lḥal », ɣef wakken ay d-yenna yimḍebber-a.

Amur ay d-iṣaḥen tawilayt n Leɣwaṭ deg tkebbaniyin n uḥric-a (ɣef leḥsab n leɛqed n 2011 gar Algerie-Telecom d Tnegga Taɣelnawt n Udhal n Ussexdem n Yilemẓiyen – ANSEJ) netta 4 kan n tkebbaniyin, yerna wa d amḍan (ɛadad) d ameẓyan mliḥ ɣef leḥsab n wayen ay la tessefray Algerie Telecom ad t-tessefru, ɣef wakken ay d-yerna yimḍebber-a.

Tḥaz-d tmehla (mudiriyya) tamatut n Algerie Telecomm deg 2015 tajellabt n 45 n yimelyaṛen n yidinaṛen i uṣeggem n uẓeḍḍa n usawal d ussersi n tnelwa tisekdanin (alyaf baṣariyya), dɣa d aya ay yeḥwaǧen amɛiwen d waṭas n tkebbaniyin i ferru n ccɣel-a d uḍman n tɣara, ɣef wakken ay d-yenna Mass Hammouche.