ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⵙⵙⴻⴱⴷⴻⴷ ⵜⵜⴰⵡⵉⵍ ⵏ ⵍⴰⵎⴰⵏ ⴷ ⴰⵎⴻⵇⵔⴰⵏ ⵉ ⵓⵃⴰⵕⴻⴱ ⵏ ⵔⵔⴻⴱⵔⴰⴱ ⴷⴻⴳ ⴼⵕⴰⵏⵙⴰ

ⵒⴰⵔⵉⵙ - ⵢⴻⵜⵜⵡⴰⵙⵙⴻⴱⴷⴻⴷ ⵢⵉⵡⴻⵏ ⵏ ⵜⵜⴰⵡⵉⵍ ⵏ ⵜⵖⴻⵍⵍⵉⵙⵜ ⴷ ⴰⵎⴻⵇⵔⴰⵏ, ⴰⵙⵙ ⵏ ⵙⵙⴻⴱⵜ, ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⴰⵢ ⵉⵃⵓⵣⴰⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵢⵉⴹ ⵜⴰⵎⴰⵏⴻⵖⵜ ⵜⴰⴼⵕⴻⵏⵙⵉⵙⵜ ⴰⵢ ⵢⴻⴳⵍⴰⵏ, ⵖⴻⴼ ⵡⴰⴽⴽⴻⵏ ⴷ-ⵢⴻⴼⴼⴻⵖ ⵜⴰⵙⵡⵉⵄⵜ-ⴰ, 128 ⵏ ⵢⵉⵎⴷⴰⵏⴻⵏ ⴷ 237 ⵏ ⵢⵉⵎⴻⵊⵔⴰⵃ, ⴳⴰⵔ-ⴰⵙⴻⵏ ⴰⵟⴰⵙ ⴷⴻⴳ ⵜⴻⴳⵏⵉⵜ ⵏ ⴷⵉⵔⵉ.

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴱⴻⵔⵏⴰⵔⴷ ⵛⴰⵣⴻⵏⴻⵓⵠⴻ, ⴷ ⴰⴽⴽⴻⵏ ⴰⴽⴽ ⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⵜⵜⵡⴰⵀⴻⵢⵢⴰⵏ-ⴷ ⴰⴽⴽⴻⵏ ⴰⴷ ⵇⴰⴱⵍⴻⵏ ⵜⴰⴳⵏⵉⵜ-ⴰ ⵏ ⵜⵅⴰⵣⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ.

ⴰⵟⴰⵙ ⵏ ⵢⵉⵎⵙⵓⵍⵜⴰ (ⵔⵉⴵⴰⵍ ⵛⵓⵔⵟⴰ), ⵉⵎⴻⵙⵜⵓⵍⴻⵏ, ⵉⵅⴻⴷⴷⴰⵎⴻⵏ ⵉⴼⴻⵙⵙⵉⵏ ⵍⴱⵓⵎⴱⴰⵜ, ⵉⵙⴻⵖⵙⴰⵢⴻⵏ ⴷ ⵢⵉⵙⴻⵔⴷⴰⵙⴻⵏ ⴰⵢ ⴷ-ⵢⴻⴼⴼⵖⴻⵏ ⴰⴽⴽⴻⵏ ⴰⴷ ⵄⴰⵙⵙⴻⵏ ⵜⴰⵎⵏⴰⴹⵜ ⵏ ⵒⴰⵔⵉⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵜⵡⴻⵔⵏⴰⵏⵜ 5 ⵏ ⵜⴽⴻⴱⴱⴰⵏⵉⵢⵉⵏ ⵏ ⵜⴼⴻⴽⴽⴰ ⵜⴰⴳⴷⵓⴷⴰⵏⵜ ⵏ ⵜⵖⴻⵍⵍⵉⵙⵜ ⵉ ⵓⵙⵙⴻⴵⵀⴻⴷ ⵏ ⵜⵄⴻⵙⵙⴰⵙⵜ.

ⵜⵓⵖⴰⵍ-ⴷ ⴷⴰⵖ ⵜⵄⴻⵙⵙⴰⵙⵜ ⵖⴻⴼ ⵜⵍⵉⵙⴰ ⴰⵢⴷⴻⴳ ⵜⴻⵜⵜⵡⴰⵙⵙⴻⵃⵕⴻⵙ ⵜⵄⴻⵙⵙⴰⵙⵜ ⵖⴻⴼ 61 ⵏ ⵢⵉⵎⵓⴽⴰⵏ ⵉⴳⴻⵊⴷⴰⵏⴻⵏ ⵏ ⵓⵄⴻⴷⴷⵉ ⵏ ⵜⴽⴻⵕⵕⵓⵙⵉⵏ. ⵏⵏⵉⴳ ⵡⴰⵢⴰ, ⵜⴻⵙⵙⵓⵜⴻⵔ ⴼⵕⴰⵏⵙⴰ ⵙⴻⴳ ⵢⵉⵛⵔⵉⴽⴻⵏ-ⵏⵏⴻⵙ ⵓⵕⵓⴼⵉⵢⴻⵏ « ⴰⴷ ⵙⴵⴻⵀⴷⴻⵏ ⵜⴰⵄⴻⵙⵙⴰⵙⵜ ⵏ ⵢⵉⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⴰⵢ ⵍⴰ ⴷ-ⵢⴻⵜⵜⴻⴷⴷⵓⵏ ⵖⴻⵔ ⴼⵕⴰⵏⵙⴰ ⵙ ⵜⵎⴰⵛⵉⵏⵜ ⵏⴻⵖ ⵙ ⵓⵙⴰⴼⴰⴳ », ⵏⴻⵖ ⵙ ⵓⴱⵔⵉⴷ.

