ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵅⴰⵣⵣⴰⴱⵉⵢⵉⵏ ⵏ ⵒⴰⵔⵉⵙ: ⵢⵉⵡⴻⵏ ⴽⴰⵏ ⵏ ⵓⴷⵣⴰⵢⵔⵉ ⴰⵢ ⵢⴻⵎⵎⵓⵜⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⵉⵡⴻⵏ ⴽⴰⵏ ⵏ ⵓⴷⵣⴰⵢⵔⵉ ⴰⵢ ⴷ-ⵓⴼⴰⵏ ⵢⴻⵎⵎⵓⵜ ⴷⴻⴳ ⵜⵅⴰⵣⵣⴰⴱⵉⵢⵉⵏ ⵏ ⵡⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴷⴻⴳ ⵒⴰⵔⵉⵙ ⴰⵢ ⵢⴻⴳⵍⴰⵏ ⵙ 129 ⵏ ⵢⵉⵎⴷⴰⵏⴻⵏ ⴷ ⵜⵡⵉⵏⴰⵙ ⵏ ⵢⵉⵎⴻⵊⵔⴰⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

« ⵢⵉⵡⴻⵏ ⴽⴰⵏ ⵏ ⵓⵎⴷⴰⵏ ⵢⴻⵙⵄⴰⵏ ⵜⴰⵖⵍⴻⵏⵜ ⵜⴰⴷⵣⴰⵢⵔⵉⵜ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⵉⵙⴻⵎ-ⵏⵏⴻⵙ ⵙⴰⵀⴱⵉ ⴽⵀⴻⵉⵔ-ⴻⴷⴷⵉⵏⴻ, ⵉⵍⵓⵍ ⴰⵙⵙ ⵏ 10 ⴼⵓⵕⴰⵕ 1986 ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⵎⴻⵎⵎⵉ-ⵙ ⵏ ⵀⴻⵎⴰⵏⴰ ⴷ ⴰⴱⴰⴷⴰ ⵔⴰⴱⴻⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴷ ⴰⵛⵓ ⴽⴰⵏ, ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, ⵍⴻⵃⵙⴰⴱ-ⴰ ⵓⵔ ⵢⴻⵎⵎⵉⴷ ⴰⵔⴰ ⵢⴻⵔⵏⴰ ⵍⴻⵃⵙⴰⴱ ⵢⴻⵎⵎⴷⴻⵏ ⵓⵔ ⵢⴻⵣⵎⵉⵔ ⴰⴷ ⴷ-ⵢⴻⴼⴼⴻⵖ ⴰⵔⵎⴰ ⵜⵜⵡⴰⵃⴻⵙⴱⴻⵏ-ⴷ ⴰⴽⴽ ⵡⵉⴷ ⵢⴻⵎⵎⵓⵜⴻⵏ ⵖⴻⴼ ⵍⴻⵃⵙⴰⴱ ⵏ ⵜⵎⵓⵔⴰ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⵜⴰⴱⵏⵉⵇⵜ ⵏ ⵜⴻⵣⵖⵉⵏⵜ (ⵅⴰⵍⵉⵢⵢⴰⵜ ⴰⵍ-ⴰⵣⵎⴰ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵍⴰ ⵜⴻⵜⵜⴻⵎⵄⴰⵡⴰⵏ ⴷⴻⴳ ⴼⵕⴰⵏⵙⴰ ⴷ ⵜⵎⴰⵀⴻⵍⵜ (ⵙⴰⴼⴰⵔⴰ) ⵜⴰⴷⵣⴰⵢⵔⵉⵜ ⵏ ⵒⴰⵔⵉⵙ ⴰⴽⴽⴻⵏ ⴰⴷ ⵜⴻⴹⴼⴻⵔ ⵙ ⵍⵇⴻⵔⴱ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵅⴰⵣⵣⴰⴱⵉⵢⵉⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵍⵖⵓ-ⵏⵏⵉ.