Asebter amenzawi

Lezzayer tebges akken iwata i usdileɣ n yelmeẓyen n tefriqt

LEZZAYER- Aselway Useqqamu aɣerfan aɣelnaw (APN) Mohamed Larbi Ould Khelifa iwekked-d ass n lḥedd di Lezzayer tamanaɣt belli Lezzayer tefka afud akken ilaq, seg timmunent ar ass-a, deg usileɣ n yelmeẓyen n tefriqt deg yeḥricen yemxallafen.

"Lezzayer, tezga tettak afud seg timmunent ar ass-a deg usileɣ n igiman n yelmeẓyen ifriqiyen deg yeḥricen yemxallafen", id-yenna Mas Ould Khelifa lawan n wass aberlamani yerzan ilmeẓyen n tefriqt deg useqqamu aɣerfan aɣelnaw APN.

Aselway Useqqamu yenna belli Lezzayer tewjed akken ad terr amtawi d telwit d usu unegmu ladɣa mi d-yemmeslay ɣef wekrawal n telwit d wemsuɣal aɣelnaw i yexdem uselway n Tegduda Abdelaziz Bouteflika.

Yesmekta-d belli lawan n wemgaru i weslelluli aɣelnaw armi d timmunent Lezzayer tezga tbedd ɣer yidis imussuten yettɣaɣen ɣef weslelluli mebla ma tegr iman-is di lecɣal idaxliyen n tmura-yagi.