ⵜⴻⴳⴳⴻⵜ ⴷⴰⵖ ⵜⵄⴻⵙⵙⴰⵙⵜ ⵖⴻⴼ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵜⵎⴰⵛⵉⵏⵉⵏ ⵏ ⵜⴻⵎⴷⵉⵏⵉⵏ, ⵏ ⵜⵍⵉⵙⴰ ⴷ ⵜⴻⵖⵙⴰⵔ ⵜⵉⴳⵔⴰⵖⵍⴰⵏⵉⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴰⵙⵙⴻⴵⵀⴻⴷ ⵓⵙⵙⴻⴼⵇⴻⴷ ⴷⴻⴳ ⵢⵉⵙⵓⴳⴰⵏ (ⵎⴰⵡⴰⵏⵉ’) ⴷ ⵢⵉⴱⵔⵉⴷⴻⵏ ⵉⵎⴻⵇⵔⴰⵏⴻⵏ, ⵍⴰⴷⵖⴰ ⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ.

ⵓⴳⴰⵔ ⵏ 200 ⵏ ⵢⵉⵎⴻⵙⵜⵓⵍⴻⵏ (ⴷⴰⵔⴰⴽⵉⵢⵢⵉⵏ) ⴰⵢ ⵢⴻⵜⵜⵡⴰⵃⴰⵣⴻⵏ ⴰⴽⴽⴻⵏ ⴰⴷ ⵄⴰⵡⵏⴻⵏ ⵜⴰⵎⵙⵓⵍⵜⴰ (ⵛⵓⵔⵟⴰ) ⵏ ⵒⴰⵔⵉⵙ, ⵢⴻⵔⵏⴰ ⵙⵏⴰⵜ ⵏ ⵜⴳⴻⵣⵎⵉⵡⵉⵏ ⵏ ⵜⴻⴳⵔⴰⵡⵜ ⵏ ⵜⴳⴻⵔⵎⴰⵏⵜ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⴼⵕⴰⵏⵙⴰ ⴰⵢ ⵢⴻⵜⵜⵡⴰⵀⴻⵢⵢⴰⵏ ⴰⴽⴽⴻⵏ ⴰⴷ ⴷ-ⴳⵔⴻⵏⵜ ⵉⵎⴰⵏ-ⵏⵙⴻⵏⵜ ⴷⴻⴳ ⵓⵏⵔⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵏⴻⵖⵍⴰⴼ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ 1000 ⵏ ⵢⵉⵙⴻⵔⴷⴰⵙⴻⵏ ⴰⵢ ⵢⴻⵔⵏⴰⵏ ⵜⵜⵡⴰⵀⴻⵢⵢⴰⵏ-ⴷ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵜ ⵏ ⵉⵍⴻ-ⴷⴻ-ⴼⵔⴰⵏⵛⴻ, ⴰⴽⴽⴻⵏ ⴰⴷ ⵜⵜⴻⵣⵣⵉⵏ ⵢⴻⵔⵏⴰ ⴰⴷ ⵜⵜⵄⴰⵙⵙⴰⵏ ⵒⴰⵔⵉⵙ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴷⴻⴳ ⵓⴽⴰⵜⴰⵔ ⵏ ⵜⴻⵎⵀⴻⵍⵜ ⵏ ⵙⴻⵏⵜⵉⵏⴻⵍⵍⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵛⴰⵣⴻⵏⴻⵓⵠⴻ.

ⵜⵜⴰⵡⵉⵍ-ⴰ ⵏ ⵜⵖⴻⵍⵍⵉⵙⵜ ⵙⴵⴻⵀⴷⴻⵏ-ⵜ ⵙ 30.000 ⵏ ⵢⵉⵎⵙⵓⵍⵜⴰ, ⵉⵎⴻⵙⵜⵓⵍⴻⵏ ⴷ ⵢⵉⵙⴻⵔⴷⴰⵙⴻⵏ ⴰⵢ ⴷ-ⵢⴻⵍⵀⴰⵏ, ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵙ ⵓⵃⵓⴷⴷⵓ ⵏ 5000 ⵏ ⵢⵉⵎⵓⴽⴰⵏ ⴰⵢⴷⴻⴳ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵡⴰⵢⴻⵏ ⵏ ⴷⵉⵔⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⴼⵕⴰⵏⵙⴰ, ⴷⴻⴳ ⵓⴽⴰⵜⴰⵔ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵠⵉⴳⵉⵒⵉⵔⴰⵜⴻ.