Asebter amenzawi

Tixazzabiyin n Paris: yiwen kan n Udzayri ay yemmuten

LEZZAYER TAMANEɣT – Yiwen kan n Udzayri ay d-ufan yemmut deg txazzabiyin n wass n ljemɛa tameddit deg Paris ay yeglan s 129 n yimdanen d twinas n yimejraḥ, ɣef wakken ay d-yenna yiwen n ulɣu (bayan) n uɣlif adzayri n tɣawsiwin n uzɣar.

« Yiwen kan n umdan yesɛan taɣlent tadzayrit ay yemmuten yerna isem-nnes Sahbi Kheir-Eddine, ilul ass n 10 Fuṛaṛ 1986 deg Lezzayer Tamaneɣt, d memmi-s n Hemana d Abada Rabea », ɣef wakken ay d-tenna teɣbalut-a.

D acu kan, ɣef leḥsab n ulɣu-a, leḥsab-a ur yemmid ara yerna leḥsab yemmden ur yezmir ad d-yeffeɣ arma ttwaḥesben-d akk wid yemmuten ɣef leḥsab n tmura-nsen, ɣef wakken ay d-yenna uɣlif adzayri n tɣawsiwin n uzɣar.

Tabniqt n tezɣint (xaliyyat al-azma) n uɣlif n tɣawsiwin n uzɣar la tettemɛawan deg Fṛansa d tmahelt (safara) tadzayrit n Paris akken ad teḍfer s lqerb timsal yeqqnen ɣer txazzabiyin-a, ɣef wakken ay d-iwekked ulɣu-nni.