ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ ⴷ ⵢⵉⵡⴻⵏ ⵙⴻⴳ ⵢⵉⵎⵓⴽⴰⵏ ⴰⵢⴷⴻⴳ ⵏⴷⵉⵏⵜ ⴰⵟⴰⵙ ⴰⴽⴽ ⵏ ⵍⵎⵉⵏⴰⵜ
ⵎⴰⴷⵔⵉⴷ – ⵏⵏⴰⵏ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵎⴰⴷⵔⵉⴷ ⵢⵉⵎⵜⵜⴻⴽⴽⵉⵢⴻⵏ ⵏ ⵓⵙⴰⵔⴰⴳ ⵓⵕⵓⴼⵉ ⵏ ⵓⴷⵀⴰⵍ ⴷ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ (ⴻⵓⵛⵧⵛⵧ) ⴷ ⴰⴽⴽⴻⵏ ⴰⵏⴻⵥⵔⵓⴼ ⵓⵜⵔⵉⵎ ⴷ ⵢⵉⵡⴻⵜ ⵙⴻⴳ ⵜⴻⵎⵏⴰⴹⵉⵏ ⴰⵢⴷⴻⴳ ⵏⴷⵉⵏⵜ ⴰⵟⴰⵙ ⴰⴽⴽ ⵏ ⵍⵎⵉⵏⴰⵜ ⴷⴻⴳ ⵓⵎⴰⴹⴰⵍ ⴷⴻⴼⴼⵉⵔ ⵓⵥⴷⴰⵎ ⴰⵢ ⵥⴻⴷⵎⴻⵏ ⴼⴻⵍⵍ-ⴰⵙ ⵢⵉⵙⴻⵔⴷⴰⵙⴻⵏ ⵉⵎⴻⵕⵕⵓⴽⵉⵢⴻⵏ ⴷⴻⴳ 1975, ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏ ⵢⵉⵎⵜⵜⴻⴽⴽⵉⵢⴻⵏ-ⴰ ⵜⵉⵖⵔⵉ ⵉ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⵃⴻⵣⵣⴻⴱ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ ⵍⵎⵉⵏⴰⵜ-ⴰ.
« ⴰⴷ ⵉⵍⵉⵏⵜ ⵓⴳⴰⵔ 7 ⵏ ⵢⵉⵎⴻⵍⵢⵓⵏⴻⵏ ⵏ ⵍⵎⵉⵏⴰⵜ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵖⴻⵔ ⵢⵉⴷⵉⵙ ⵏ ⵡⴰⵟⴰⵙ ⵏ ⵍⴱⵓⵎⴱⴰⵜ ⴰⵢ ⵡⴻⵔⵄⴰⴷ ⵓⵔ ⵟⵟⴻⵔⴹⵇⴻⵏⵜ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⵃⴰⵙⵙⴼⴻⵏ ⵢⵉⵎⵜⵜⴻⴽⴽⵉⵢⴻⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵏ « ⴰⵖⵔⴰⴱ, ⵍⵎⵉⵏⴰⵜ ⴷ ⵜⴻⵖⵜⴰⵙ ⵏ ⵍⵎⵉⵏⴰⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ ⴷ ⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵍⵎⵉⵏⴰⵜ-ⴰ ⵜⵜⵡⴰⵎⴻⴹⵍⴻⵏⵜ ⴷⴻⴳ ⵜⴻⵎⵏⴰⴹⵜ ⴰⵢ ⴷ-ⵢⴻⵣⴳⴰⵏ ⴷⴻⴳ ⵛⵛⴻⵔⵇ ⵏ ⵓⵖⵔⴰⴱ-ⵏⵏⵉ ⵏ ⴱⴻⴹⴹⵓ ⵏ ⵡⴰⴽⴰⵍ ⴰⵚⴻⵃⵔⴰⵡⵉ (ⴰⵖⵔⴰⴱ ⵏ ⵍⵄⴰⵕ) ⴰⵢ ⴱⵏⴰⵏ ⵢⵉⵙⴻⵔⴷⴰⵙⴻⵏ ⵉⵎⴻⵕⵕⵓⴽⵉⵢⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1980 ⵢⴻⵔⵏⴰ ⵖⴻⵣⵣⵉⴼ 2720 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵔⵏⴰ ⵍⵍⴰⵏ ⵡⵉⴷ ⴰⵢ ⵢⴻⵜⵜⵡⴰⵍⵉⵏ ⴷ ⴰⴽⴽⴻⵏ ⵜⴰⵎⵏⴰⴹⵜ ⵏ ⵓⵖⵔⴰⴱ-ⴰ ⴷ ⵏⴻⵜⵜⴰⵜ ⴰⵢ ⴷ ⵉⴳⴻⵔ ⴰⵎⴻⵇⵔⴰⵏ ⴰⴽⴽ ⵏ ⵍⵎⵉⵏⴰⵜ ⵢⴻⵍⵍⴰⵏ ⴷⴻⴳ ⵓⵎⴰⴹⴰⵍ.
