ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⵊⴰⴷ ⵏ 1000 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴳⴰⵔ 2016 ⴷ 2017

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 1000 ⵏ ⵢⵉⵙⴻⵏⴼⴰⵔⴻⵏ ⵢⴻⵇⵇⵏⴻⵏ ⵖⴻⵔ ⵜⵎⴻⵔⵔⵉⵜ (ⴳⴰⵔ-ⴰⵙⴻⵏ ⵉⵙⴻⵏⵙⴰ, ⵉⵙⵓⴷⴷⵉⵙⴻⵏ [ⵎⵓⵔⴰⴽⴽⴰⴱⴰⵜ], ⵜⵓⴷⴷⴰⵔ ⴷ ⵢⵉⵙⵔⵉⵔⴻⵏ ⵏ ⵜⵎⴻⵔⵔⵉⵜ) ⴰⴷ ⴷ-ⵉⵡⴻⵊⴷⴻⵏ ⴳⴰⵔ 2016 ⴷ 2017 ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ ⴷ ⵍⴻⴱⵏⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵜⵜⵡⴰⵏⴻⵡⵡⵄⴻⵏ ⵢⴻⵅⴹⴰⵏ ⴰⵒⵉⵜⵕⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ.

« ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵙⴻⵏⴼⴰⵔⴻⵏ-ⴰ ⴰⴷ ⴷ-ⵡⴻⵊⴷⴻⵏ ⴷⴻⴳ 2016, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ, ⴰⴷ ⴷ-ⵢⴻⵡⵊⴻⴷ ⴷⴻⴳ 2017 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⵧⵓⵍ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ 3 ⵏ ⵢⵉⵛⴰⵏⵟⵉⵢⴻⵏ ⵏ ⵍⴻⴱⵏⵉ ⵏ ⵙⵉⵏ ⵏ ⵢⵉⵙⴻⵏⵙⴰ (ⴼⴰⵏⴰⴷⵉⵇ) ⴷ ⵢⵉⵡⴻⵏ ⵏ ⵓⵙⵓⴷⴷⵉⵙ ⵏ ⵜⵎⴻⵔⵔⵉⵜ ⴷⴻⴳ ⵜⵖⵉⵡⴰⵏⵉⵏ ⵏ ⴱⵓⵣⴻⵔⵔⵉⵄⴰ, ⴷⵉⵍⵉ ⴱⵕⴰⵀⵉⵎ ⴷ ⵃⵉⴷⵕⴰ. ⵢⴻⵔⵥⴻⵎ ⴷⴰⵖ ⵓⵏⴻⵖⵍⴰⴼ, ⴷⴻⴳ ⵜⴻⵔⵣⵉ-ⵏⵏⴻⵙ, 3 ⵏ ⵢⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴷⴻⴳ ⵜⵖⵉⵡⴰⵏⵉⵏ ⵏ ⵣⵔⴰⴷⵍⴰ ⴷ ⴱⵉⵔ ⵎⵓⵕⴰⴷ ⵕⴰⵢⴻⵙ.

« 1000-ⴰ ⵏ ⵢⵉⵙⴻⵏⴼⴰⵔⴻⵏ ⵙⵇⴰⵎⴻⵏ-ⴷ 500 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵢⵉⵎⵙⴻⴼⵜⵉⵢⴻⵏ » ⵢⴻⵔⵏⴰ « ⴰⵎⵜⴰⵡⴰ (ⵍⵓⴼⴻⵇ) ⴰⵢ ⵢⴻⵙⵜⴻⵏⵢⴰ ⵓⵖⵍⵉⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ ⴷ ⵓⵖⵍⵉⴼ ⵏ ⵜⴻⴷⵔⵉⵎⵜ ⴰⴷ ⴷ-ⵢⴻⴼⴽ 70% ⵙⴻⴳ ⵜⴻⴷⵔⵉⵎⵜ ⵉ ⵢⵉⵙⴻⵏⴼⴰⵔⴻⵏ-ⴰ ⵉ ⵍⵎⴻⵏⴷ ⵏ ⵓⵙⵙⴻⴱⵖⴻⵙ ⵏ ⵢⵉⵎⵙⴻⴼⵜⵉⵢⴻⵏ ».

ⵙⴻⴳ 2016 ⴷ ⴰⵙⴰⵡⴻⵏ, 2500 ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ ⵏ ⵜⵎⴻⵔⵔⵉⵜ ⴰⴷ ⵢⴻⴱⴷⵓⵏ ⴰⴽⴽⴻⵏ ⴰⴷ ⵙⵡⴻⵊⴷⴻⵏ 400.000 ⵏ ⵡⵓⵙⵓⵜⴻⵏ ⵙ ⵍⴱⴻⵄⴷ ⴰⵍⴻⵎⵎⴰⵙ, ⴰⵎ ⵡⴰⴽⴽⴻⵏ ⴰⴷ ⴷ-ⵢⴻⵙⵏⵓⵍⴼⵓ ⵡⴰⵢⴰ 200.000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵓⵙⵔⵉⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵉⵙⴻⵏⴼⴰⵔⴻⵏ-ⴰ ⴰⴷ ⴷ-ⵉⵍⵉⵏ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ, ⴷⴻⴳ ⵢⵉⴳⵏⴰⵏ ⵓⵏⵏⵉⴳⴻⵏ ⴷ ⵓⵏⴻⵥⵔⵓⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵓⵏⴻⵖⵍⴰⴼ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵉ ⵍⵎⴻⵏⴷ ⵏ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵜⵎⴻⵔⵔⵉⵜ ⵏ ⴷⴰⵅⴻⵍ ⵏ ⵜⵎⵓⵔⵜ, « ⵢⴻⵙⵙⴻⴼⴽ ⴰⴷ ⵜⴻⵜⵜⵓⵏⴻⴼⴽ ⵜⵓⵣⵡⵉⵔⵜ ⵉ ⵍⴻⴱⵏⵉ ⵏ ⵢⵉⵙⴻⵏⵙⴰ ⵏ 1 ⴷ 2 ⵢⵉⵜⵔⴰⵏ ⴰⴽⴽⴻⵏ ⴰⴷ ⵢⴻⵣⵎⴻⵔ ⵓⵥⴰⵡⴰⵍⵉ ⴰⴷ ⵢⴻⵏⵙ ⴷⴻⴳ ⵓⵙⴻⵏⵙⵓ ».

ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⵉⵙⴻⵏⴼⴰⵔⴻⵏ-ⴰ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷ ⵡⵉⴷ ⴰⵢ ⴷ-ⵉⵡⴻⵊⴷⴻⵏ ⴰⴷ ⵙⵏⴻⵔⵏⵉⵏ ⵜⴰⵖⴰⵔⴰ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⴰⴷ ⵉⵇⴰⴷⵔⴻⵏ ⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ».