ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵡⴻⵔⵥⴻⵏⵜ 5630 ⵏ ⵍⵎⵉⵏⴰⵜ ⵏ ⵜⴰⵍⵍⵉⵜ ⵏ ⵍⵉⵙⵜⵉⵄⵎⴰⵕ ⴷⴻⴳ ⵜⵓⴱⴻⵕ ⵏ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 5630 ⵏ ⵍⵎⵉⵏⴰⵜ ⵏ ⵜⴰⵍⵍⵉⵜ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵕ) ⴰⴼⵕⴻⵏⵙⵉⵙ ⴰⵢ ⴷ-ⵓⴼⴰⵏ ⵢⴻⵔⵏⴰ ⵔⵥⴰⵏ-ⵜⴻⵏⵜ ⵢⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⴻⴳ ⵜⵓⴱⴻⵕ ⵏ 2015 ⵖⴻⴼ ⵜⵍⵉⵙⴰ ⵏ ⵓⴳⵎⵓⴹ (ⵛⵛⴻⵔⵇ) ⴷ ⵓⵜⴰⵔⴰⵎ (ⵍⵖⴻⵔⴱ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵢⵉⵡⴻⵜ ⵏ ⵜⴻⵖⴱⴰⵍⵓⵜ (ⵎⴰⵚⴷⴰⵔ) ⵜⵓⵏⵚⵉⴱⵜ.

ⵙ ⵡⴰⵢⴰ, ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2, ⵢⴻⵔⵥⴰ ⵢⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ 946 ⵏ ⵍⵎⵉⵏⴰⵜ ⵜⵉⵎⴻⴳⵍⴻⵎⴷⴰⵏⵉⵏ, 1697 ⵏ ⵍⵎⵉⵏⴰⵜ ⵜⵉⵎⴻⴳⵍⴻⴳⵔⴰⵡⵉⵏ ⴷ 77 ⵏ ⵍⵎⵉⵏⴰⵜ ⵏ ⵜⴰⴼⴰⵜ. ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5, ⵔⵥⴰⵏ 2831 ⵏ ⵍⵎⵉⵏⴰⵜ ⵜⵉⵎⴻⴳⵍⴻⵎⴷⴰⵏⵉⵏ, 62 ⵏ ⵍⵎⵉⵏⴰⵜ ⵜⵉⵎⴻⴳⵍⴻⴳⵔⴰⵡⵉⵏ ⴷ 17 ⵏ ⵍⵎⵉⵏⴰⵜ ⵏ ⵜⴰⴼⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴷⴻⴼⴼⵉⵔ ⵍⴻⵛⵖⴰⵍ-ⴰ, ⵢⴻⵡⵡⴻⴹ ⵓⵊⴻⵎⵎⴰⵍ ⵏ ⵍⵎⵉⵏⴰⵜ ⴰⵢ ⵢⴻⵜⵜⵡⴻⵔⵥⴻⵏ ⴷⴻⴳ 31 ⵜⵓⴱⴻⵕ 2015 ⵖⴻⵔ 807.478 ⵏ ⵍⵎⵉⵏⴰⵜ, ⴳⴰⵔ-ⴰⵙⴻⵏⵜ 675.388 ⵏ ⵍⵎⵉⵏⴰⵜ ⵜⵉⵎⴻⴳⵍⴻⵎⴷⴰⵏⵉⵏ, 128.149 ⵏ ⵍⵎⵉⵏⴰⵜ ⵜⵉⵎⴻⴳⵍⴻⴳⵔⴰⵡⵉⵏ ⴷ 4941 ⵏ ⵍⵎⵉⵏⴰⵜ ⵏ ⵜⴰⴼⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.