ⵍⵎⵉⵏⴰⵜ ⴷ ⵍⴱⵓⵎⴱⴰⵜ ⴰⵢ ⵡⴻⵔⵄⴰⴷ ⵓⵔ ⵟⵟⴻⵔⴹⵇⴻⵏⵜ ⵙⵡⴰⵖⴻⵏⵜ ⴰⵟⴰⵙ ⵜⴰⵎⴻⴷⴷⵓⵔⵜ ⵏ ⵢⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵜⵜⴻⴽⴽⵉⵢⴻⵏ, ⵢⴻⵔⵏⴰ ⴰⵢⴰ ⵉⵃⵓⵣⴰ ⴰⵎⴰ ⴷ ⵡⵉⴷ ⵢⴻⴷⴷⵔⴻⵏ ⴷⴻⴳ ⵢⵉⴽⴰⵍⴻⵏ ⴰⵢ ⵜⴻⴹⴹⴻⴼ ⵎⴻⵕⵕⵓⴽ ⵏⴻⵖ ⴷⴻⴳ ⵢⵉⴽⴰⵍⴻⵏ ⵢⴻⵍⵍⴰⵏ ⴱⴻⵕⵕⴰ ⵉ ⵓⵖⵔⴰⴱ-ⵏⵏⵉ. ⵏⵏⵉⴳ ⵡⴰⵢⴰ, ⵉⴳⴻⵔ-ⴰ ⵏ ⵍⵎⵉⵏⴰⵜ ⵢⴻⵙⵙⴻⵃⵕⴻⵙ ⵜⵉⴷⴷⵉⵜ ⵏ ⵢⵉⵎⴷⴰⵏⴻⵏ ⴷ ⵜⴽⴻⵙⵙⴰⵡⵜ ⵏ ⵍⵎⴰⵍ.
ⵙ ⵡⴰⵢⴰ, ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷ ⴰⴽⴽⴻⵏ « ⵓⴳⴰⵔ ⵏ 2500 ⵏ ⵢⵉⵎⴷⴰⵏⴻⵏ ⵙⴻⴳ ⵡⴰⴽⴽ ⵍⴻⵄⵎⴰⵕ ⴰⵢ ⵢⴻⵏⴹⴻⵔⵔⴻⵏ ⵙⴻⴳ ⵍⵎⵉⵏⴰⵜ-ⴰ ⵙⴻⴳ 1975 », ⵢⴻⵔⵏⴰ ⵄⴻⵢⵢⵏⴻⵏ-ⴷ ⴷ ⴰⴽⴽⴻⵏ ⵓⵍⴰⵛ ⵍⴻⵃⵙⴰⴱ ⵉⵎⴷⴻⵇⵇⴻⵇ ⴰⴷ ⴷ-ⵢⴻⴼⴽⴻⵏ ⴰⴽⴽ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ-ⵙⴻⵏⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵡⵉⴷ ⴰⵢ ⵉⵣⴻⴷⵖⴻⵏ ⴷⴻⴳ ⵢⵉⴽⴰⵍⴻⵏ ⴰⵢ ⵜⴻⴹⴹⴻⴼ ⵎⴻⵕⵕⵓⴽ.
« ⵎⴻⵕⵕⵓⴽ ⵎⴰⵣⴰⵍ ⵜⵓⴳⵉ ⴰⴷ ⴷ-ⵜⴻⵙⵙⵓⴼⴼⴻⵖ ⵉⵙⴰⵍⴰⵏ ⵖⴻⴼ ⵡⴰⵢⴰ ⴰⴽⴽⴻⵏ ⵓⵔ ⵜⴻⵜⵜⴻⴳ ⴰⵔⴰ ⵍⵡⴰⵊⴻⴱ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⵜⴰⵙ (ⴹⴰⵃⴰⵢⴰ) ⵜⵉⵚⴻⵃⵔⴰⵡⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵜⵜⴻⴽⴽⵉⵢⴻⵏ.
ⵏⵏⵉⴳ ⵡⴰⵢⴰ, ⵡⴻⴽⴽⴷⴻⵏ-ⴷ ⴷⴰⵖ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ-ⴰ ⴷ ⴰⴽⴽⴻⵏ ⴰⴷ ⴷ-ⵢⵉⵍⵉ ⵛⵛⵖⴻⵍ ⵉ ⵓⵃⵕⴰⵙ ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴻⴳ ⵍⵡⴰⵊⴻⴱ-ⵏⵏⴻⵙ ⵙⴷⴰⵜ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ.
ⵙ ⵡⴰⵢⴰ, ⴰⴷ ⴷ-ⵉⵍⵉⵏⵜ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⵖⴻⴼ ⵢⵉⵅⴻⵚⵚⴰⵔⴻⵏ ⴰⵢⵢⴻⵙ ⴷ-ⵢⴻⴳⵍⴰ ⵓⵖⵔⴰⴱ-ⵏⵏⵉ ⴷ ⵍⵎⵉⵏⴰⵜ, ⴰⵎ ⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⵙⴻⵏⴼⴰⵔⴻⵏ ⵉ ⵓⵄⴰⵡⴻⵏ ⵏ ⵜⴻⵖⵜⴰⵙ-ⵏⵏⵉ ⵢⴻⵏⴹⴻⵔⵔⴻⵏ ⵙⴻⴳ ⵍⵎⵉⵏⴰⵜ-ⴰ, ⴷ ⵓⵙⵙⴻⴱⵖⴻⵙ ⵏ ⵢⵉⵙⴻⵏⴼⴰⵔⴻⵏ ⵢⴻⵇⵇⵏⴻⵏ ⵖⴻⵔ ⵡⵓⴳⵓⵔ-ⴰ ⵏ ⵍⵎⵉⵏⴰⵜ ⵙ ⵓⵙⵃⵓⵍⴼⵓ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷ-ⵍⵀⵓⵏ ⴷ ⵜⵓⴽⴽⵙⴰ ⵏ ⵍⵎⵉⵏⴰⵜ-ⴰ.
